ಗಾಜಾ: ಇಸ್ರೇಲ್ ಸೇನೆಯು ಗಾಜಾದಿಂದ ಒರಗೆ ಹೋದ ನಂತರ ಹಮಾಸ್(Hamas) 8 ನಿವಾಸಿಗಳನ್ನು ಗಲ್ಲಿಗೇರಿಸಿದೆ. ಈ ಘಟನೆಯು ಹಮಾಸ್ ಪ್ಯಾಲೆಸ್ಟೈನ್ನಲ್ಲಿ ತನ್ನನ್ನು ಪ್ರತಿಪಾದಿಸಲು ಪ್ರೇರೇಪಿಸಿದೆ. ಅಲ್ಲದೆ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಯೋತ್ಪಾದಕ ಗುಂಪನ್ನು ನಿಶ್ಯಸ್ತ್ರಗೊಳಿಸುವುದಾಗಿ ಭರವಸೆ ನೀಡಿದ ಕೆಲವೇ ದಿನಗಳಲ್ಲಿ ಈ ಹತ್ಯಾಕಾಂಡ ನಡೆದಿದೆ.
ಪ್ಯಾಲೆಸ್ಟೀನಿಯನ್ ಪ್ರದೇಶದ ಮೇಲೆ ಹಿಡಿತ ಸಾಧಿಸಲು ಹಮಾಸ್ ನಡೆಸುತ್ತಿರುವ ಹತಾಶ ಪ್ರಯತ್ನ ಇದಾಗಿದೆ ಎಂದು ಭಾವಿಸಲಾಗಿದೆ. ಹಮಾಸ್ನ ಕ್ರೂರ ಪ್ರತೀಕಾರದ ವೀಡಿಯೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿವೆ. ಸುದ್ದಿ ಸಂಸ್ಥೆಗಳ ಪ್ರಕಾರ, ಇಸ್ರೇಲ್ನೊಂದಿಗೆ ಅಮೆರಿಕ ಮಧ್ಯಸ್ಥಿಕೆಯಲ್ಲಿ ನಡೆದ ಕದನ ವಿರಾಮ ಒಪ್ಪಂದದ ನಂತರ ಗಾಜಾ ಪಟ್ಟಿಯ ಮೇಲೆ ಹಿಡಿತ ಸಾಧಿಸಲು ಹಮಾಸ್ ಇತರ ಪ್ಯಾಲೆಸ್ಟೀನಿಯನ್ ಬುಡಕಟ್ಟು ಜನಾಂಗಗಳೊಂದಿಗೆ ಘರ್ಷಣೆ ನಡೆಸಿತು.
ಗಾಜಾದಲ್ಲಿ ನಡೆದಿರುವ ಈ ಘಟನೆಯ ವಿಡಿಯೋ ಹಲವಾರು ಸಾಮಾಜಿಕ ಮಾಧ್ಯಮ ವೈರಲ್ ಆಗುತ್ತದೆ. ಈ ವಿಡಿಯೋದಲ್ಲಿ 8 ಜನರನ್ನು ಬೀದಿಯಲ್ಲಿ ಗಲ್ಲಿಗೇರಿಸಲಾಗುತ್ತಿರುವುದನ್ನು ತೋರಿಸುತ್ತಿದೆ. ಈ ದೃಶ್ಯಗಳಲ್ಲಿ ಅಪರಾಧಿಗಳನ್ನು ಎಂದು ಹಣೆಪಟ್ಟಿ ಕಟ್ಟಿದ್ದು, ತೀವ್ರವಾಗಿ ಥಳಿಸಲ್ಪಟ್ಟ ಎಂಟು ಜನರು ಕಣ್ಣುಮುಚ್ಚಿ ಬೀದಿಯಲ್ಲಿ ಮಂಡಿಯೂರಿ ಕುಳಿತಿರುವುದನ್ನು ವೀಡಿಯೊದಲ್ಲಿ ತೋರಿಸಲಾಗಿದೆ. ಅಲ್ಲದೆ, ಹಮಾಸ್ಗೆ ಸಂಬಂಧಿಸಿದ ಹಸಿರು ತಲೆ ಪಟ್ಟಿಗಳನ್ನು ಧರಿಸಿದ ಉಗ್ರಗಾಮಿ ಬಂದೂಕುಧಾರಿಗಳು ಹಿಂದಿನಿಂದ ನಿವಾಸಿಗಳ ಮೇಲೆ ಗುಂಡು ಹಾರಿಸಿದ್ದು, 8 ಮಂದಿಯೂ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಈ ಸಮಯದಲ್ಲಿ, ಜನಸಮೂಹವು ಅಲ್ಲಾಹು ಅಕ್ಬರ್ ಎಂದು ಘೋಷಣೆ ಕೂಗುವುದನ್ನು ಕೇಳಬಹುದು.
ಇದನ್ನೂ ಓದಿ: ಗಾಜಾ ಶಾಂತಿ ಒಪ್ಪಂದ: ಹಮಾಸ್ ತನ್ನ ಶಸ್ತ್ರಾಸ್ತ್ರಗಳನ್ನು ತ್ಯಜಿಸಿ ಶರಣಾಗಬೇಕು ಎಂದ ಡೊನಾಲ್ಡ್ ಟ್ರಂಪ್ | Donald Trump
ಈ ಬಗ್ಗೆ ಮಾಹಿತಿ ನೀಡಿರುವ ಹಮಾಸ್, ಯಾವುದೇ ಪುರಾವೆಗಳನ್ನು ಒದಗಿಸದೆ, ತಾನು ಕೊಂದವರು ಇಸ್ರೇಲ್ನ ಸಹಯೋಗಿಗಳು ಎಂದು ಹೇಳಿದೆ. ಅಲ್ಲದೆ, ಗಾಜಾದಿಂದ ಇಸ್ರೇಲಿ ರಕ್ಷಣಾ ಪಡೆಗಳನ್ನು ಹಿಂತೆಗೆದುಕೊಂಡ ನಂತರ, ಹಮಾಸ್ ಈ ಪ್ರದೇಶದಲ್ಲಿ ತನ್ನ ಅಸ್ತಿತ್ವವನ್ನು ಸ್ಥಾಪಿಸಲು ಪ್ರಯತ್ನಿಸುತ್ತಿದೆ. ಗಾಜಾದ ಹಲವಾರು ಪ್ರದೇಶಗಳನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿದೆ. ಯುದ್ಧದ ಸಮಯದಲ್ಲಿ ಹಮಾಸ್ ದುರ್ಬಲಗೊಂಡಾಗ ಪ್ರದೇಶಗಳನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದ ಹಲವಾರು ಸಶಸ್ತ್ರ ಗುಂಪುಗಳನ್ನು ಹಮಾಸ್ ಪ್ರಸ್ತುತ ಎದುರಿಸುತ್ತಿದೆ.
ಗಾಜಾದಲ್ಲಿ ಕದನ ವಿರಾಮ ಜಾರಿಗೆ ಬರುತ್ತಿದ್ದಂತೆ, ಹಮಾಸ್ ಭದ್ರತಾ ಪಡೆಗಳು ಬೀದಿಗಳಿಗೆ ಮರಳಿದ್ದು, ಇತರ ಸಶಸ್ತ್ರ ಗುಂಪುಗಳೊಂದಿಗೆ ಘರ್ಷಣೆ ನಡೆಸಿ ಅವರನ್ನು ದರೋಡೆಕೋರರೆಂದು ಹಣೆಪಟ್ಟಿ ಕಟ್ಟಿ ಕೊಂದಿದೆ. ಗಾಜಾದ ಉತ್ತರ ಭಾಗದಲ್ಲಿ, ಇಸ್ರೇಲಿ ಸೈನ್ಯವು ಗಾಜಾ ನಗರದಿಂದ ಹಿಂದೆ ಸರಿದ ನಂತರ ಹಮಾಸ್ ಸರ್ಕಾರದ ಕಪ್ಪು ಮುಖವಾಡ ಧರಿಸಿದ ಸಶಸ್ತ್ರ ಉಗ್ರರು ಬೀದಿಗಳಲ್ಲಿ ಗಸ್ತು ತಿರುಗುವುದನ್ನು ಪುನರಾರಂಭಿಸಿದ್ದಾರೆ.
ಹಮಾಸ್ ಹಿಂಸಾಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಟ್ರಂಪ್, ಹಮಾಸ್ ಕೆಲವು ಅಪಾಯಕಾರಿ ಗ್ಯಾಂಗ್ಗಳನ್ನು ನಿರ್ಮೂಲನೆ ಮಾಡಿದೆ ಮತ್ತು ಅವರ ಅನೇಕ ಸದಸ್ಯರನ್ನು ಕೊಂದಿದೆ. ಆದರೆ ಪ್ರಾಮಾಣಿಕವಾಗಿ ಹೇಳಬೇಕೆಂದರೆ, ಅದು ನನಗೆ ಹೆಚ್ಚು ತೊಂದರೆ ಕೊಡಲಿಲ್ಲ ಎಂದು ಹೇಳಿದ್ದಾರೆ.
ಹಮಾಸ್ ಶರಣಾಗಬೇಕು, ಮತ್ತು ಅವರು ಶರಣಾಗದಿದ್ದರೆ, ನಾವು ಅವರನ್ನು ಶರಣಾಗುವಂತೆ ಮಾಡುತ್ತೇವೆ. ಇದು ತ್ವರಿತವಾಗಿ ಮತ್ತು ಬಹುಶಃ ಹಿಂಸಾತ್ಮಕವಾಗಿ ಸಂಭವಿಸುತ್ತದೆ ಎಂದು ಟ್ರಂಪ್ ಎಚ್ಚರಿಕೆ ನೀಡಿದ್ಧಾರೆ. (ಏಜೆನ್ಸೀಸ್)