ಬೆಂಗಳೂರು: ಲಾಕ್ಡೌನ್ನಿಂದಾಗಿ ಸ್ತಬ್ಧವಾದ ಕಾರ್ಖಾನೆಗಳು, ವಾಣಿಜ್ಯ ಸಂಕೀರ್ಣಗಳ ಮಾಲೀಕರ ಕೈಸೇರಿದ ವಿದ್ಯುತ್ ಬಿಲ್ ಶಾಕ್ ನೀಡಿದೆ. ಸರ್ಕಾರದ ಸೂಚನೆಯಂತೆ ವಿದ್ಯುತ್ ಸರಬರಾಜು ಕಂಪನಿ (ಎಸ್ಕಾಂ) ಮೀಟರ್ ರೀಡಿಂಗ್ ಬದಲಿಗೆ 3 ತಿಂಗಳ ಸರಾಸರಿ ವಿದ್ಯುತ್ ಬಳಕೆ ಲೆಕ್ಕ ಹಾಕಿ ಆನ್ಲೈನ್/ಮೊಬೈಲ್ಗೆ ಎಸ್ಎಂಎಸ್ ಮೂಲಕ ಬಿಲ್ ಕಳುಹಿಸಿವೆ. ಈ ಬಿಲ್ನಲ್ಲಿ ಬಳಸಿದ ವಿದ್ಯುತ್ ಜತೆಗೆ ನಿಗದಿತ ಶುಲ್ಕ (ಊಇ) ಸೇರಿಸಿವೆ. ಲಾಕ್ಡೌನ್ ಮುಗಿದು ಬಾಡಿಗೆದಾರರು ಮರಳಿದ ಬಳಿಕ ಬಳಸಿದ ವಿದ್ಯುತ್ಗೆ ಬಿಲ್ ಕಟ್ಟಿಸಬಹುದು.
ಆದರೆ ನಿಗದಿತ ಶುಲ್ಕದ್ದೇ ದೊಡ್ಡ ಭಾರ ಎನ್ನುತ್ತಿದ್ದಾರೆ ಉದ್ಯಮಿಗಳು. ವಾಣಿಜ್ಯ ಚಟುವಟಿಕೆಗಳು ಬಂದ್ ಆಗಿ ನಷ್ಟವಾಗಿದ್ದು, ವಿನಾಯಿತಿ ನೀಡಬೇಕೆಂದು ಕೆಲವರು ಮೊರೆಯಿಟ್ಟರೆ, ಕಾಲಾವಕಾಶ ನೀಡಿ ಕಂತಿನಲ್ಲಿ ಕಟ್ಟಲು ಅವಕಾಶ ಕೊಡಿ ಎಂದು ದುಂಬಾಲು ಬಿದ್ದಿದ್ದಾರೆ.
ಎಸ್ಕಾಂ ಸಮರ್ಥನೆ: ನಿಗದಿತ ಶುಲ್ಕ ಭರಿಸುವುದಾಗಿ ಸರ್ಕಾರ ಒಪ್ಪಿ ಕೆಇಆರ್ಸಿಗೆ ಸಲ್ಲಿಸಬೇಕು. ಈ ವಿಷಯದಲ್ಲಿ ಸ್ವಯಂ ನಿರ್ಧಾರ ತೆಗೆದುಕೊಳ್ಳುವ ಅಧಿಕಾರವಿಲ್ಲ ಎಂದು ಎಸ್ಕಾಂ ಮೂಲಗಳು ಸಮರ್ಥಿಸಿಕೊಂಡಿವೆ.