ಚಿಕ್ಕಮಗಳೂರು: ಬೆಂಗಳೂರಿನ ಕೆ.ಜಿ.ಹಳ್ಳಿ, ಡಿ.ಜೆ.ಹಳ್ಳಿ, ಕಾವಲ್ಭೈರಸಂದ್ರ ಗಲಭೆ ಆರೋಪಿಗಳ ರಕ್ಷಣೆಗೆ ನಿಂತಿರುವ ಚಾಮರಾಜಪೇಟೆ ಶಾಸಕ ಜಮೀರ್ ಅಹ್ಮದ್ ಖಾನ್ ಅವರೇ ಇಡೀ ಪ್ರಕರಣದ ಪ್ರೊಡ್ಯೂಸರ್ ಮತ್ತು ಡೈರೆಕ್ಟರ್. ಇದರಲ್ಲಿನ ಆ್ಯಕ್ಟರ್ಗಳು ಯಾರೆಂದು ಅವರಿಗೆ ಚೆನ್ನಾಗಿ ಗೊತ್ತಿದೆ ಎಂದು ಪ್ರವಾಸೋದ್ಯಮ ಸಚಿವ ಸಿ.ಟಿ. ರವಿ ಹೇಳಿದರು.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಚಿವರು, ಈ ಹಿಂದೆ ಪಾದರಾಯನಪುರದಲ್ಲಿ ಕರೊನಾ ಸೇನಾನಿಗಳ ಮೇಲೆ ಹಲ್ಲೆ ನಡೆಸಿ ಜೈಲಿಗೆ ಹೋಗಿ ಬಂದವರಿಗೆ
ಗಲಭೆಗೆ ಮುಂದಾಳತ್ವ ನೀಡಿದ್ದು ಎಸ್ಡಿಪಿಐ. ಆ್ಯಕ್ಟಿಂಗ್ ಮಾಡಿದವರು ಗಲಭೆಕೋರರು. ಹೀಗಾಗಿ ಇಡೀ ಪ್ರಕರಣದ ಬಗ್ಗೆ ಜಮೀರ್ಗೆ ಚೆನ್ನಾಗಿ ಗೊತ್ತಿದೆ. ಅವರು ಎಲ್ಲವನ್ನೂ ಸ್ಪಷ್ಟಪಡಿಸಲಿ. ಘಟನೆಯಿಂದಾದ ಸಂಪೂರ್ಣ ನಷ್ಟವನ್ನು ಅವರೇ ಭರಿಸಲಿ ಎಂದರು.
ಕಾಂಗ್ರೆಸ್ ಪಕ್ಷ ಮಗುವನ್ನು ಚಿವುಟಿ ತೊಟ್ಟಿಲನ್ನು ತೂಗುವ ಕೆಲಸ ಮಾಡುತ್ತಿದೆ. ಆಧಾರ ಇದ್ದರೆ ಎಸ್ಡಿಪಿಐ ಬ್ಯಾನ್ ಮಾಡಲಿ ಎಂದು ದಿನೇಶ್ ಗುಂಡೂರಾವ್ ಹೇಳುತ್ತಾರೆ. ಈ ಮೂಲಕ ಆ ಸಂಘಟನೆ ಪರವಾಗಿ ಬೇಲ್ ಅಪ್ಲಿಕೇಶನ್ ಹಾಕಿ ವಕಾಲತ್ತು ವಹಿಸಲು ಮುಂದಾಗಿದ್ದಾರೆ ಎಂದು ಟೀಕಿಸಿದರು. ಮೊನ್ನೆ ಗಲಭೆ ನಡೆಸಿ ಬೆಂಕಿ ಹಾಕಿದವರೆಲ್ಲರಿಗೂ ಜಾಮೀನು ಮತ್ತು ವಕಾಲತನ್ನು ಕಾಂಗ್ರೆಸ್ ಪಕ್ಷವೇ ಒದಗಿಸುತ್ತದೆ. ಇದರಲ್ಲಿ ಅನುಮಾನ ಬೇಡ ಎಂದರು.
ನವೀನ್ ಹಾಕಿದ ಪೋಸ್ಟ್ನ ಸಮರ್ಥನೆಗೆ ನಾವು ನಿಂತುಕೊಂಡಿಲ್ಲ. ತಪ್ಪು ಮಾಡಿದ್ದರೆ ಅವನಿಗೂ ಶಿಕ್ಷೆಯಾಗಬೇಕು. ರಾಮ, ಕೃಷ್ಣನ ಬಗ್ಗೆ ಪೋಸ್ಟ್ ಹಾಕಿದ್ದವರಿಗೂ ಶಿಕ್ಷೆಯಾಗಬೇಕು. ಕಾನೂನು ಕೈಗೆತ್ತಿಕೊಂಡವರಿಗೂ ಶಿಕ್ಷೆಯಾಗಬೇಕು ಎಂದರು.