ಸರ್ಕಾರದ ಭರವಸೆಗಳು ಪ್ರಯೋಜವನಿಲ್ಲವೆಂದ ಅತಿಥಿ ಉಪನ್ಯಾಸಕರು: ಜ.1ರಿಂದ ಪಾದಯಾತ್ರೆ

ಬೆಂಗಳೂರು

ಸರ್ಕಾರಿ ಪದವಿ ಕಾಲೇಜು ಅತಿಥಿ ಉಪನ್ಯಾಸಕರು ತಮ್ಮ ಹೋರಾಟವನ್ನು ಮುಂದುವರಿಸುವುದಾಗಿ ಹೇಳಿರುವ ಬೆನ್ನಲ್ಲೇ, ಅತಿಥಿ ಉಪನ್ಯಾಸಕರು ಜ.1ರಂದು ಕರ್ತವ್ಯಕ್ಕೆ ಹಾಜರಾಗದಿದ್ದರೆ ಪರ್ಯಾಯ ವ್ಯವಸ್ಥೆ ಮಾಡುವುದಾಗಿ ಎಚ್ಚರಿಕೆ ನೀಡಿದೆ.

ಸರ್ಕಾರ ನೀಡಿರುವ ಭರವಸೆಗಳನ್ನು ನಿರಾಕರಿಸಿರುವ ಸರ್ಕಾರಿ ಪದವಿ ಕಾಲೇಜುಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಅತಿಥಿ ಉಪನ್ಯಾಸಕರು ತಮ್ಮ ಹೋರಾಟವನ್ನು ಮುಂದುವರಿಸಿದ್ದು, ಜ.1ರಂದು ತುಮಕೂರಿನ ಸಿದ್ಧಗಂಗಾ ಮಠದಲ್ಲಿ ಪಾದಯಾತ್ರೆಗೆ ಚಾಲನೆ ನೀಡಲಿದ್ದಾರೆ.

ರಾಜ್ಯ ಸರ್ಕಾರವು ನೀಡಿರುವ 5 ಸಾವಿರ ವೇತನ ಹೆಚ್ಚಳ, ಆರೋಗ್ಯ ವಿಮೆ ಮತ್ತು 5 ಲಕ್ಷ ರೂ.ಗಳ ನಿವೃತ್ತಿ ವೇತನ ಹಣದ ಯೋಜನೆಗಳು ನಿಪ್ರ್ಪಯೋಜಕವಾಗಿವೆ. ಇದರ ಬದಲಾಗಿ ಸೇವೆ ಕಾಯಂ ಮಾಡುವುದು ಮತ್ತು ವರ್ಷದ 12 ತಿಂಗಳು ವೇತನ ನೀಡುವ ಯೋಜನೆಯನ್ನು ಕಾಂಗ್ರೆಸ್ ತನ್ನ ಪ್ರಣಾಳಿಕೆಯಲ್ಲಿ ೋಷಿಸಿದ್ದಂತೆ ಜಾರಿಗೊಳಿಸಬೇಕು ಎಂದು ಪಟ್ಟು ಹಿಡಿದಿದ್ದಾರೆ.

ಜ.1ರಂದು ಪಾದಯಾತ್ರೆಗೆ ಸಿದ್ಧಗಂಗಾ ಮಠದ ಸಿದ್ಧಗಂಗಾ ಸ್ವಾಮೀಜಿ ಚಾಲನೆ ನೀಡಲಿದ್ದಾರೆ. ಪಾದಯಾತ್ರೆಯು ಜ5 ಅಥವಾ 6ರಂದು ಬೆಂಗಳೂರಿಗೆ ತಲುಪಿ ಸ್ವಾತಂತ್ರ್ಯ ಉದ್ಯಾನದಲ್ಲಿ ಬೃಹತ್ ಸಮಾವೇಶ ನಡೆಸಲಾಗುವುದು ಎಂದು ಸಂಘಟನೆಯ ಕಲ್ಮಣಿ ತಿಳಿಸಿದ್ದಾರೆ.

ಸರ್ಕಾರದ ೋಷಣೆಗಳು ಪ್ರಯೋಜನವಿಲ್ಲ

1. ಸರ್ಕಾರವು ಅತಿಥಿ ಉಪನ್ಯಾಸಕರಿಗೆ 5 ಸಾವಿರ ವೇತನ ಹೆಚ್ಚಳ ಮಾಡುತ್ತೇವೆಂದು ಹೇಳಿದೆ. ಇದರ ಬದಲಾಗಿ 10 ತಿಂಗಳಿಗೆ ನೀಡುತ್ತಿರುವ ವೇತನವನ್ನು 12 ತಿಂಗಳಿಗೆ ನೀಡಬೇಕು.
2. ಉಪನ್ಯಾಸಕರ ಸೇವೆಗೆ ಭದ್ರತೆಯೇ ಇಲ್ಲದಿರುವುದರಿಂದ ಒಂದು ವರ್ಷ ಕೆಲಸ ಮಾಡಿದವರು ಮುಂದಿನ ವರ್ಷಕ್ಕೆ ಕೆಲಸವೇ ಸಿಗದಿರಬಹುದು. ಹೀಗಾಗಿ ಆರೋಗ್ಯ ವಿಮೆಯು ಪ್ರಯೋಜನವಾಗದು
3. 60 ವರ್ಷ ಸೇವೆ ಸಲ್ಲಿಸಿದವರಿಗೆ ಮಾತ್ರ 5 ಲಕ್ಷ ರೂ. ಸಿಗಲಿದೆ. 60 ವರ್ಷವಾಗುವ ತನಕ ಕೆಲಸ ಮಾಡುತ್ತೇವೆಂಬ ಭದ್ರತೆಯೇ ಇಲ್ಲದಿರುವಾಗ ಇನ್ನು 5 ಲಕ್ಷ ರೂ.ಗಳು ಸಿಗಲಿದೆಯೇ ಎಂಬ ಯಾವ ನಂಬಿಕೆ ಇದೆ
4.  ಈಗಾಗಲೇ ಬಹುತೇಕ ಉಪನ್ಯಾಸಕರು 40 ವರ್ಷಕ್ಕಿಂತ ಹೆಚ್ಚಿನ ವಯೋಮಾನದವೇ ಆಗಿದ್ದಾರೆ. ಇವರೆಲ್ಲ ಸರ್ಕಾರಿ ಹುದ್ದೆಗೆ ವಯೋಮಿತಿ ಮೀರಿದವರಾಗಿದ್ದಾರೆ. ಇವರಿಗೆ ಸಹಾಯಕ ಪ್ರಾಧ್ಯಾಪಕ ನೇಮಕದಲ್ಲಿ ಮೀಸಲಾತಿ ಕೂಡ ಉಪಯೋಗವಾಗುವುದಿಲ್ಲ