ಮದುವೆಗೆ ಮದುಮಕ್ಕಳು ಬರುವುದನ್ನು ದಿಬ್ಬಣ ಎನ್ನುತ್ತೇವೆ. ಆದರೆ ಇಲ್ಲೊಂದು ಮದುವೆಯಲ್ಲಿ ಮದುಮಕ್ಕಳು ಬಂದದ್ದು ಆಂಬುಲೆನ್ಸ್ನಲ್ಲಿ!
ಹೌದು ಇಂತಹ ಘಟನೆಯನ್ನು ನೋಡಿದ ನೆಟ್ಟಿಗರು ಎಮರ್ಜೆನ್ಸಿಯಲ್ಲಿ ಬಳಸುವ ಆಂಬುಲೆನ್ಸ್ನಂತಹ ವಾಹನವನ್ನು ಈ ರೀತಿ ಬಳಸಿದ್ದಕ್ಕೆ ಕಿಡಿ ಕಾರಿದ್ದಾರೆ.
ಇಂತಹ ವಿಲಕ್ಷಣ ಘಟನೆ ನಡೆದಿರುವುದು ಮಲೇಷ್ಯಾದಲ್ಲಿ. ಈ ವಿಡಿಯೋವನ್ನು ನೋಡಿದ ಫೇಸ್ಬುಕ್ ಬಳಕೆದಾರರು ಬೇಸರ ವ್ಯಕ್ತಪಡಿಸಿದ್ದಾರೆ.
ಈ ನಾಲ್ಕು ನಿಮಿಷದ ವಿಡಿಯೋದಲ್ಲಿ ಅವರಿಬ್ಬರು ಮದುಮಕ್ಕಳ ಉಡುಪಿನಲ್ಲಿ ಬರುತ್ತಾರೆ. ಈ ವಿಡಿಯೋ ಈವರೆಗೆ 1.97 ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದಾರೆ. ಈ ಪೋಸ್ಟ್ನ್ನು 200ಕ್ಕೂ ಹೆಚ್ಚು ಬಾರಿ ಶೇರ್ ಮಾಡಲಾಗಿದೆ.
ವ್ಹೀಲ್ಚೇರ್ನಲ್ಲಿ ಮದುಮಗಳು
ಈ ವಿಡಿಯೋದಲ್ಲಿ ಮದುಮಗ, ಮದುಮಗಳನ್ನು ವ್ಹೀಲ್ಚೇರಿನಲ್ಲಿ ಕರೆ ತರುತ್ತಾನೆ. ಅಲ್ಲದೆ ಈ ಇಬ್ಬರ ಸಂಬಂಧಿಕರೂ ಆಂಬುಲೆನ್ಸ್ನಲ್ಲಿ ಬರುತ್ತಾರೆ. ಆಂಬುಲೆನ್ಸ್ನಂತಹ ತುರ್ತು ವಾಹನವನ್ನು ಈ ರೀತಿ ಬಳಕೆ ಮಾಡಿದ್ದಕ್ಕೆ ನೆಟ್ಟಿಗರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.
ಮಲೇಷಿಯಾದ ಸಚಿವಾಲಯ ಹೇಳಿಕೆಯೊಂದನ್ನು ಬಿಡುಗಡೆ ಮಾಡಿದ್ದು ಅದರಲ್ಲಿ, ಈ ಆಂಬುಲೆನ್ಸ್ ಖಾಸಗಿಯಾದ್ದಾಗಿದೆ. ಇದನ್ನು ಅವರು ತಮ್ಮ ಮದುವೆಗೆ ಬುಕ್ ಮಾಡಿದ್ದಾರೆ ಎಂದು ತಿಳಿಸಿದೆ. (ಏಜೆನ್ಸೀಸ್)