ಕಾಮನ್ವೆಲ್ತ್​ ಗೇಮ್ಸ್: ವೇಯ್ಟ್​ಲಿಫ್ಟಿಂಗ್​ನಲ್ಲಿ ಮೀರಾಬಾಯಿಗೆ ಬಂಗಾರದ ನಿರೀಕ್ಷೆ

2022ರ ಆವೃತ್ತಿಯಲ್ಲಿ ಭಾರತ ವೇಯ್ಟ್​ಲಿಫ್ಟಿಂಗ್​ನಲ್ಲಿ 3 ಚಿನ್ನ, 3 ಬೆಳ್ಳಿ, 4 ಕಂಚಿನ ಸಹಿತ 10 ಪದಕಗಳನ್ನು ಗೆದ್ದು ಬೀಗಿತ್ತು. ಡೋಪಿಂಗ್​ ಪ್ರಕರಣಗಳಿಂದಾಗಿ ಕೋಟಾ ಸ್ಥಾನ ಕಡಿತಗೊಂಡಿರುವ ಕಾರಣ ಭಾರತ ಈ ಬಾರಿ 16ರ ಪೈಕಿ 11ರಲ್ಲಿ ಮಾತ್ರ ಸ್ಪರ್ಧಿಸುವ ಅವಕಾಶ ಪಡೆದುಕೊಂಡಿದೆ. ಇದು ಈ ಸಲ ಭಾರತದ ಪದಕ ಆಕಾಂಕ್ಷೆಗೆ ಸ್ವಲ್ಪ ಹಿನ್ನಡೆ ತರುವ ಸಾಧ್ಯತೆ ಇದೆ. ಆದರೆ ಕಣದಲ್ಲಿರುವ ಭಾರತದ ಎಲ್ಲ 11 ವೇಯ್ಟ್​ಲಿಫ್ಟರ್​ಗಳೂ ಪದಕ ವೇದಿಕೆ ಏರುವ ಸಾಮರ್ಥ್ಯ ಉಳ್ಳವರಾಗಿದ್ದಾರೆ.

ಭಾನುವಾರ 48 ಕೆಜಿ ವಿಭಾಗದಲ್ಲಿ ಕಣಕ್ಕಿಳಿಯಲಿರುವ 31 ವರ್ಷದ ಮೀರಾಬಾಯಿ ಭಾರತಕ್ಕೆ ಕೂಟದ ಮೊದಲ ಬಂಗಾರದ ಪದಕ ಗೆದ್ದುಕೊಡುವ ಹಂಬಲದಲ್ಲಿದ್ದಾರೆ. ಇನ್ನೆರಡು ತಿಂಗಳಲ್ಲಿ ನಡೆಯಲಿರುವ ಏಷ್ಯನ್​ ಗೇಮ್ಸ್​ನಲ್ಲೂ ಚಿನ್ನದ ಪದಕ ಗೆಲ್ಲುವ ಕನಸು ಹೊಂದಿರುವ ಮಣಿಪುರದ ತಾರೆ ಮೀರಾಬಾಯಿ ಗ್ಲಾಸ್ಗೋದಲ್ಲಿ ಹೆಚ್ಚಿನ ರಿಸ್ಕ್​ ತೆಗೆದುಕೊಳ್ಳದೆ ಸ್ಪರ್ಧಿಸಲಿದ್ದಾರೆ. ಹೀಗಾಗಿ ಸ್ನಾಚ್​ನಲ್ಲಿ 90 ಕೆಜಿ ಭಾರ ಎತ್ತುವ ಪ್ರಯತ್ನ ನಡೆಸುವುದಿಲ್ಲ. ಏಷ್ಯನ್​ ಗೇಮ್ಸ್​ ನನ್ನ ಪ್ರಮುಖ ಆದ್ಯತೆಯಾಗಿದೆ ಎಂದಿದ್ದಾರೆ.

ಜ್ಞಾನೇಶ್ವರಿ ಯಾದವ್​ (53 ಕೆಜಿ), ರಿಶಿಕಾಂತ ಸಿಂಗ್​ (60ಕೆಜಿ), ಎಂ. ರಾಜಾ (65 ಕೆಜಿ) ಬಂಗಾರದ ನಿರೀೆ ಹೊಂದಿರುವ ಇತರ ಲ್ಟಿರ್​ಗಳಾಗಿದ್ದಾರೆ. ಬಿಂದ್ಯಾರಾಣಿ ದೇವಿ (58), ನಿರುಪಮಾ ದೇವಿ (63), ಹರ್ಜಿಂದರ್​ ಕೌರ್​ (69), ಸಂಜನಾ (77), ಮಾರ್ಟಿನಾ ದೇವಿ (86+), ಅಜಯ ಬಾಬು (79), ಲವ್​ಪ್ರೀತ್​ ಸಿಂಗ್​ (110+) ಕಣದಲ್ಲಿರುವ ಭಾರತದ ಇತರ ಲಿಫ್ಟರ್​ಗಳಾಗಿದ್ದಾರೆ.