ಮುಂಬೈ : ಬಾಲಿವುಡ್ ನಟಿ ಯಾಮಿ ಗೌತಮ್ಗೆ ಫಾರಿನ್ ಎಕ್ಸ್ಚೇಂಜ್ ವ್ಯವಹಾರದ ಸಂಬಂಧವಾಗಿ ವಿಚಾರಣೆ ನಡೆಸಲು ಎನ್ಫೋರ್ಸ್ಮೆಂಟ್ ಡೈರೆಕ್ಟೊರೇಟ್(ಇಡಿ) ಸಮ್ಮನ್ಸ್ ನೀಡಿದೆ. ಇಡಿಯ ಮುಂಬೈ ಕಛೇರಿಗೆ ಜುಲೈ 7 ರ ಬುಧವಾರ ಹಾಜರಾಗಬೇಕೆಂಬ ಸೂಚನೆ ಬಂದಿದೆ.
ಯಾಮಿ ಅವರ ಬ್ಯಾಂಕ್ ಖಾತೆಯಲ್ಲಿ ಸುಮಾರು 1.5 ಕೋಟಿ ರೂ.ಗಳ ಫಾರಿನ್ ಎಕ್ಸ್ಚೇಂಜ್ ವ್ಯವಹಾರ ಕಂಡುಬಂದಿರುವ ಹಿನ್ನೆಲೆಯಲ್ಲಿ ಇಡಿ ತನಿಖೆ ನಡೆಸುತ್ತಿದೆ. ಈ ಹಿನ್ನೆಲೆಯಲ್ಲಿ ಫಾರಿನ್ ಎಕ್ಸ್ಚೇಂಜ್ ಮ್ಯಾನೇಜ್ಮೆಂಟ್ ಆ್ಯಕ್ಟ್ನ(ಫೇಮಾ) ಉಲ್ಲಂಘನೆಯ ಆರೋಪದ ಮೇಲೆ ವಿಚಾರಣೆ ನಡೆಯುವುದು ಎನ್ನಲಾಗಿದೆ.
32 ವರ್ಷದ ಯಾಮಿ ಗೌತಮ್ ಕಳೆದ ತಿಂಗಳಷ್ಟೇ ಚಿತ್ರ ನಿರ್ದೇಶಕ ಆದಿತ್ಯ ಧರ್ರನ್ನು ಮದುವೆಯಾದರು. ಹಿಂದಿ ಚಿತ್ರ 'ವಿಕ್ಕಿ ಡೋನರ್'ನಿಂದ ಬಾಲಿವುಡ್ ಪ್ರವೇಶಿಸಿದ ಯಾಮಿ, ಹಲವು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಅವರ ಇತ್ತೀಚಿನ ಸಿನಿಮಾ ಎಂದರೆ ಪುನೀತ್ ಖನ್ನ ಅವರ 'ಗಿನ್ನಿ ವೆಡ್ಸ್ ಸನ್ನಿ'. (ಏಜೆನ್ಸೀಸ್)