ಬೆಂಗಳೂರು: ಲಾಕ್ ಡೌನ್ನಿಂದ ತೊಂದಯಾಗಿರುವವರಿಗೆ ಸಿಎಂ ಬಿ.ಎಸ್.ಯಡಿಯೂರಪ್ಙ ಅವರು ಘೋಷಿಸಿರುವ ಪ್ಯಾಕೇಜ್ ಅರ್ಹರನ್ನು ತಪುಪುವುದಿಲ್ಲ ಎಂದು ಮಾಜಿ ಸಿ.ಎಂ.ಎಚ್.ಡಿ. ಕುಮಾರಸ್ವಾಮಿ ಆರೋಪಿಸಿದ್ದಾರೆ.
ನೆರೆ ಹಾವಳಿ ಸಂದರ್ಭದಲ್ಲಿ ಮನೆ ಹಾನಿಗೆ 5 ಲಕ್ಷ ರೂಪಾಯಿ ಪರಿಹಾರ ಕೊಡ್ತಿವಿ ಎಂದು ಘೋಷಣೆ ಮಾಡಿದ್ರು. ಫಲಾನುಭವಿಗಳಿಗೆ 5 ಲಕ್ಷ ರೂಪಾಯಿ ದೊರೆತಿದೆಯೇ? ಅದೇ ರೀತಿ ಕರೊನಾ ಪ್ಯಾಕೇಜ್ ಕೂಡ ಆಗುತ್ತದೆ ಎಂದು ಅವರು ವಾಗ್ದಾಳಿ ನಡೆಸಿದರು.
ನಾನು ರೈತರ ಸಾಲಮನ್ನಾ ಘೋಷಣೆ ಮಾಡಿದಾಗ ಸಿಎಂ ಯಡಿಯೂರಪ್ಪ ಸೇರಿ ಬಿಜೆಪಿಯ ಹಲವರು ಆರೋಪ ಮಾಡಿದ್ದರು. ಆದರೆ ನಾನು ಅರ್ಹ ರೈತರು ಸಲ್ಲಿಸಿರುವ ಅರ್ಜಿ, ಅದಕ್ಕೆ ನೀಡಿದ್ದ ದಾಖಲೆಗಳನ್ನು ಆ್ಯಪ್ನಲ್ಲಿ ಸಿಗುವಂತೆ ಪಾರದರ್ಶಕವಾಗಿ ಸಿಗುವಂತೆ ಮಾಡಿದ್ದೆ. ಬಿಜೆಪಿ ಸರ್ಕಾರ ಕೂಡ ಕರೊನಾ ಪ್ಯಾಕೇಜ್ನ ಸ್ಥಿತಿಗತಿಯನ್ನು ಪಾರದರ್ಶಕವಾಗಿ ಎಲ್ಲರಿಗೂ ದೊರೆಯುವಂತೆ ಮಾಡಬೇಕು ಎಂದು ಆಗ್ರಹಿಸಿದರು.
ದೇವರ ದಯೆಯಿಂದ ಕರೊನಾ ನಮ್ಮ ದೇಶದಲ್ಲಿ ಕರೊನಾ ವೈರಸ್ ಹೆಚ್ಚು ಪರಿಣಾಮ ಬೀರಿಲ್ಲ. ಆದರೆ ಸರ್ಕಾರ ಕರೊನಾ ನೆಪದಲ್ಲಿ ಜನರಿಗೆ ಮೋಸ ಮಾಡುತ್ತಿದೆ ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದರು.