Kalpa Kedar: ಖೀರ್ ಗಂಗಾ ನದಿಯ ಹಠಾತ್ ಪ್ರವಾಹದಿಂದ ಉಂಟಾದ ಅವಘಡದಿಂದ ಉತ್ತರಕಾಶಿಯಲ್ಲಿರುವ ಪ್ರಾಚೀನ ಕಲ್ಪ ಕೇದಾರ ದೇವಾಲಯ ಹೂತುಹೋಗಿದೆ.
ಉತ್ತರಾಖಂಡದಲ್ಲಿ ಹಿಂದೆ ಸಂಭವಿಸಿದ ಪ್ರವಾಹದಿಂದಾಗಿ ಕಲ್ಪ ಕೇದಾರ ದೇವಾಲಯವು ಹಲವು ವರ್ಷಗಳ ಕಾಲ ನೆಲದಡಿಯಲ್ಲಿ ಹೂತುಹೋಗಿತ್ತು, ಈ ದೇವಾಲಯದ ತುದಿ ಮಾತ್ರ ನೆಲದ ಮೇಲೆ ಗೋಚರಿಸುತ್ತಿತ್ತು. ಅಲ್ಲದೆ, ಕತುರೆ ಶೈಲಿಯಲ್ಲಿ ನಿರ್ಮಿಸಲಾದ ಈ ಶಿವ ದೇವಾಲಯದ ವಾಸ್ತುಶಿಲ್ಪವು ಕೇದಾರನಾಥ ದೇವಸ್ಥಾನದ ವಾಸ್ತುಶಿಲ್ಪವನ್ನು ಹೋಲುತ್ತದೆ.
1945 ರಲ್ಲಿ ನಡೆದ ಒಂದು ಉತ್ಖನನದ ಮೂಲಕ ಈ ದೇವಾಲಯವನ್ನು ಕಂಡುಹಿಡಿಯಲಾಯಿತು. ನೆಲದಲ್ಲಿ ಭೂಗತವಾಗಿದ್ದ ಈ ದೇವಾಲಯವನ್ನು ಹುಡುಕಲು ಕೆಲವು ಅಡಿಗಳನ್ನು ಅಗೆದ ನಂತರ ದೇವಾಲಯ ಸಿಕ್ಕಿತು. ಈ ದೇವಸ್ತಾನವು ಕೇದಾರನಾಥದಂತೆಯೇ ಇರುವ ಒಂದು ಪ್ರಾಚೀನ ಶಿವ ದೇವಾಲಯ ಎಂದು ಕಂಡು ಬಂದಿತು.
ದೇವಾಲಯವು ನೆಲಮಟ್ಟಕ್ಕಿಂತ ಕೆಳಗಿದ್ದು, ಭಕ್ತರು ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸಲು ಕೆಳಗೆ ಹೋಗಬೇಕಾಗಿತ್ತು. ಖೀರ್ ಗಂಗಾ ನದಿಯಿಂದ ಸ್ವಲ್ಪ ನೀರು ಗರ್ಭಗುಡಿಯಲ್ಲಿ ಸ್ಥಾಪಿಸಲಾದ ಶಿವಲಿಂಗದ ಮೇಲೆ ಹರಿಯುತ್ತಿತ್ತು.
ಕಲ್ಪ ಕೇದಾರ ದೇವಾಲಯವು ಗರ್ಭಗುಡಿಯ ಶಿವಲಿಂಗವು ಕೇದಾರನಾಥ ದೇವಾಲಯದಲ್ಲಿರುವಂತೆ ನಂದಿಯ ಹಿಂಭಾಗದ ಆಕಾರದಲ್ಲಿದೆ.(ಏಜೆನ್ಸೀಸ್)