ಕಾರಾಗೃಹದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸಿದವನು ಈಗ ವೈದ್ಯ: ಬಾಲ್ಯದ ಕನಸಿನ ಬೆನ್ನತ್ತಿದ ಕಲಬುರ್ಗಿಯ ಸುಭಾಷ್​

ಕಲಬುರ್ಗಿ: ಕಾರಾಗೃಹದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸಿದ ವ್ಯಕ್ತಿಯೊಬ್ಬ ಜೈಲಿನಿಂದ ಹೊರಬಂದ ನಂತರ ಡಾಕ್ಟರ್​ ಆಗಿರುವ ಘಟನೆ ಕಲಬುರ್ಗಿಯಲ್ಲಿ ನಡೆದಿದೆ.

ಸುಭಾಷ್​ ಪಾಟೀಲ್​ ಹೆಸರಿನ ವ್ಯಕ್ತಿ 1997ರಲ್ಲಿ ಎಮ್​ಬಿಬಿಎಸ್​ ಸೇರಿದ್ದನಂತೆ. ಆದರೆ ಕೊಲೆ ಪ್ರಕರಣವೊಂದರಲ್ಲಿ ಸಿಕ್ಕಿಬಿದ್ದ ಕಾರಣ ಅವರನ್ನು 2002ರಲ್ಲಿ ಜೈಲಿಗೆ ಕಳುಹಿಸಲಾಗಿದೆ. ಮೂರು ವರ್ಷಗಳ ಎಮ್​ಬಿಬಿಎಸ್​ ಕೋರ್ಸ್​ ಮುಗಿಸಿದ್ದ ಆತ ಜೈಲಿನ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದ. 14 ವರ್ಷಗಳ ಸೆರೆಮನೆ ವಾಸದ ನಂತರ 2016ರಲ್ಲಿ ಸುಭಾಷ್​ನನ್ನು ಬಂಧನಮುಕ್ತ ಮಾಡಲಾಗಿದೆ.

ಜೈಲಿನಿಂದ ಹೊರಬಂದ ಸುಭಾಷ್​ ಮತ್ತೆ ತನ್ನ ಎಂ​ಬಿಬಿಎಸ್​ ವಿದ್ಯಾಭ್ಯಾಸವನ್ನು ಮುಂದುವರಿಸಿದ್ದಾರೆ. 2019ರಲ್ಲಿ ಎಂಬಿಬಿಎಸ್​ ಕೋರ್ಸ್​ ಮುಗಿಸಿದ್ದು ಒಂದು ವರ್ಷದ ಕಡ್ಡಾಯ ಇಂಟರ್ನ್‌ಶಿಪ್​ನ್ನು ಮುಗಿಸಿ ಇದೀಗ ಒಬ್ಬ ವೈದ್ಯನಾಗಿ ಹೊರಹೊಮ್ಮಿದ್ದಾನೆ. ಈ ಮೂಲಕ ತನ್ನ ಬಾಲ್ಯದ ಕನಸನ್ನು ನನಸು ಮಾಡಿಕೊಂಡಿದ್ದಾನೆ.(ಏಜೆನ್ಸೀಸ್​)