ಮುಂಬೈ: ಬಾಲಿವುಡ್ನ ಕಿಂಗ್ ಖಾನ್ ಎಂದೇ ಖ್ಯಾತರಾದ ನಟ ಶಾರುಖ್ ಖಾನ್ ಮತ್ತು ಮಾಸ್ಟರ್ ಕಥೆಗಾರ ಎಂದು ಕರೆಯಲ್ಪಡುವ ರಾಜಕುಮಾರ್ ಹಿರಾನಿ ಕಾಂಬಿನೇಷ್ನ 'ಡಂಕಿ' ಸಿನಿಮಾ ತಯಾರಾಗಿದ್ದು, ಈ ಸಿನಿಮಾದ ಬಗ್ಗೆ ಇತ್ತೀಚೆಗಷ್ಟೇ ತಮ್ಮ ಜನ್ಮದಿನದಂದು ನಟ ಮನಬಿಚ್ಚಿ ಮಾತನಾಡಿದ್ದಾರೆ.
ಇದನ್ನೂ ಓದಿ: ಐಎನ್ಡಿಐಎ ಮೆಚ್ಚಿಸಲು ತಮಿಳುನಾಡಿಗೆ ನೀರು: ಸಿ.ಸಿ. ಪಾಟೀಲ, ಬರ ನಿರ್ವಹಣೆಗೆ 3 ಸಾವಿರ ಕೊಟಿ ಬಿಡುಗಡೆಗೆ ಆಗ್ರಹ
2023ರ ಡಿಸೆಂಬರ್ 22 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಳ್ಳಲು ಸಜ್ಜಾಗಿದ್ದು, ಟಾಲಿವುಡ್ ಪ್ರಭಾಸ್ ನಟನೆಯ ಬಹುನಿರೀಕ್ಷಿತ 'ಸಲಾರ್' ಜತೆಗೆ ಏಕಕಾಲಕ್ಕೆ ರಿಲೀಸ್ ಆಗುವ ಮುಖೇನ ಬಾಕ್ಸ್ ಆಫೀಸ್ನಲ್ಲಿ ಭರ್ಜರಿ ಪೈಪೋಟಿ ಕೊಡಲು ಸಕಲ ತಯಾರಿಗಳನ್ನು ನಡೆಸುತ್ತಿದೆ. ಈ ಮಧ್ಯೆ ನವೆಂಬರ್ 02 ರಂದು 58ನೇ ವಸಂತಕ್ಕೆ ಕಾಲಿಟ್ಟ ಶಾರೂಖ್ ಅವರ ಜನ್ಮದಿನದಂದೇ ಡಂಕಿ ಟೀಸರ್ ಅನ್ನು ಅಧಿಕೃತವಾಗಿ ಅನಾವರಣಗೊಳಿಸಲಾಯಿತು.
ಕಾಮಿಡಿ, ಡ್ರಾಮಾ ಜಾನರ್ನ ಈ ಚಿತ್ರವು ತಮ್ಮ ಹಿಂದಿನ ಸಿನಿಮಾಗಳಾದ 'ಜವಾನ್' ಮತ್ತು 'ಪಠಾನ್'ಗಿಂತ ಹೆಚ್ಚು ಮನರಂಜನೆ ನೀಡಲಿದೆ. 2023 ರಲ್ಲಿ 'ಡಂಕಿ' ನನ್ನ ಅತ್ಯುತ್ತಮ ಚಿತ್ರವಾಗಿದೆ ಎಂದು ಶಾರೂಖ್ ತಮ್ಮ ಅಭಿಮಾನಿಗಳಿಗೆ ತಿಳಿಸಿದರು.
ಈ ಹಿಂದೆ ಡಂಕಿ ಚಿತ್ರದ ಟೀಸರ್ಗಾಗಿ ಭಾರೀ ಕಾತರ ವ್ಯಕ್ತಪಡಿಸಿದ್ದ ಎಸ್ಆರ್ಕೆ ಫ್ಯಾನ್ಸ್, ಟೀಸರ್ ವೀಕ್ಷಿಸಿದ ಬಳಿಕ ವ್ಯಾಪಕ ಮೆಚ್ಚುಗೆ ತಿಳಿಸಿದ್ದಾರೆ. ಸದ್ಯ ಸಿನಿಮಾವನ್ನು ತೆರೆಯ ಮೇಲೆ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ,(ಏಜೆನ್ಸೀಸ್).