ನವದೆಹಲಿ: ಕಳೆದ ಎರಡು ತಿಂಗಳಿಂದ ಜಾಗತಿಕ ಸಿರಿವಂತರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದ ಟ್ವಿಟರ್ ಸಿಇಒ ಎಲನ್ ಮಸ್ಕ್ ಮತ್ತೆ ನಂ.1 ಶ್ರೀಮಂತ ಪಟ್ಟ ಅಲಂಕರಿಸಿದ್ದಾರೆ.
ಬ್ಲೂಮ್ಬರ್ಗ್ ಜಾಗತಿಕ ಬಿಲಿಯನೇರ್ ಸೂಚ್ಯಂಕದಲ್ಲಿ ಫ್ರಾನ್ಸ್ನ ಐಷಾರಾಮಿ ಬ್ರ್ಯಾಂಡ್ ಲೂಯಿ ವಿಟಾನ್ನ ಸಿಇಒ ಬರ್ನಾರ್ಡ್ ಅರ್ನಾಲ್ಟ್ ಅವರನ್ನು ಹಿಂದಿಕ್ಕಿದ್ದಾರೆ.
ಯಾರಿಗೆ ಯಾವ ಸ್ಥಾನ
ಅಮೆಜಾನ್ನ ಜೆಫ್ ಬಿಜೋಸ್ 3ನೇ ಸ್ಥಾನ, ಮೈಕ್ರೋಸಾಫ್ಟ್ನ ಬಿಲ್ ಗೇಟ್ಸ್ 4, ಬರ್ಕ್ಶೈರ್ ಹಾಥ್ವೇಯ ವಾರೆನ್ ಬಫೆಟ್ 5, ಒರಾಕಲ್ನ ಲ್ಯಾರಿ ಎಲಿಸನ್ 6, ಮೈಕ್ರೋಸಾಫ್ಟ್ನ ಸ್ಟೀವ್ ಬಾಲ್ವಾರ್ 7, ಗೂಗಲ್ನ ಲ್ಯಾರಿಪೇಜ್ 8, ಅಮೆರಿಕ ಮೊವಿಲ್, ಟೆಲೈಕ್ ಗ್ರೂಪ್ ಮಾಲೀಕ ಕಾಲೋಸ್ ಸ್ಕಿಮ್ 9 ಹಾಗೂ ಭಾರತದ ಮುಕೇಶ್ ಅಂಬಾನಿ 10ರಲ್ಲಿದ್ದಾರೆ. ಕೆಲ ಸಮಯದ ಹಿಂದೆ 3ನೇ ಸ್ಥಾನದಲ್ಲಿದ್ದ ಗೌತಮ್ ಅದಾನಿ ಈಗ 32ನೇ ಸ್ಥಾನಕ್ಕೆ ಕುಸಿದಿದ್ದಾರೆ.
* ಟೆಸ್ಲಾ ಇಂಕ್ ಷೇರು ಮೌಲ್ಯ ಶೇ.100ರಷ್ಟು ಏರಿಕೆ ಕಂಡ ಹಿನ್ನೆಲೆಯಲ್ಲಿ ಮಸ್ಕ್ ಮತ್ತೆ ನಂ.1.
* ಬ್ಲೂಮ್ಗ್ ಸೂಚ್ಯಂಕದ ಪ್ರಕಾರ 2023 ಫೆ.28ಕ್ಕೆ ಮಸ್ಕ್ ಸಂಪತ್ತು 187 ಶತಕೋಟಿ ಡಾಲರ್. ಅಂದರೆ ಅವರ ಒಟ್ಟು ಆಸ್ತಿಯಲ್ಲಿ 50 ಶತಕೋಟಿ ಡಾಲರ್ ಅಥವಾ ಶೇ. 36 ರಷ್ಟು ಹೆಚ್ಚಳ ಕಂಡುಬಂದಿದೆ.
* ಕಳೆದ ನವೆಂಬರ್ ಮತ್ತು ಡಿಸೆಂಬರ್ನಲ್ಲಿ ಮಸ್ಕ್ ನಿವ್ವಳ ಆಸ್ತಿ 200 ಶತಕೋಟಿ ಡಾಲರ್ಗಿಂತ ಹೆಚ್ಚು ಕುಸಿದಿತ್ತು. ಈ ಮೂಲಕ ಅತಿ ಹೆಚ್ಚು ಆಸ್ತಿ ಕಳೆದುಕೊಂಡ ವಿಶ್ವದ ಮೊದಲ ವ್ಯಕ್ತಿ ಎಂಬ ಗಿನ್ನಿಸ್ ದಾಖಲೆ ಅವರ ಹೆಸರಿನಲ್ಲಿತ್ತು.
* ಬರ್ನಾರ್ಡ್ ಸಂಪತ್ತು 185 ಶತಕೋಟಿ ಡಾಲರ್.