ಲಂಡನ್: ಹಿಂದೂಜಾ ಗ್ರೂಪ್ನ(Hinduja Group) ಅಧ್ಯಕ್ಷ ಪಿ.ಗೋಪಿಚಂದ್ ಹಿಂದೂಜಾ ಲಂಡನ್ನಲ್ಲಿ ಮಂಗಳವಾರ(ನ.04) ಕೊನೆಯುಸಿರೆಳೆದಿದ್ದಾರೆ.
85 ವರ್ಷ ವಯಸ್ಸಾದ ಪಿ.ಗೋಪಿಚಂದ್ ಅವರು ನಾಲ್ವರು ಹಿಂದೂಜಾ ಸಹೋದರರ ಪೈಕಿ ಎರಡನೇಯವರು. ಮೊದಲನೆಯವರು ಶ್ರೀಚಂದ್ ಹಿಂದೂಜಾ 2023ರಲ್ಲಿ ನಿಧನರಾದರು. ಪ್ರಕಾಶ್ ಮತ್ತು ಅಶೋಕ್ ಹಿಂದೂಜಾ ಇಬ್ಬರು ಸಹೋದರರು ಇದ್ದಾರೆ.
ವ್ಯಾಪಾರ ವಲಯದಲ್ಲಿ 'ಜಿಪಿ' ಎಂದು ಕರೆಯಲ್ಪಡುವ ಗೋಪಿಚಂದ್ ಹಿಂದೂಜಾ 1950ರಲ್ಲಿ ಕುಟುಂಬ ವ್ಯವಹಾರವನ್ನು ಸೇರಿದರು ಮತ್ತು ಇಂಡೋ-ಮಧ್ಯಪ್ರಾಚ್ಯ ವ್ಯಾಪಾರ ಕಾರ್ಯಾಚರಣೆಯಿಂದ ಕಂಪನಿಯನ್ನು ಅಂತರರಾಷ್ಟ್ರೀಯ ಸಂಘಟನೆಯಾಗಿ ಪರಿವರ್ತಿಸಿದ ಕೀರ್ತಿಗೆ ಪಾತ್ರರಾಗಿದ್ದಾರೆ.
ಇದನ್ನೂ ಓದಿ:ಈ ವಾರ ಒಟಿಟಿಗೆ ಎಂಟ್ರಿಕೊಟ್ಟ ಚಿತ್ರಗಳಿವು! ಯಾವೆಲ್ಲ ಸಿನಿಮಾಗಳು ರಿಲೀಸ್? ಇಲ್ಲಿದೆ ಪಟ್ಟಿ | OTT Films
ಬಾಂಬೆ ಜೈ ಹಿಂದ್ ಕಾಲೇಜಿನಿಂದ ಪದವಿ ಪಡೆದ ಗೋಪಿಚಂದ್, ವೆಸ್ಟ್ಮಿನಿಸ್ಟರ್ ವಿಶ್ವವಿದ್ಯಾಲಯ ಮತ್ತು ರಿಚ್ಮಂಡ್ ಕಾಲೇಜಿನಿಂದ ಗೌರವ ಡಾಕ್ಟರೇಟ್ ಪದವಿಗಳನ್ನು ಪಡೆದಿದ್ದಾರೆ. ಹಿಂದೂಜಾ ಗ್ರೂಪ್ ಆಟೋಮೋಟಿವ್, ಬ್ಯಾಂಕಿಂಗ್ ಮತ್ತು ಹಣಕಾಸು, ಐಟಿ, ಆರೋಗ್ಯ ರಕ್ಷಣೆ, ರಿಯಲ್ ಎಸ್ಟೇಟ್, ವಿದ್ಯುತ್, ಮತ್ತು ಮಾಧ್ಯಮ ಮತ್ತು ಮನರಂಜನೆ ಸೇರಿದಂತೆ ಹನ್ನೊಂದು ವಲಯಗಳಲ್ಲಿ ವ್ಯವಹಾರಗಳನ್ನು ಹೊಂದಿದೆ. ಅದರ ಕೆಲವು ಪ್ರಸಿದ್ಧ ಬ್ರ್ಯಾಂಡ್ಗಳಲ್ಲಿ ಅಶೋಕ್ ಲೇಲ್ಯಾಂಡ್, ಇಂಡಸ್ಇಂಡ್ ಬ್ಯಾಂಕ್ ಮತ್ತು NXTDIGITAL ಲಿಮಿಟೆಡ್ ಸೇರಿವೆ.(ಏಜೆನ್ಸೀಸ್)