ದೆಹಲಿ: ಕಳೆದ ಕೆಲವು ದಿನಗಳಿಂದ ಪೆಟ್ರೋಲ್-ಡೀಸೆಲ್ ದರ ಏರಿಕೆ ಎಂಬ ಸುದ್ದಿಗಳನ್ನೇ ಕೇಳಿ ಕೇಳಿ ಬೇಸತ್ತಿದ್ದ ಜನರಿಗೆ ಇದೀಗ ಖುಷಿ ಪಡುವಂತಹ ವಿಷಯವೊಂದು ಹೊರಬಿದ್ದಿದೆ. ಹಾಗೆ ಸಾರ್ವಜನಿಕರಿಗೆ ಖುಷಿ ನೀಡುವಂಥ ನಿರ್ಧಾರವನ್ನು ಕೇಂದ್ರ ಸರ್ಕಾರ ಕೈಗೊಂಡಿದೆ.
ಅಂದರೆ ಪೆಟ್ರೋಲ್-ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು ಕೇಂದ್ರ ಸರ್ಕಾರ ಇಳಿಸಿದೆ. ಪೆಟ್ರೋಲ್ ಮೇಲೆ 5 ರೂಪಾಯಿ ಹಾಗೂ ಡೀಸೆಲ್ ಮೇಲೆ 10 ರೂಪಾಯಿ ಅಬಕಾರಿ ಸುಂಕವನ್ನು ಕೇಂದ್ರ ಸರ್ಕಾರ ಇಳಿಸಿದೆ.
ಇದನ್ನೂ ಓದಿ: ಸಫಾರಿ ವಾಹನದ ಮುಂದೆಯೇ ರಾಜಾರೋಷವಾಗಿ ಸಾಗಿಬಂದ ಹುಲಿರಾಯ!
ವಿಶೇಷವೆಂದರೆ ಇಂದು ಮಧ್ಯರಾತ್ರಿಯಿಂದಲೇ ಈ ಸುಂಕ ಇಳಿಕೆ ಅನ್ವಯಿಸಲಿದ್ದು, ರಾತ್ರಿ 12ರ ಬಳಿಕ ಹೊಸ ದರದಲ್ಲಿ ಪೆಟ್ರೋಲ್-ಡೀಸೆಲ್ ಲಭಿಸಲಿದೆ. ಪರಿಣಾಮವಾಗಿ ಬಹಳ ದಿನಗಳ ಬಳಿಕ ಪೆಟ್ರೋಲ್-ಡೀಸೆಲ್ ದರದಲ್ಲಿ ಕೊಂಚ ಇಳಿಕೆ ಆಗಲಿದ್ದು, ಪರಿಷ್ಕೃತ ದರದ ಕುರಿತು ಮಧ್ಯರಾತ್ರಿ ಬಳಿಕ ಸ್ಪಷ್ಟ ಚಿತ್ರಣ ಸಿಗಲಿದೆ.