ವಾಷಿಂಗ್ಟನ್: ಹಾಲಿವುಡ್ನ ಪ್ರಸಿದ್ಧ ನಿರ್ದೇಶಕ ಮತ್ತು ನಿರ್ಮಾಪಕರಾಗಿರುವ ಸ್ಟೀವನ್ ಸ್ಪೀಲ್ಬರ್ಗ್ ಅವರ 23 ವರ್ಷದ ಮಗಳು ಮೈಕೆಲಾ ತಾನು ನೀಲಿ ಸಿನಿಮಾಗಳಲ್ಲಿ ಕೆಲಸ ಮಾಡುತ್ತಿರುವುದಾಗಿ ಹೇಳಿಕೊಂಡಿದ್ದಾಳೆ.
ಮೈಕೆಲಾಗೆ ಪ್ರತಿನಿತ್ಯ ಆಫೀಸ್ಗೆ ಹೋಗಿ ದುಡಿಯುವುದ ಇಷ್ಟವಿಲ್ಲವಂತೆ. ಹಾಗೆಯೇ ನಾನು ಮಾಡುವ ಕೆಲಸದಿಂದ ಯಾರಾದರೂ ತೃಪ್ತಿಯಾಗಬೇಕು ಎನ್ನುವುದು ಆಕೆಯ ಇಷ್ಟವಂತೆ. ಆ ಕಾರಣದಿಂದಾಗಿ ತಾನು ಒಬ್ಬಂಟಿ ನೀಲಿ ಚಿತ್ರಗಳನ್ನು ಚಿತ್ರಿಸುತ್ತಿರುವುದಾಗಿ ಆಕೆ ಹೇಳಿಕೊಂಡಿದ್ದಾರೆ.
"ನನ್ನ ದೇಹ, ನನ್ನ ಜೀವನ, ನನ್ನ ಗಳಿಕೆ ಹಾಗೆಯೇ ಇದು ನನ್ನ ಆಯ್ಕೆ. ಇದು ಸಕಾರಾತ್ಮಕ ಮತ್ತು ಸಶಕ್ತ ಆಯ್ಕೆ. ಈ ಉದ್ಯಮದಲ್ಲಿ ಮೋಹ ಹೊಂದಿ, ಸುರಕ್ಷಿತ, ವಿವೇಕಯುತ ಕೆಲಸವನ್ನು ಮಾಡುವುದರಲ್ಲಿ ಯಾವುದೇ ಅವಮಾನವಿಲ್ಲ ಎನ್ನುವುದನ್ನು ನಾನು ಅರಿತುಕೊಂಡಿದ್ದೇನೆ." ಎಂದು ಆಕೆ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
ತಾನು ಈ ಕೆಲಸವನ್ನು ಮಾಡುತ್ತಿರುವುದರ ಕುರಿತಾಗಿ ಇತ್ತೀಚೆಗೆ ತನ್ನ ತಂದೆ ತಾಯಿಗೆ ಫೇಸ್ಟೈಮ್ ಆ್ಯಪ್ನಲ್ಲಿ ವಿಡಿಯೋ ಕಾಲ್ ಮಾಡಿ ತಿಳಿಸಿರುವುದಾಗಿ ಅವರು ತಿಳಿಸಿದ್ದಾರೆ.
ಸ್ವಂತ ಮಕ್ಕಳಿಲ್ಲದ ಸ್ಟೀವನ್ ಸ್ಪೀಲ್ಬರ್ಗ್ ದಂಪತಿ ಮೈಕೆಲಾರನ್ನು ಚಿಕ್ಕ ವಯಸ್ಸಿನಲ್ಲಿ ದತ್ತು ಪಡೆದಿದ್ದರು. (ಏಜೆನ್ಸೀಸ್)