ಶೂಟಿಂಗ್ ವಿಶ್ವಕಪ್: ಈಶಾ ಸಿಂಗ್ಗೆ ಚಿನ್ನ, ಮನು ಭಾಕರ್ಗೆ ಕಂಚು
ಹಾಂಗ್ರೆೌ: ಉದಯೋನ್ಮುಖ ಶೂಟರ್ ಈಶಾ ಸಿಂಗ್, ಅವಳಿ ಒಲಿಂಪಿಕ್ಸ್ ಪದಕ ವಿಜೇತೆ ಮನು ಭಾಕರ್ (Manu Bhaker) ಅವರನ್ನು ಬದಿಗೊತ್ತುವ ಮೂಲಕ ಐಎಸ್ಎಸ್ಎಫ್ ವಿಶ್ವಕಪ್ನ (ISSF World Cup ) ಮಹಿಳೆಯರ 25 ಮೀ. ಪಿಸ್ತೂಲ್ ವಿಭಾಗದಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದಾರೆ. ಮನು ಭಾಕರ್ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರೆ, ಭಾರತ ಒಂದೇ ವಿಭಾಗದಲ್ಲಿ ಅವಳಿ ಪದಕ ಬಾಚಿಕೊಂಡ ಸಾಧನೆ ಮಾಡಿತು.
21 ವರ್ಷದ ಈಶಾ ಸಿಂಗ್ ಫೈನಲ್ನಲ್ಲಿ ಬಲಿಷ್ಠ ನಿರ್ವಹಣೆ ತೋರುವ ಮೂಲಕ ಗಮನಸೆಳೆದರು. ಅವರು 40 ಹಿಟ್ಸ್ನೊಂದಿಗೆ ಚಿನ್ನ ಗೆದ್ದರೆ, 24 ವರ್ಷದ ಮನು 27 ಹಿಟ್ಸ್ನೊಂದಿಗೆ ಕಂಚು ಜಯಿಸಿದರು.
ಇದಕ್ಕೆ ಮುನ್ನ ಅರ್ಹತಾ ಸುತ್ತಿನಲ್ಲಿ ಹರಿಯಾಣದ ಮನು 586 ಅಂಕಗಳೊಂದಿಗೆ ಅಗ್ರಸ್ಥಾನ ಪಡೆದಿದ್ದರೆ, ಹೈದರಾಬಾದ್ನ ಈಶಾ 585 ಅಂಕದೊಂದಿಗೆ 2ನೇ ಸ್ಥಾನ ಗಳಿಸಿದ್ದರು. ಈಶಾ ಇದಕ್ಕೆ ಮುನ್ನ ಮ್ಯೂನಿಚ್ ವಿಶ್ವಕಪ್ನಲ್ಲಿ 43 ಹಿಟ್ಸ್ಗಳ ವಿಶ್ವದಾಖಲೆಯೊಂದಿಗೆ ಚಿನ್ನದ ಪದಕ ಗೆದ್ದಿದ್ದರು.