ಬೆಂಗಳೂರು: ಇತ್ತೀಚೆಗಷ್ಟೇ 'ಕಾಟೇರ' ಸಿನಿಮಾದ ಭರ್ಜರಿ ಸಕ್ಸಸ್ ಆಚರಿಸಿದ ಚಿತ್ರತಂಡ, ವಿದೇಶ ನೆಲದಲ್ಲೂ ಚಿತ್ರವನ್ನು ರಿಲೀಸ್ ಮಾಡಲು ಸಕಲ ಸಿದ್ಧತೆಗಳನ್ನು ಮಾಡಿಕೊಂಡಿದ್ದು, ಈ ಬಗ್ಗೆ ನಿರ್ಮಾಪಕರಾದ ರಾಕ್ಲೈನ್ ವೆಂಕಟೇಶ್ ಕೂಡ ಮಾಹಿತಿ ನೀಡಿದ್ದಾರೆ. ನಿನ್ನೆಯಷ್ಟೇ ದುಬೈನಲ್ಲಿ ಆಯೋಜಿಸಲಾಗಿದ್ದ ಚಿತ್ರದ ವಿಶೇಷ ಶೋಗೆ ನಟ ದರ್ಶನ್ ಆಗಮಿಸಿ, ಪ್ರೇಕ್ಷಕರೊಂದಿಗೆ ಕಾಟೇರ ವೀಕ್ಷಿಸಿದರು.
ಇದನ್ನೂ ಓದಿ: ಹೃದಯಾಘಾತಕ್ಕೆ ಖ್ಯಾತ ಟಾಲಿವುಡ್ ನಿರ್ಮಾಪಕ ಜಯದೇವ್ ಬಲಿ
ದರ್ಶನ್ ನೋಡಿ ಫುಲ್ ಖುಷ್ ಆದ ದುಬೈ ಕನ್ನಡಿಗರು, ನಟನಿಗೆ ಹೊಸ ಬಿರುದನ್ನು ಕೊಟ್ಟಿದ್ದಾರೆ. ಹೌದು, ಇನ್ಮುಂದೆ ದರ್ಶನ್ ಕರುನಾಡ ಅಧಿಪತಿ. ಹಲವು ವರ್ಷಗಳ ಹಿಂದೆ ಚಾಲೆಂಜಿಂಗ್ ಸ್ಟಾರ್ ಎಂಬ ಬಿರುದನ್ನು ನೀಡಿದ್ದರು. ಇದೀಗ ಅದರೊಟ್ಟಿಗೆ ಈ ಟೈಟಲ್ ಕೂಡ ಕೊಟ್ಟಿದ್ದಾರೆ.
ಕನ್ನಡ ಚಿತ್ರರಂಗದಲ್ಲಿ 25 ವರ್ಷ ಪೂರೈಸಿದ್ದಕ್ಕೆ ಕರುನಾಡ ಅಧಿಪತಿ ಎಂದು ದುಬೈ ಕನ್ನಡಿಗರು ಬಿರುದು ಕೊಟ್ಟಿದ್ದಾರೆ. 'ಚೌಕ', 'ರಾಬರ್ಟ್', 'ಕಾಟೇರ' ಸಿನಿಮಾಗಳ ಮೂಲಕ ಮತ್ತೊಮ್ಮೆ ಯಶಸ್ವಿ ನಿರ್ದೆಶಕರು ಎಂದು ಕರೆಸಿಕೊಂಡ ತರುಣ್ ಸುಧೀರ್ಗೆ ಹ್ಯಾಟ್ರಿಕ್ ಡೈರೆಕ್ಟರ್ ಎಂದು ದುಬೈ ಕನ್ನಡಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.