ನವದೆಹಲಿ: ರೂರ್ಕಿಯ ಭಾರತೀಯ ತಂತ್ರಜ್ಞಾನ ಸಂಸ್ಥೆ (ಐಐಟಿ) ಭೂಕಂಪ ಮುನ್ನೆಚ್ಚರಿಕೆ ನೀಡುವ (ಇಇಡಬ್ಲ್ಯು) ಮೊಬೈಲ್ ಆಪ್ಅನ್ನು ಅಭಿವೃದ್ಧಿಪಡಿಸಿದೆ.
ಉತ್ತರಾಖಂಡದ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಬುಧವಾರ ಈ ಆಪ್ಗೆ ಚಾಲನೆ ನೀಡಿದರು. ‘ಉತ್ತರಾಖಂಡ ಭೂಕಂಪ್ ಅಲರ್ಟ್’ ಹೆಸರಿನ ಈ ಆಪ್, ಆಂಡ್ರಾಯ್್ಡ ಮತ್ತು ಐಒಎಸ್ ವೇದಿಕೆಗಳಲ್ಲಿ ಲಭ್ಯವಿದೆ. ಇದು ಭಾರತದ ಪ್ರಥಮ ಇಇಡಬ್ಲ್ಯು ಎಂದು ಐಐಟಿ ಹೇಳಿದೆ. ಉತ್ತರಾಖಂಡದ ವಿಪತ್ತು ನಿರ್ವಹಣಾ ಪ್ರಾಧಿಕಾರ ಈ ಆಪ್ ಯೋಜನೆಗೆ ಹಣಕಾಸು ನೆರವು ನೀಡಿತ್ತು. ಇಇಡಬ್ಲ್ಯು ರಿಯಲ್-ಟೈಮ್ ಭೂಕಂಪ ಮಾಹಿತಿ ವ್ಯವಸ್ಥೆಯಾಗಿದೆ. ಭೂಕಂಪ ಆರಂಭ ಆಗಲಿರುವುದನ್ನು ಪತ್ತೆ ಹಚ್ಚಿ ಎಚ್ಚರಿಕೆ ನೀಡುವ ಸಾಮರ್ಥ್ಯ ಹೊಂದಿದೆ.