‘ಕಾರ್ಗಿಲ್ ರಣಭೂಮಿಯಲ್ಲಿ ಭಾರತ ಪಾಕಿಸ್ತಾನವನ್ನು ಬಗ್ಗುಬಡಿದು ದಿಗ್ವಿಜಯ ಸಾಧಿಸಿದ ಮಹಾದಿನಕ್ಕೆ ಇಂದಿಗೆ ಬರೋಬ್ಬರಿ 21 ವರ್ಷ. ‘ಆಪರೇಷನ್ ವಿಜಯ್’ ಹೆಸರಲ್ಲಿ ಪಾಕಿಸ್ತಾನದ ವಿರುದ್ಧ 1999ರಲ್ಲಿ ಭಾರತೀಯ ಸೇನೆ ಸುಮಾರು 60 ದಿನಗಳ ಕಾರ್ಯಾಚರಣೆ ನಡೆಸಿತ್ತು. ಅದರಲ್ಲಿ ಭಾರತ ವಿಜಯ ಸಾಧಿಸುವುದರೊಂದಿಗೆ ಜುಲೈ 26ರಂದು ಯುದ್ಧ ಕೊನೆಗೊಂಡಿತ್ತು. ಯುದ್ಧದಲ್ಲಿ ಪಾಲ್ಗೊಂಡು ವಿಜಯದುಂದುಭಿ ಮೊಳಗಿಸಿದ ಕರ್ನಾಟಕದ ವೀರಯೋಧರು ತಮ್ಮ ಆ ರಣರೋಚಕ ಅನುಭವಗಳನ್ನು ವಿಜಯವಾಣಿ ಓದುಗರಿಗಾಗಿ ಹಂಚಿಕೊಂಡಿದ್ದಾರೆ.
18ನೇ ವಯಸ್ಸಿಗೆ ಸೇನೆಗೆ ಸೇರಿದ್ದೆ. ಕಾರ್ಗಿಲ್ ಯುದ್ಧದಲ್ಲಿ ಪಾಕಿಸ್ತಾನ ಸೈನಿಕರು ಮಿಸೈಲ್ ಬಾಂಬ್ನಿಂದ ದಾಳಿ ನಡೆಸಿದಾಗ ಜತೆಗಿದ್ದ ಏಳು ಸೈನಿಕರು ವೀರಮರಣ ಅಪ್ಪಿದರು. ಸೈನಿಕರ ಶವ ತೆಗೆದುಕೊಂಡು ಹೋಗಲು ಬಂದ ಸೇನಾ ಸಿಬ್ಬಂದಿ, 20 ಅಡಿ ಹಿಮ ಕಂದಕದಲ್ಲಿ ಬಿದ್ದಿದ್ದ ನನ್ನನ್ನು ನೋಡಿ ‘ರಂಗಪ್ಪ ಬದುಕಿದ್ದಾನೆ’ ಎಂದು ಕೂಗಿದರು. ತಕ್ಷಣ ಹೆಲಿಕಾಪ್ಟರ್ ಕರೆಸಿ ಪಂಜಾಬ್ ಚಂಡಿಗಡ್ ಆಸ್ಪತ್ರೆಗೆ ಸೇರಿಸಲಾಯಿತು. ಆರು ತಿಂಗಳು ಕೋಮಾ, ಒಂದು ವರ್ಷ ಬೆಡ್ನಲ್ಲೇ ಇದ್ದೆ. ಬಾಂಬ್ನಿಂದ 2 ಕಾಲು, 2 ಕೈ ಹಾನಿಯಾಗಿದ್ದವು. ಬಲಗಾಲು ಸಂಪೂರ್ಣವಾಗಿ ಕತ್ತರಿಸಲಾಗಿದೆ.
| ರಂಗಪ್ಪ ಆಲೂರ ಹುಲಸಗೇರಿ, ಬಾದಾಮಿ