ಬಳ್ಳಾರಿ: ಇಲ್ಲೋರ್ವ ಅನಾರೋಗ್ಯದಿಂದ ಸುಸ್ತಾಗಿ ಬಿದ್ದು ಗಾಯಗೊಂಡಿದ್ದರೂ ಜನರು ಆತನ ಕಡೆ ತಿರುಗಿ ನೋಡಲಿಲ್ಲ. ಇದಕ್ಕೆ ಕಾರಣ ಕರೊನಾ ವೈರಸ್.
ಆ ವ್ಯಕ್ತಿಯೇನೋ ಕರೊನಾ ಸೋಂಕಿತನಲ್ಲ. ಆದರೆ ಬೇರೇನೋ ಆರೋಗ್ಯ ಸಮಸ್ಯೆಯಿಂದ ಬಿದ್ದು ನರಳುತ್ತಿದ್ದರು. ಆದರೆ ಆತನಿಗೆ ಕರೊನಾ ಇರಬಹುದು ಎಂದು ಭಾವಿಸಿದ ಜನರು ಅವನೆಡೆಗೆ ತಿರುಗಿ ಕೂಡ ನೋಡಲಿಲ್ಲ. ಅದೇ ರಸ್ತೆಯಲ್ಲಿ ಆ್ಯಂಬುಲೆನ್ಸ್ ಓಡಾಡುತ್ತಿದ್ದರೂ ಕರೆದು ಮಾಹಿತಿ ನೀಡಲಿಲ್ಲ.
ಇಂಥದ್ದೊಂದು ಅಮಾನವೀಯ ಘಟನೆ ನಡೆದಿದ್ದು ಬಳ್ಳಾರಿ ಜಿಲ್ಲೆಯ ಹಗರಿಬೊಮ್ಮನಹಳ್ಳಿ ಪಟ್ಟಣದಲ್ಲಿ. ಒಂದು ದಿನ ಆ ವ್ಯಕ್ತಿ ಸಾರ್ವಜನಿಕ ಸ್ಥಳದಲ್ಲೇ ಬಿದ್ದು ಹೊರಳಾಡಿದ್ದಾರೆ.
ಬಳಿಕ ವಿಷಯ ತಿಳಿದ ತಹಸೀಲ್ದಾರ್ ಆಶಪ್ಪ ಪೂಜಾರಿ, ವ್ಯಕ್ತಿಯನ್ನು ಎತ್ತಿ ಆಟೋಕ್ಕೆ ಹಾಕಿಕೊಂಡು ಹೋಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. (ದಿಗ್ವಿಜಯ ನ್ಯೂಸ್)