‘ಗೋಟ್’ಗೆ ಪ್ಲೇಟ್ ಗಿಫ್ಟ್​!: ಚಿತ್ರದಲ್ಲಿ ಬಳಸಿದ್ದ ಕಾರ್ ನಂಬರ್ ಪ್ಲೇಟ್ ಉಡುಗೊರೆ ನೀಡಿದ ನಿರ್ದೇಶಕ

ವಿಜಯ್ ಮೇಲೆ ತಮಿಳು ನಟ ವಿಶಾಲ್ ಮುನಿಸಿಕೊಂಡಿದ್ದಾರೆ. ಇತ್ತೀಚೆಗೆ ಹಾಸ್ಯನಟ, ಶಾಸಕ ರಾಜಮೋಹನ್ ಅವರಿಗೆ ವಿಜಯ್ ಸಂಪುಟದಲ್ಲಿ ‘ಫಿಲಂ ಟೆಕ್ನಾಲಜಿ ಮತ್ತು ಸಿನಿಮಾಟೋಗ್ರಫಿ ಆ್ಯಕ್ಟ್’ ಅರ್ಥಾತ್ ತಮಿಳು ಚಿತ್ರರಂಗಕ್ಕೆ ಸಂಬಂಧಿಸಿದ ಖಾತೆ ನೀಡಲಾಗಿದೆ. ಈಗಾಗಲೇ ಅವರಿಗೆ ‘ಶಾಲಾ ಶಿಕ್ಷಣ ಮತ್ತು ತಮಿಳು ಅಭಿವೃದ್ಧಿ’ ಇಲಾಖೆ ನೀಡಲಾಗಿದ್ದು, ಅದರ ಜತೆಗೆ ಹೆಚ್ಚುವರಿಯಾಗಿ ಈ ಖಾತೆ ನೀಡಲಾಗಿದೆ. ಅದಕ್ಕೆ ವಿಶಾಲ್ ಆಕ್ಷೇಪಿಸಿ, ‘ಸಿನಿಮಾದ ಬಗ್ಗೆ ಜ್ಞಾನದ ಇರದ ವ್ಯಕ್ತಿಗೆ ಖಾತೆ ನೀಡಿರುವುದು ಸಲ್ಲ’ ಎಂದು ವಿರೋಧಿಸಿದ್ದಾರೆ. ಈ ಮಧ್ಯೆ, ನಟ, ನಿರ್ದೇಶಕ ರಾಘವ್ ಲಾರೆನ್ಸ್, ನಿರ್ಮಾಪಕ ಟಿ. ಶಿವ ವಿಜಯ್ ನಿರ್ಧಾರವನ್ನು ಬೆಂಬಲಿಸಿ, ‘ರಾಜಮೋಹನ್ ಆಯ್ಕೆ ಸೂಕ್ತವಾದುದು’ ಎಂದಿದ್ದಾರೆ. ರಾಜಮೋಹನ್ ತಮಿಳಿನ ‘ನಾನ್ ಸಿರಿತಲ್’ ಸೇರಿ ಕೆಲ ಸಿನಿಮಾಗಳಲ್ಲಿ ನಟಿಸಿದ್ದಾರೆ.