ಮುಂಬೈ: ತನ್ನ ಪೋಷಕರೊಂದಿಗೆ ಫೈ-ಸ್ಟಾರ್ ಹೋಟೆಲ್ಗೆ ಆಗಮಿಸಿದ್ದ ಏಳು ವರ್ಷದ ಮಗುವಿನ ಮೇಲೆ ವೈಟರ್ ಬಿಸಿ ಟೀ ಚೆಲ್ಲಿದ ಪರಿಣಾಮ ಮಗುವಿಗೆ ಸುಟ್ಟ ಗಾಯಗಳಾಗಿದ್ದು, ಕುಟುಂಬಸ್ಥರು ನೀಡಿದ ದೂರಿನ ಮೇರೆಗೆ ಇದೀಗ ಹೋಟೆಲ್ನ ವೈಟರ್ ವಿರುದ್ಧ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ: ಕಾರಿಡಾರ್ ಸುತ್ತಾಡಿ ಕಸಗೂಡಿಸಿದ ಡಿಸಿ ಫೌಜಿಯಾ ತರನ್ನುಮ್ : ಸಿಬ್ಬಂದಿ ಅಧಿಕಾರಿಗಳು ಜಿಲ್ಲಾಧಿಕಾರಿಗಳಿಗೆ ಸಾಥ್
ಎಫ್ಐಆರ್ ಪ್ರಕಾರ, ಸೆಪ್ಟೆಂಬರ್ 29 ರಂದು ಬೆಳಗ್ಗೆ 9:30ಕ್ಕೆ, ಗುರ್ಗಾಂವ್ ಮೂಲದ ನಿಶಾಂತ್ ಜೈನ್ (50) ತನ್ನ ಪತ್ನಿ ಮತ್ತು ಇಬ್ಬರು ಮಕ್ಕಳೊಂದಿಗೆ ಜೆ.ಡಬ್ಲ್ಯೂನಲ್ಲಿರುವ ರೆಸ್ಟೋರೆಂಟ್ ಒಂದರಲ್ಲಿ ಉಪಹಾರಕ್ಕಾಗಿ ಆಗಮಿಸಿದ್ದರು. ಈ ವೇಳೆ ಮ್ಯಾರಿಯಟ್ ಹೋಟೆಲ್ನಲ್ಲಿ ಸೆಪ್ಟೆಂಬರ್ 24 ರಂದು ರೂಂ ಅನ್ನು ಕಾಯ್ದಿರಿಸಿದ್ದರು.
ಮೊನಾಲಿಸಾ ಬಸುಮತಿ ಎಂಬ ವೈಟರ್ ಬಿಸಿ ಟೀ ಕೆಟಲ್ ಅನ್ನು ಹೊತ್ತೊಯ್ಯುತ್ತಿದ್ದಾಗ ಆಕಸ್ಮಿಕವಾಗಿ ಮೈರಾಗೆ ಡಿಕ್ಕಿ ಹೊಡೆದಿದ್ದಾರೆ. ಕೂಡಲೇ ಅವರ ಕೈಯಲ್ಲಿದ್ದ ಟೀ ಬಾಲಕಿಯ ಎಡಗೈ ಮೇಲೆ ಚೆಲ್ಲಿದೆ. ಇದರಿಂದಾಗಿ ಆಕೆಗೆ ಸುಟ್ಟ ಗಾಯಗಳಾಗಿದೆ. ತೀವ್ರ ನೋವಿನಿಂದ ಅಳಲು ಪ್ರಾರಂಭಿಸಿದ ಮೈರಾಳನ್ನು ವೈಟರ್ ಬಾಸುಮತಿ, ಯಾರಿಗೂ ತಿಳಿಸದಂತೆ ಸುಮ್ಮನಿರುವಂತೆ ಕೋರಿದ್ದಾರೆ ಎಂದು ದೂರುದಾರರು ಆರೋಪಿಸಿದ್ದಾರೆ.
ಘಟನೆಯ ಬಗ್ಗೆ ಅರಿತ ಮಗುವಿನ ತಂದೆ ಜೈನ್, ಮಗಳನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ದು, ಸುಟ್ಟಗಾಯಗಳಿಗೆ ಚಿಕಿತ್ಸೆ ಕೊಡಿಸಿದ್ದಾರೆ. ಬಾಲಕಿಯ ಕುಟುಂಬವು ಸಹರ್ ಪೊಲೀಸ್ ಠಾಣೆಯಲ್ಲಿ ವೈಟರ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ,(ಏಜೆನ್ಸೀಸ್).