ಬೆಂಗಳೂರು: ಕರೊನಾ ವೈರಸ್ ಭೀತಿಯಿಂದಾಗಿ ಕ್ರಿಕೆಟ್ ಚಟುವಟಿಕೆಗಳಿಂದ ದೂರ ಉಳಿದಿರುವ ಭಾರತೀಯ ಕ್ರಿಕೆಟಿಗರ ಪಾಲಿಗೆ ಸಾಮಾಜಿಕ ಜಾಲತಾಣವೇ ಪ್ರಮುಖ ಅಸ್ತ್ರವಾಗಿದೆ. ಅದರಲ್ಲೂ ಯಜುವೇಂದ್ರ ಚಾಹಲ್ ಮಾತ್ರ ಸೋಷಿಯಲ್ ಮಿಡಿಯಾ ಬಳಕೆಯಲ್ಲಿ ಎಲ್ಲರಿಗಿಂತಲೂ ಒಂದು ಕೈ ಮೇಲು. ಕುಟುಂಬ ಸದಸ್ಯರನ್ನು ಚಾಹಲ್ ಇನ್ಸ್ಟಾಗ್ರಾಂಗಾಗಿ ಬಳಸಿಕೊಂಡಿದ್ದು ಉಂಟು. ಡ್ಯಾನ್ಸ್ ಮಾಡುವುದು, ಹಳೇ ವಿಡಿಯೋ ಪ್ರಕಟಿಸುವುದು, ಸಹ ಆಟಗಾರರೊಂದಿಗೆ ಲೈವ್ ಚಾಟ್ಗಳಲ್ಲಿ ಭಾಗವಹಿಸುವುದೇ ಚಾಹಲ್ ದೈನಂದಿನ ಕೆಲಸವಾಗಿದೆ. ಕ್ರಿಕೆಟ್ ಚಟುವಟಿಕೆ ಪುನರಾರಂಭಗೊಂಡರೆ ಸಾಮಾಜಿಕ ಜಾಲತಾಣಗಳಿಂದ ದೂರು ಉಳಿಯುವುದಾಗಿ ಹೇಳಿಕೊಂಡಿದ್ದಾರೆ.
ಲಾ ಲೀಗಾದಲ್ಲಿ ರಿಯಲ್ ಮ್ಯಾಡ್ರಿಡ್ ಜಯ ದಾಖಲಿಸಿದಕ್ಕಾಗಿ ಸಂಭ್ರಮಿಸಿದ್ದ ರೋಹಿತ್ ಶರ್ಮ ಅವರನ್ನು ಚಾಹಲ್ ಟ್ರೋಲ್ ಮಾಡಿದ್ದರು. ಇದಕ್ಕೂ ಎರಡು ದಿನ ಮುಂಚೆ ನನ್ನ ಬಿಗ್ ಬ್ರದರ್ ಎಂದು ರೋಹಿತ್ ಶರ್ಮ ಫೋಟೋ ಪ್ರಕಟಿಸಿದ್ದರು. ಕಳೆದ ಮಾರ್ಚ್ ತಿಂಗಳಿಂದಲೂ ಚಾಹಲ್ ಸೇರಿದಂತೆ ಟೀಮ್ ಇಂಡಿಯಾ ಲಾಕ್ಡೌನ್ನಿಂದಾಗಿ ಕ್ರಿಕೆಟ್ ಚಟುವಟಿಕೆಯಿಂದ ದೂರ ಉಳಿದಿದೆ. ಆರ್ಸಿಬಿ ತಂಡದ ಪ್ರಮುಖ ಸ್ಪಿನ್ನರ್ ಆಗಿದ್ದಾರೆ. ಇದೀಗ ಬಿಸಿಸಿಐ ಇಡೀ ಐಪಿಎಲ್ ಟೂನಿರ್ಯನ್ನು ಯುಎಇಗೆ ಸ್ಥಳಾಂತರಿಸುವ ಸಾಧ್ಯತೆಗಳಿವೆ.