Cab Driver Success ಚಿತ್ರ Instagram
ಮುಂಬೈ: ಇತ್ತೀಚಿನ ದಿನಗಳಲ್ಲಿ ಯುವ ಪೀಳಿಗೆಯು ಸಾಂಪ್ರದಾಯಿಕ 9 ರಿಂದ 5 ರವರೆಗಿನ ಕಾರ್ಪೊರೇಟ್ ಉದ್ಯೋಗಗಳಿಗಿಂತ ಸ್ವತಂತ್ರ ವ್ಯವಹಾರ ಮತ್ತು ಉದ್ಯಮಶೀಲತೆಯತ್ತ ಹೆಚ್ಚು ಆಕರ್ಷಿತರಾಗುತ್ತಾರೆ. ಇದಕ್ಕೆ ಸಾಕ್ಷಿ ಎಂಬಂತೆ, ಮುಂಬೈ ಮೂಲದ ಎಂಜಿನಿಯರಿಂಗ್ ಪದವೀಧರರೊಬ್ಬರು ತಮ್ಮ ಸಾಂಪ್ರದಾಯಿಕ ಕಾರ್ಪೊರೇಟ್ ವೃತ್ತಿಜೀವನವನ್ನು (Cab Driver Success) ತ್ಯಜಿಸಿ, ಯಶಸ್ವಿ ವಾಣಿಜ್ಯ ಫ್ಲೀಟ್ (Commercial Fleet) ವ್ಯವಹಾರವನ್ನು ಹೇಗೆ ನಿರ್ಮಿಸಿದರು ಎಂಬ ಸ್ಪೂರ್ತಿದಾಯಕ ಕಥೆ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ವೈರಲ್ ಆಗಿದೆ.
ವೈರಲ್ ವಿಡಿಯೋದಲ್ಲೇನಿದೆ?
ಕೆನಡಾದ ವಿಷಯ ಸೃಷ್ಟಿಕರ್ತ ಕ್ಯಾಲೆಬ್ ಫ್ರೈಸೆನ್ ಇತ್ತೀಚೆಗೆ ಮುಂಬೈಗೆ ಭೇಟಿ ನೀಡಿದಾಗ ಈ ಕಥೆ ಬೆಳಕಿಗೆ ಬಂದಿದೆ. ಕ್ಲಿಪ್ನಲ್ಲಿ, ಚಾಲಕನು ತನ್ನ ಎಂಜಿನಿಯರಿಂಗ್ ಪದವಿಯನ್ನು ಪೂರ್ಣಗೊಳಿಸಿದ ನಂತರ, ಕಾರ್ಪೋರೇಟ್ ಕಂಪನಿಯೊಂದರಲ್ಲಿ 30,000 ರೂ.ಗಳಿಗೆ ಆಫರ್ ಮಾಡಲಾಗಿತ್ತು. ಆದರೆ, ಮುಂಬೈನ ಜೀವನಕ್ಕೆ ಅಷ್ಟು ಹಣ ಸಾಕಾಗುವುದಿಲ್ಲ ಎಂದು ತಿಳಿದು ಹೋಗಲು ನಿರಾಕರಿಸಿದೆ ಎಂದರು.
ಆದಾಗ್ಯೂ, ಕಾರ್ಪೋರೇಟ್ ಉದ್ಯೋಗವನ್ನು ಕೈಬಿಡಲು ನಿರ್ಧರಿಸಿದ ಮೇಲೆ ಸಾರಿಗೆ ಮತ್ತು ಟ್ರಾವೆಲ್ಸ್ ಕ್ಷೇತ್ರದಲ್ಲಿ ಇರುವ ಅವಕಾಶಗಳನ್ನು ಗುರುತಿಸಿದರು. ಆರಂಭದಲ್ಲಿ ತಾನೇ ಸ್ವತಃ ಕಾರನ್ನು ಚಲಾಯಿಸುವ ಮೂಲಕ ಉದ್ಯಮಕ್ಕೆ ಕಾಲಿಟ್ಟರು. ಆದರೆ ಆತನ ಯೋಚನೆ ಕೇವಲ ಚಾಲಕನಾಗಿ ಉಳಿಯುವುದಾಗಿರಲಿಲ್ಲ, ಬದಲಿಗೆ ದೊಡ್ಡದೊಂದು ವ್ಯವಹಾರವನ್ನು ಮಾಡುವ ಯೋಜನೆಯನ್ನು ಹೊಂದಿದ್ದರು.
ಕಾಲಾನಂತರದಲ್ಲಿ, ಅವರ ಉದ್ಯಮವು ಒಂದು ವಾಹನದಿಂದ ನಾಲ್ಕು ವಾಣಿಜ್ಯ ಕಾರುಗಳ ಸಮೂಹಕ್ಕೆ ವಿಸ್ತರಿಸಿತು. ಅವರ ಪ್ರಕಾರ, ವ್ಯವಹಾರವು ಈಗ ಖರ್ಚುಗಳ ನಂತರ ಮಾಸಿಕ 2 ಲಕ್ಷ ರೂ.ಗಳಷ್ಟು ಆದಾಯವನ್ನು ಗಳಿಸುತ್ತಿದೆ. ಆದಾಗ್ಯೂ, ಅವರ ಕಾರ್ಪೊರೇಟ್ ವೃತ್ತಿಜೀವನದ ಆರಂಭದಲ್ಲಿ ಅವರು ಗಳಿಸುತ್ತಿದ್ದಕ್ಕಿಂತ ಗಮನಾರ್ಹವಾಗಿ ಹೆಚ್ಚಾಗಿರುವುದಾಗಿ ತಿಳಿಸಿದ್ದಾರೆ.
ಪ್ರಯಾಣಿಕನು ಸಂಭಾಷಣೆಯ ಸಮಯದಲ್ಲಿ ಚಾಲಕನಿಗೆ ತಿಂಗಳಿಗೆ ಎಷ್ಟು ಹಣವನ್ನು ಸಂಪಾದಿಸುತ್ತೀರಿ ಎಂದು ಕೇಳಿದರು. ಅದಕ್ಕೆ ಪ್ರತಿಕ್ರಿಯಿಸಿದ ಅವರು, 2 ಲಕ್ಷ ದುಡಿಯುವುದಾಗಿ ತಿಳಿಸಿದ್ದಾರೆ. ನಂತರ ಇಷ್ಟೊಂದು ಹಣವನ್ನು ಹೇಗೆ ಸಂಪಾದಿಸುವುದಾಗಿಯೂ ಹೇಳಿದರು. ಇದು ನಿಜಕ್ಕೂ ನನ್ನನ್ನು ಬೆರಗುಗೊಳಿಸಿತು ಎಂದು ಫ್ರೈಸೆನ್ ತಿಳಿಸಿದರು.
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರನ್ನು ಸೆಳೆಯಿತು. ಒಬ್ಬ ಬಳಕೆದಾರರು ಈ ವಿಡಿಯೋ ನಿಜಕ್ಕೂ ಸ್ಪೂರ್ತಿದಾಯಕ ಎಂದು ಕಾಮೆಂಟ್ ಮಾಡಿದರೆ, ಮತ್ತೊಬ್ಬ ಬಳಕೆದಾರ ಪರಿಪೂರ್ಣ ಕೆಲಸ ಚೆನ್ನಾಗಿದೆ, ವ್ಯವಹಾರ ಉತ್ತಮವಾಗಿದೆ, ಪಕ್ಕದ ಕೆಲಸವೂ ಜಾಣತನ - ಆದರೆ ಹೆಚ್ಚುವರಿಯಾಗಿ ಏನಾದರೂ ಮಾಡುವುದು ವ್ಯತ್ಯಾಸವನ್ನುಂಟು ಮಾಡುತ್ತದೆ ಎಂದರು (ಏಜೆನ್ಸೀಸ್).