Chanakya Niti: ಆಚಾರ್ಯ ಚಾಣಕ್ಯ ಅವರನ್ನು ಅವರ ಕಾಲದ ಅತ್ಯಂತ ಬುದ್ಧಿವಂತ ವ್ಯಕ್ತಿ ಎಂದೂ ಕರೆಯಲಾಗುತ್ತದೆ. ಅವರು ತಮ್ಮ ಜೀವಿತಾವಧಿಯಲ್ಲಿ ಅವರು ಅನೇಕ ನೀತಿಗಳನ್ನು ರೂಪಿಸಿದರು. ಇಂದು ಅದನ್ನು ನಾವೆಲ್ಲರೂ ಚಾಣಕ್ಯ ನೀತಿ ಎಂದು ಕರೆಯುತ್ತಿದ್ದೇವೆ. ಆಚಾರ್ಯ ಚಾಣಕ್ಯರು ತಮ್ಮ ನೀತಿಗಳಲ್ಲಿ ಒಬ್ಬ ವ್ಯಕ್ತಿಯು ಈ ಗುಣಗಳನ್ನು ಹೊಂದಿದ್ದರೆ, ಅವರು ಜೀವನದಲ್ಲಿ ಯಶಸ್ವಿಯಾಗುವುದನ್ನು ಮತ್ತು ಕೆಟ್ಟ ಗುಣಗಳಿಂದ ದುರ್ಬಲವಾಗುವುದನ್ನು ವಿವರಿಸಿದ್ದಾರೆ.
ಆಚಾರ್ಯ ಚಾಣಕ್ಯ ನೀತಿ ಪ್ರಕಾರ, ಪರ್ವತ, ಪ್ರಾಣಿ ಮತ್ತು ಪಕ್ಷಿಯ ಹೆಸರನ್ನು ಹೊಂದಿರುವ ಹುಡುಗಿಯರನ್ನು ಮದುವೆಯಾಗಬಾರದು. ಅಲ್ಲದೆ ಇಂತಹ ಹೆಸರುಗಳನ್ನು ಆಯ್ಕೆ ಮಾಡಬಾರದು ಎಂದು ಹೇಳುತ್ತಾರೆ. ಹೆದರಿಸುವ ಹಾಗೂ ಭಯ ಹುಟ್ಟಿಸುವ ಹೆಸರು ಹೊಂದಿರುವ ಹುಡುಗಿಯರನ್ನು ಮದುವೆಯಾಗಬಾರದು. ಅಂತಹ ಹೆಸರುಗಳು ದುರದೃಷ್ಟಕರಗಳನ್ನು ಸೂಚಿಸುತ್ತವೆ. ಈ ಹೆಸರುಗಳನ್ನು ಹೊಂದಿರುವ ಹುಡುಗಿಯರು ಸಮಸ್ಯೆಗಳನ್ನು ಎದುರಿಸುತ್ತಾರೆ.
ಕೂದಲು ಮತ್ತು ಕಣ್ಣುಗಳು ಕೆಂಪಾಗಿರುವ ಅಥವಾ ಆರೋಗ್ಯ ಹೆಚ್ಚಾಗಿ ಕಳಪೆಯಾಗಿರುವ ಹುಡುಗಿಯರನ್ನು ಮದುವೆಯಾಗಬೇಡಿ. ಇಂತಹ ಹುಡುಗಿಯರು ದುರ್ಬಲ ದೇಹ ಹೊಂದಿರುತ್ತಾರೆ. ಅವರು ಮನೆಗೆಲಸ ಮಾಡೋದಕ್ಕೂ ಅಸಮರ್ಥರು. ಇಂತಹ ಪರಿಸ್ಥಿತಿಯಲ್ಲಿ ಮದುವೆಯಾದ್ರೆ ನಿಮ್ಮ ಜೀವನದಲ್ಲಿ ಸಮಸ್ಯೆಗಳು ಇನ್ನು ಹೆಚ್ಚಾಗಲಿವೆ ಎಂದು ಚಾಣಕ್ಯ ನೀತಿ ಹೇಳುತ್ತದೆ.
ಸಹೋದರನಿಲ್ಲದ ಹುಡುಗಿಯನ್ನು ಮದುವೆಯಾಗಬಾರದು. ಅಂತಹ ಹುಡುಗಿಯೊಂದಿಗಿನ ಮದುವೆ ಅವಮಾನಕ್ಕೆ ಕಾರಣವಾಗಬಹುದು. ಹಿಂದೂ ಧರ್ಮದಲ್ಲಿ, ಕೆಲವು ಪ್ರಮುಖ ಆಚರಣೆಗಳನ್ನು ಹೆಂಡತಿಯ ಸಹೋದರ ಮಾತ್ರ ಮಾಡುತ್ತಾರೆ ಮತ್ತು ಹೆಂಡತಿಗೆ ಸಹೋದರನಿಲ್ಲದಿದ್ದರೆ, ಅವಮಾನಕರ ಪರಿಸ್ಥಿತಿ ಉದ್ಭವಿಸುತ್ತದೆ ಎಂದು ಚಾಣಕ್ಯ ಹೇಳುತ್ತಾನೆ.
ಕೈ ಅಥವಾ ಕಾಲುಗಳಲ್ಲಿ 5 ಬೆರಳುಗಳ ಬದಲು 6 ಬೆರಳುಗಳಂತಹ ಹೆಚ್ಚುವರಿ ದೇಹದ ಅಂಗಗಳನ್ನು ಹೊಂದಿರುವ ಹುಡುಗಿಯರನ್ನು ಸಹ ಮದುವೆಯಾಗಬಾರದು. ಅಂತಹ ಹುಡುಗಿಯರು ಸುಂದರವಾಗಿರಬಹುದು ಆದರೆ ಅವರು ಮದುವೆಗೆ ಸೂಕ್ತವಲ್ಲ ಎಂದು ಚಾಣಕ್ಯ ನೀತಿ ಹೇಳುತ್ತದೆ.(ಏಜೆನ್ಸೀಸ್)
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು / ಜ್ಯೋತಿಷಿಗಳು / ಪಂಚಾಂಗಗಳು / ನಂಬಿಕೆಗಳು / ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದಕ್ಕೆ “ವಿಜಯವಾಣಿ ಡಾಟ್ ನೆಟ್” ಜವಾಬ್ದಾರರಾಗಿರುವುದಿಲ್ಲ.