ಲಿಂಗಸುಗೂರು: ಸಾರಿಗೆ ಬಸ್ ನಿಲ್ದಾಣದಲ್ಲಿನ ಸಾರ್ವಜನಿಕ ಶೌಚಗೃಹ ಬಳಕೆಗೆ ಇರುವ ನಿಗದಿ ಹಣಕ್ಕಿಂತ ಹೆಚ್ಚು ವಸೂಲಿ ಮಾಡುತ್ತಿದ್ದು, ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿ ಕರ್ನಾಟಕ ರಕ್ಷಣಾ ವೇದಿಕೆ ಕಾರ್ಯಕರ್ತರು ಸಾರಿಗೆ ಡಿಪೋ ಎಟಿಎಸ್ ನಾಗರಾಜಗೆ ಶುಕ್ರವಾರ ಮನವಿ ಸಲ್ಲಿಸಿದರು.
ಇದನ್ನೂ ಓದಿ: ಶೌಚಗೃಹಗಳು ಗೌರವದ ಪ್ರತೀಕ
ಬಸ್ ನಿಲ್ದಾಣದ ಸಾರ್ವಜನಿಕ ಶೌಚಗೃಹ ಬಳಕೆಗೆ ಪ್ರತಿ ವ್ಯಕ್ತಿಗೆ ಎರಡು ರೂ. ನಿಗದಿಪಡಿಸಿ ನಾಮಫಲಕ ಹಾಕಲಾಗಿದೆ. ಆದರೆ, ನಿರ್ವಹಣೆ ಮಾಡುವವರು 10ರೂ. ವಸೂಲಿ ಮಾಡುತ್ತಿದ್ದಾರೆ. ವಿದ್ಯಾರ್ಥಿಗಳು, ಅಂಗವಿಕಲರು, ವೃದ್ಧರು ಸೇರಿ ಅನೇಕ ಪ್ರಯಾಣಿಕರಿಗೆ ಹೊರೆಯಾಗುತ್ತಿದೆ.
ಈ ಬಗ್ಗೆ ಪರಿಶೀಲನೆ ನಡೆಸಬೇಕು. ಶೌಚಗೃಹ ಸ್ವಚ್ಛತೆ ಕಾಪಾಡಲು ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದರು. ಕರವೇ ತಾಲೂಕು ಅಧ್ಯಕ್ಷ ಆಂಜನೇಯ ಭಂಡಾರಿ ಪ್ರಮುಖರಾದ ಕುರುಮೇಶ ನಾಯಕ, ವೀರಭದ್ರ ಹುಲಿಗುಡ್ಡ, ದುರುಗೇಶ, ಸಿದ್ಧ ಚಲುವಾದಿ, ರಮೇಶ ಇದ್ದರು.