ಅಂತಹ ಹುಳುಗಳು ಶೈವಲಗಳನ್ನು ತಿನ್ನುತ್ತಿದ್ದವು. ನಂತರ ಹಲವು ಲಕ್ಷ ವರ್ಷಗಳ ವಿಕಾಸದಲ್ಲಿ ಅವುಗಳು ಬೆಳೆದು ಉದ್ದವಾದವು. ಸ್ವಲ್ಪ ದೊಡ್ಡದಾದ ಹುಳುಗಳು ಸಣ್ಣಹುಳುಗಳನ್ನು ತಿನ್ನಲಾರಂಭಿಸಿದವು. ಆದ್ದರಿಂದ ಅವುಗಳಿಗೆ ಹೆಚ್ಚು ಪೋಷಕಾಂಶಗಳು ನೇರವಾಗಿ ದೊರೆತು ಅವುಗಳ ದೇಹದಲ್ಲಿ ಪರಿವರ್ತನೆಯಾಗಿ ಕಿವಿರುಗಳು ಮತ್ತು ರೆಕ್ಕೆಗಳು ಬೆಳೆದು ಮೀನುಗಳಾಗಿ ರೂಪಾಂತರಗೊಂಡವು.
ಮೊದಲು ಮೀನುಗಳಲ್ಲಿ ಮೂಳೆಗಳಿಲ್ಲದೆ ಕೇವಲ ಮಾಂಸಭರಿತವಾಗಿದ್ದವು. ಕಾಲಾನಂತರ ಸಮುದ್ರದ ನೀರಿನಲ್ಲಿ ಕ್ಯಾಲ್ಷಿಯಂ, ಸೋಡಿಯಂ, ಕ್ಲೋರೈಡ್ ಮತ್ತು ಇತರ ಖನಿಜಾಂಶಗಳ ಪ್ರಮಾಣ ಹೆಚ್ಚಾದ ಹಾಗೆ ಮೀನುಗಳಲ್ಲಿ ಮೂಳೆ ವೃದ್ಧಿಯಾಗಿ ಅವುಗಳ ದೇಹದಲ್ಲಿ ಬದಲಾವಣೆಯಾಗಿ ಹಲವು ಜಾತಿಗಳಾದ ಕಶೇರುಕಗಳಾದವು (ಮೂಳೆಭರಿತ, ವರ್ಟೆಬ್ರೇಟ್). ಮೊದಲು ಸಸ್ಯಾಹಾರಿಗಳಾಗಿ ಶೈವಲಗಳನ್ನು ತಿನ್ನುತ್ತಿದ್ದ ಮೀನುಗಳಲ್ಲಿ ಕೆಲಜಾತಿ ಮೀನುಗಳು ಕಾಲಾನಂತರ ಮಾಂಸಾಹಾರಿಗಳಾಗಿ ಪರಿವರ್ತನೆಯಾಗಿ ಇತರ ಮೀನುಗಳನ್ನು ತಿನ್ನಲಾರಂಬಿಸಿದವು. ಈಗಲೂ ಸಸ್ಯಾಹಾರಿ ಮೀನುಗಳಿವೆ.