ಮೇಷ: ಹಿರಿಯರೊಬ್ಬರು ಆನಂದ, ಸಂತೃಪ್ತಿಗಳಿಗೆ ಮಾರ್ಗವನ್ನು ತೋರಿಸಿಕೊಡಲಿದ್ದಾರೆ. ದುಡುಕದಿರಿ. ದೇವರ ಕೃಪೆ ಇದೆ. ಶುಭಸಂಖ್ಯೆ: 6
ವೃಷಭ: ಮೇಲಧಿಕಾರಿಗಳು ಕಿರಿಕಿರಿ ಮಾಡಬಹುದು. ಸ್ವಲ್ಪ ಮಟ್ಟಿಗೆ ತಾಳ್ಮೆ ವಹಿಸಿದರೆ ನಿಮ್ಮ ಪಾಲಿಗೆ ಪದೋನ್ನತಿಯ ಸಿದ್ಧಿ ಸಿಗಲಿದೆ. ಶುಭಸಂಖ್ಯೆ: 2
ಮಿಥುನ: ಸಂತೋಷದಿಂದ ಕಾಲ ಕಳೆಯುವಂಥ ಅವಕಾಶ ನಿಮ್ಮ ಪಾಲಿಗಿದೆ. ಬಿಡುವಿನಲ್ಲಿ ಅಧ್ಯಯನ ಕೂಡ ನಡೆಯಲಿ. ಶುಭಸಂಖ್ಯೆ: 4
ಕಟಕ: ಆಧ್ಯಾತ್ಮಿಕ ವ್ಯಕ್ತಿಯೊಬ್ಬರು ಅಲೌಕಿಕವಾದ ವಿಚಾರವನ್ನು ತಿಳಿಸಿಕೊಡಲಿದ್ದಾರೆ. ಗುರು ದತ್ತಾತ್ರೇಯ ಸ್ತೋತ್ರವನ್ನು ಪಠಿಸಿ. ಶುಭಸಂಖ್ಯೆ: 1
ಸಿಂಹ: ವೈಚಾರಿಕ ಮನೋಭಾವದಿಂದ ಜನಮನ್ನಣೆ ಪಡೆಯುವಿರಿ. ನಿಮ್ಮೊಳಗಿನ ಆತ್ಮಸ್ಥೈರ್ಯ ಕೂಡ ಬೇಗ ವೃದ್ಧಿಯಾಗಲಿದೆ. ಶುಭಸಂಖ್ಯೆ: 9
ಕನ್ಯಾ: ನಾನಾ ರೀತಿಯ ಪರದಾಟಗಳಿಂದ ಬಳಲಿದ್ದೀರಿ. ಅವುಗಳಿಂದ ಬಿಡುಗಡೆಯನ್ನು ಪಡೆದುಕೊಳ್ಳಲು ಚಾಮುಂಡಾಷ್ಟಕವನ್ನು ಓದಿ. ಶುಭಸಂಖ್ಯೆ: 5
ತುಲಾ: ಕೆಲಸದ ಸ್ಥಳದಲ್ಲಿ ಕಿರಿಕಿರಿ ಸಂಭವಿಸಬಹುದು. ಅದಕ್ಕೆ ಒಮ್ಮೆಲೇ ಕೆರಳದಿರಿ. ಸದ್ಯದಲ್ಲೇ ಉತ್ತಮ ಬದಲಾವಣೆಗಳು ಜರುಗಲಿವೆ. ಶುಭಸಂಖ್ಯೆ: 7
ವೃಶ್ಚಿಕ: ಬಯಸಿದ್ದನ್ನು ಪಡೆಯುವುದು ಸರಳವಲ್ಲ. ಆದರೆ ಸದ್ಯಕ್ಕೆ ನಿಮ್ಮ ಬೇಕುಬೇಡಗಳನ್ನು ಬಯಸಿದಂತೆ ಪಡೆಯುವಿರಿ. ಶುಭಸಂಖ್ಯೆ: 3
ಧನುಸ್ಸು: ಹೊಸ ಕೆಲಸದ ಮಾಹಿತಿ ಸಿಕ್ಕಿತೆಂದು ಇರುವ ಕೆಲಸವನ್ನು ಬಿಡದಿರಿ. ಮುಂದೆ ನಿಮಗೇ ತೊಂದರೆಗಳಾಗಬಹುದು. ಶುಭಸಂಖ್ಯೆ: 6
ಮಕರ: ಲಕ್ಷ್ಮಿದೇವಿಯ ಅನುಗ್ರಹ ನಿಮ್ಮ ಪಾಲಿಗಿದೆ. ಆದರೆ ಧನಸಂಪಾದನೆಗೆ ಪರಿಶ್ರಮಪಡುವುದಕ್ಕೆ ಸುಮ್ಮನೆ ಹಿಂಜರಿಯದಿರಿ. ಶುಭಸಂಖ್ಯೆ: 2
ಕುಂಭ: ಜೀವನದ ಗುರಿಗೆ ಸಂತಸದ ಗರಿಯೂ ಏರಲಿದೆ. ಸಾಹಸವನ್ನು ಪ್ರಕಟಿಸಿ. ತಾಳ್ಮೆಯ ಜತೆಜತೆಗೆ ನಿಖರ, ಸುಸ್ಪಷ್ಟ ಮಾತುಗಳಿರಲಿ. ಶುಭಸಂಖ್ಯೆ: 4
ಮೀನ: ಅಲ್ಪಕಾಲದ ತನಕ ಮಾತ್ರ ನೀವು ಸೋಲನ್ನು ಒಪ್ಪಿಕೊಳ್ಳಲು ಮುಂದಾಗುವಿರಿ. ಆದರೆ ನಿಮ್ಮ ಪರಿಶ್ರಮಕ್ಕೆ ಜಯವಾಗಲಿದೆ. ಶುಭಸಂಖ್ಯೆ: 7