ನವದೆಹಲಿ: ರಕ್ಷಣಾ ಸಾಮರ್ಥ್ಯವನ್ನು ಹೆಚ್ಚಿಸಲು ಹೊರಟಿರುವ ಕೇಂದ್ರ ಸರ್ಕಾರ ಸೇನೆಗೆ ಪಿನಾಕಾ ರಾಕೆಟ್ ಲಾಂಚರ್ ಖರೀದಿಸಲು ಮುಂದಾಗಿದೆ. ಈ ಸಂಬಂಧ 2,580 ಕೋಟಿ ರೂಪಾಯಿ ಮೌಲ್ಯದ ಒಪ್ಪಂದಕ್ಕೆ ರಕ್ಷಣಾ ಸಚಿವಾಲಯ ಸಹಿ ಹಾಕಿದೆ. ಆರು ಸೇನಾ ರೆಜಿಮೆಂಟ್ಗಳಿಗೆ ಪಿನಾಕಾ ರಾಕೆಟ್ ಲಾಂಚರ್ಗಳು ಇದರಿಂದ ಲಭ್ಯವಾಗಲಿವೆ. ಮೇಕ್ ಇನ್ ಇಂಡಿಯಾ ಯೋಜನೆಗೆ ಒತ್ತು ನೀಡುವ ನಿಟ್ಟಿನಲ್ಲಿ ರಕ್ಷಣಾ ಸಚಿವಾಲಯದ ಮಹತ್ವದ ಹೆಜ್ಜೆ ಇದಾಗಿದೆ.
ಪಿನಾಕಾ ರಾಕೆಟ್ ಲಾಂಚರ್ಗಾಗಿ ಇರುವ ಒಪ್ಪಂದವು ರಕ್ಷಣಾ ಸಚಿವಾಲಯದ ಅಕ್ವಿಸಿಷನ್ ವಿಂಗ್ ಮತ್ತು ಭಾರತ್ ಅರ್ಥ್ ಮೂವರ್ಸ್ ಲಿಮಿಟೆಡ್ (ಬಿಇಎಂಎಲ್), ಟಾಟಾ ಪವರ್ ಕಂಪನಿ ಲಿಮಿಟೆಡ್ (ಟಿಪಿಸಿಎಲ್) ಮತ್ತು ಲಾರ್ಸೆನ್ ಆ್ಯಂಡ್ ಟೂಬ್ರೋ (ಎಲ್ ಆ್ಯಂಡ್ ಟಿ) ಜತೆಗೆ ಆಗಸ್ಟ್ 31ರಂದು ಏರ್ಪಟ್ಟಿದೆ.
ಇದನ್ನೂ ಓದಿ: ಇಂದಿನಿಂದ ಬಾರ್, ಕ್ಲಬ್ ಅನ್ಲಾಕ್; 21ರ ಬಳಿಕ ಶಾಲೆಗಳಿಗೆ ಸಣ್ಣ ವಿನಾಯ್ತಿ; ಶುಭಸಮಾರಂಭಕ್ಕೆ ಕೊಂಚ ರಿಯಾಯ್ತಿ
ಆರು ಸೇನಾ ರೆಜಿಮೆಂಟ್ಗೆ ಒಟ್ಟು 114 ಪಿನಾಕಾ ರಾಕೆಟ್ ಲಾಂಚರ್ಗಳು ಈ ಒಪ್ಪಂದದ ಮೂಲಕ ಲಭ್ಯವಾಗಲಿವೆ. ಇದರಲ್ಲಿ ಆಟೋಮೇಟೆಡ್ ಗನ್ ಆ್ಯಂಡ್ ಪೊಸಿಷನಿಂಗ್ ಸಿಸ್ಟಂ(ಎಜಿಎಪಿಎಸ್) ಮತ್ತು 45 ಕಮಾಂಡ್ ಪೋಸ್ಟ್ಗಳು ಟಿಪಿಸಿಎಲ್ ಮತ್ತು ಎಲ್ಆ್ಯಂಡ್ ಟಿಯಿಂದ ಮತ್ತು 330 ವೆಹಿಕಲ್ಸ್ ಬಿಇಎಂಎಲ್ನಿಂದ ಪೂರೈಕೆಯಾಗಲಿದೆ.
ಇದನ್ನೂ ಓದಿ: ಪಾಕ್ ಸೇನೆಗೆ ಚೀನಾ ಉಪಗ್ರಹದ ನೆರವು?
ಇದರು 2024ಕ್ಕೆ ಪೂರ್ಣಗೊಂಡು ಉತ್ತರ, ಪೂರ್ವ ಗಡಿಭಾಗದಲ್ಲಿ ಸೇನೆಯ ಸೇವೆಗೆ ಲಭ್ಯವಾಗಬೇಕು ಎಂಬುದು ಒಪ್ಪಂದದ ಮಹತ್ವದ ಅಂಶ. ಈ ಯೋಜನೆಯ ಪ್ರಸ್ತಾವನೆಯನ್ನು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಮತ್ತು ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಅನುಮೋದಿಸಿದ್ದಾರೆ. ಪಿನಾಕಾ ಮಲ್ಟಿಪಲ್ ಲಾಂಚ್ ರಾಕೆಟ್ ಸಿಸ್ಟಮ್ ಡಿಆರ್ಡಿಒ ವಿನ್ಯಾಸಗೊಳಿಸಿದ್ದು ಸಂಪೂರ್ಣವಾಗಿ ಸ್ವದೇಶಿ ನಿರ್ಮಿತವಾಗಿರಲಿದೆ. (ಏಜೆನ್ಸೀಸ್)