ನವದೆಹಲಿ: ಕೆಂಪುಕೋಟೆಯ ( Delhi explosion) ಬಳಿ ನಡೆದ ಕಾರು ಸ್ಫೋಟಕ್ಕೆ ಬಳಸಲಾದ ಹ್ಯೂಂಡೈ ಐ20 ಕಾರನ್ನು ಆರೋಪಿಗಳಿಗೆ ಮಾರಾಟ ಮಾಡಿದ್ದ ಫರಿದಾಬಾದ್ ಕಾರು ಡೀಲರನ್ನು ಪೊಲೀಸರು ಅರೆಸ್ಟ್ ಪಡೆದಿದ್ದಾರೆ.
ನವೆಂಬರ್ 10 ರಂದು ದೆಹಲಿಯ ಕೆಂಪು ಕೋಟೆ ಬಳಿ ನಡೆದ ಬಾಂಬ್ ಸ್ಫೋಟದ ಬಗ್ಗೆ ತನಿಖೆ ನಡೆಯುತ್ತಿದೆ. ಶಂಕಿತ ಡಾ. ಉಮರ್ ಉನ್ ನಬಿ ಮತ್ತು ತಾರಿಕ್ ಅಹ್ಮದ್ ಮಲಿಕ್ ಅವರಿಗೆ ಹುಂಡೈ ಐ20 ಮಾರಾಟ ಮಾಡಿದ ಹರಿಯಾಣದ ಫರಿದಾಬಾದ್ನ ಕಾರು ವ್ಯಾಪಾರಿಯನ್ನು ಬಂಧಿಸಲಾಗಿದೆ ಎಂದು ಮೂಲಗಳನ್ನು ಉಲ್ಲೇಖಿಸಿ ಎಎನ್ಐ ವರದಿ ಮಾಡಿದೆ.
ರಾಯಲ್ ಕಾರ್ ಝೋನ್ ಮಾಲೀಕ ಸೋನು ಅವರನ್ನು ದೆಹಲಿ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ ಎಂದು ಹರಿಯಾಣ ಪೊಲೀಸರು ದೃಢಪಡಿಸಿದ್ದಾರೆ. ರಾಯಲ್ ಕಾರ್ ಜೋನ್ ಬಳಸಿದ ಕಾರುಗಳ ಮಾರಾಟ ಮತ್ತು ಖರೀದಿಯಲ್ಲಿ ವ್ಯವಹರಿಸುತ್ತದೆ ಮತ್ತು ಹಣಕಾಸಿನ ಸೇವೆಯನ್ನೂ ನೀಡುತ್ತದೆ. ಇದು ಹರಿಯಾಣದ ಫರಿದಾಬಾದ್ನ ಸೆಕ್ಟರ್ 37 ರಲ್ಲಿ ತನ್ನ ಕಚೇರಿಯನ್ನು ಹೊಂದಿದೆ.
ದೆಹಲಿ ಸ್ಫೋಟ ಪ್ರಕರಣದ ಶಂಕಿತ ಆತ್ಮಹತ್ಯಾ ಬಾಂಬರ್ ಡಾ. ಉಮರ್ ಮೊಹಮ್ಮದ್ ಅವರಿಗೆ ಕಾರನ್ನು ಮಾರಾಟ ಮಾಡುವಲ್ಲಿ ಸೋನು ವ್ಯವಹರಿಸಿದ್ದಾನೆ ಎಂದು ವರದಿಯಾಗಿದೆ . ಅಕ್ಟೋಬರ್ 29 ರ ಸಿಸಿಟಿವಿ ದೃಶ್ಯಾವಳಿಗಳು ರಾಯಲ್ ಕಾರ್ ಝೋನ್ ಕಚೇರಿಯ ಬಳಿಯ ಪೆಟ್ರೋಲ್ ಪಂಪ್ನಲ್ಲಿ ವಾಹನವು ಮಾಲಿನ್ಯ ಪರೀಕ್ಷೆಯನ್ನು ಮಾಡಿಸಿಕೊಳ್ಳುವುದನ್ನು ತೋರಿಸುತ್ತದೆ. ತನಿಖೆಯಲ್ಲಿ ಕಾರನ್ನು ಏಳು ಬಾರಿ ಖರೀದಿಸಿ ಮಾರಾಟ ಮಾಡಲಾಗಿತ್ತು ಎಂದು ಸೂಚಿಸುತ್ತವೆ.
ನವೆಂಬರ್ 10 ರಂದು, ಸಂಜೆ 7 ಗಂಟೆ ಸುಮಾರಿಗೆ, ದೆಹಲಿಯ ಕೆಂಪು ಕೋಟೆ ಬಳಿ ಕಾರು ಸ್ಫೋಟಗೊಂಡಿತು. ಸ್ಫೋಟದಲ್ಲಿ ಹಲವಾರು ವಾಹನಗಳು ಸಹ ಜಖಂಗೊಂಡವು. ಈ ಸ್ಫೋಟದಲ್ಲಿ 12 ಜನರು ಸಾವನ್ನಪ್ಪಿದರು ಮತ್ತು 20 ಕ್ಕೂ ಹೆಚ್ಚು ಜನರು ಗಾಯಗೊಂಡರು. ಪೊಲೀಸರು ಮತ್ತು ಏಜೆನ್ಸಿಗಳು ಇಲ್ಲಿಯವರೆಗೆ ಹಲವಾರು ಶಂಕಿತರನ್ನು ಬಂಧಿಸಿವೆ. ಈ ಪ್ರಕರಣದ ಮೂವರು ಪ್ರಮುಖ ಶಂಕಿತರು ಡಾ. ಮುಜಮ್ಮಿಲ್, ಡಾ. ಆದಿಲ್ ಅಹ್ಮದ್ ದಾರ್ ಮತ್ತು ಡಾ. ಉಮರ್. ಸ್ಫೋಟದ ಸಮಯದಲ್ಲಿ ಡಾ. ಉಮರ್ ಸಾವನ್ನಪ್ಪಿದ್ದಾರೆ ಎಂದು ಶಂಕಿಸಲಾಗಿದ್ದು, ಡಾ. ಮುಜಮ್ಮಿಲ್ ಮತ್ತು ಡಾ. ಆದಿಲ್ ಅಹ್ಮದ್ ದಾರನ್ನು ಬಂಧಿಸಲಾಗಿದೆ. ಮುಜಮ್ಮಿಲ್ ಅವರನ್ನು ಈಗ ವಿಚಾರಣೆ ನಡೆಸಲಾಗುತ್ತಿದೆ.
ಕಾರನ್ನು ದೆಹಲಿಗೆ ತರುವ ಮುನ್ನ ಹರಿಯಾಣದ ಫರೀದಾಬಾದ್ನ ಅಲ್ ಫಲಾಹ್ ಮೆಡಿಕಲ್ ಕಾಲೇಜು ಕ್ಯಾಂಪಸ್ನಲ್ಲಿ ಸುಮಾರು 11 ದಿನಗಳವರೆಗೆ ಪಾರ್ಕ್ ಮಾಡಲಾಗಿತ್ತು ಎಂದು ತಿಳಿದುಬಂದಿದೆ. ನವೆಂಬರ್ 10ರಂದು ಅಂದರೆ ಸ್ಫೋಟ ನಡೆದ ದಿನ ಶಂಕಿತ ಸೂಸೈಡ್ ಬಾಂಬರ್ ಡಾ. ಉಮರ್ ನಬಿ ಕಾರನ್ನು ಕಾಲೇಜು ಕ್ಯಾಂಪಸ್ನಿಂದ ಹೊರಗಡೆ ತಂದನು. ತನ್ನಿಬ್ಬರು ಸಹಚರರನ್ನು ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ಬಂಧಿಸಿದ್ದರಿಂದ ಗಾಬರಿಗೊಂಡ ಉಮರ್, ಕಾರನ್ನು ಹೊರಗಡೆ ತಂದನು ಎಂಬ ಮಾಹಿತಿ ತನಿಖೆಯಲ್ಲಿ ತಿಳಿದುಬಂದಿದೆ.
ಸೋಮವಾರ ಸಂಜೆ ಸುಮಾರು 6.52ಕ್ಕೆ ಹಳೆ ದೆಹಲಿ ಏರಿಯಾದಲ್ಲಿ ಈ ಕಾರು ಸ್ಫೋಟಗೊಂಡಿದೆ. ಕೆಂಪು ಕೋಟೆಯ ಮೆಟ್ರೋ ನಿಲ್ದಾಣದ ಗೇಟ್ ನಂಬರ್ 1ರ ಸಮೀಪವಿರುವ ಟ್ರಾಫಿಕ್ ಸಿಗ್ನಲ್ ಹತ್ತಿರ ಹ್ಯೂಂಡೈ ಐ20 ಕಾರು ನಿಧಾನಗತಿಯಲ್ಲಿ ಸಾಗುವಾಗ ಸ್ಫೋಟಗೊಂಡು ದುರ್ಘಟನೆ ಸಂಭವಿಸಿದೆ.