ಕೋಲಾರ: ಅನರ್ಹರನ್ನು ಗುರುತಿಸಿ ಬಿಪಿಎಲ್ ಕಾರ್ಡ್ ರದ್ದು ಮಾಡಲು ಸರ್ಕಾರ ಕ್ರಮವಹಿಸಿರುವುದು ಸರಿಯಿದೆ. ಇದರಿಂದ ಸೌಲಭ್ಯ ವಂಚಿತರಿಗೆ ನ್ಯಾಯ ಕಲ್ಪಿಸುವ ಕೆಲಸ ಮಾಡುತ್ತಿದೆ ಎಂದು ಶಾಸಕ ಕೊತ್ತೂರು ಜಿ.ಮಂಜುನಾಥ್ ಹೇಳಿದರು.
ನಗರದಲ್ಲಿ ಸೋಮವಾರ ನಡೆದ ಸಹಕಾರ ಸಪ್ತಾಹ ಕಾರ್ಯಕ್ರಮದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿ, ಈಗಾಗಲೇ ಬಿಪಿಎಲ್ ಕಾರ್ಡ್ಗಳ ಬಗ್ಗೆ ಧ್ವನಿ ಎತ್ತಿದ್ದೇನೆ. ಜತೆಗೆ ಶಿಕ್ಷಕರೊಬ್ಬರು ಅಂತ್ಯೋದಯ ಕಾರ್ಡ್ ಪಡೆದುಕೊಂಡಿದ್ದನ್ನು ಅಧಿಕಾರಿಗಳ ಗಮನಕ್ಕೆ ತಂದು ರದ್ದು ಮಾಡಿಸಿದ್ದೇನೆ. ಜಿಲ್ಲೆಯಲ್ಲೂ 6,000 ಮಂದಿ ಅನರ್ಹರು ಬಿಪಿಎಲ್ ಪಡೆದುಕೊಂಡಿರುವವರನ್ನು ಗುರುತಿಸಿದ್ದು, ಶ್ರೀದಲ್ಲೇ ರದ್ದುಗೊಳ್ಳಲಿದೆ ಎಂದು ಹೇಳಿದರು.
ತೆರಿಗೆ ಪಾವತಿ ಮಾಡುವವರಿಗೆ, ಕಾರು ಇಟ್ಟುಕೊಂಡು 20-30 ಸಾವಿರ ಪೆಟ್ರೋಲ್ ಸುರಿದು ಓಡಾಡುವವರಿಗೆ, ಸಾವಿರಾರು ರೂ. ಪಾವತಿ ವಿದ್ಯುತ್ ಶುಲ್ಕ ಪಾವತಿ ಮಾಡುವವರಿಗೆ, 10-20 ಎಕರೆ ಜಮೀನು ಇರುವವರಿಗೆ ಬಿಪಿಎಲ್ ಯಾಕೆಬೇಕು?. ಸಮಾಜದಲ್ಲಿ ಜಮೀನು ಇಲ್ಲದೆ, ನಿರ್ಗತಿಕರಿಗೆ ಕೊಡುವುದು ಬಿಪಿಎಲ್ ಕೊಡುವುದು ನ್ಯಾಯವಲ್ಲವೇ ಎಂದು ಪ್ರಶ್ನಿಸಿದರು.
ಅರ್ಹರಲ್ಲದವರು ಬಿಪಿಎಲ್, ಅಂತ್ಯೋದಯ ಪಡೆದುಕೊಂಡಿರುವ ಬಗ್ಗೆ ದೂರುಗಳು ಬಂದಿವೆ. ಅದನ್ನು ಅಧಿಕಾರಿಗಳು ಪರಿಶೀಲನೆ ಮಾಡಿ ಅನರ್ಹರನ್ನು ಗುರುತಿಸುತ್ತಿದ್ದಾರೆ. ಕಾರ್ಡ್ ರದ್ದುಗೊಳ್ಳುವುದರಿಂದ ಇತರೆ ಸೌಕರ್ಯಗಳು ಕೈ ತಪ್ಪುತ್ತವೆ ಎಂದರೆ ಅದಕ್ಕೆ ಬೇರೆ ದಾರಿಯಿದ್ದು ಪಡೆದುಕೊಳ್ಳಲು ಮುಂದಾಗಲಿ. ಸಹಕಾರ ಸಂದಲ್ಲಿ ಶೇರುದಾರರಾಗಿ ಯಶಸ್ವಿನಿಗೆ 500 ಪಾವತಿ ಮಾಡಿದರೆ ವಿಮೆ ಸಿಗುತ್ತದಲ್ಲ, ಅದರಲ್ಲೂ ಎಸ್ಸಿ, ಎಸ್ಟಿ ಉಚಿತ ಎಂದು ತಿಳಿಸಿದರು.
* ಪ್ರತಿಕ್ರಿಯಿಸಲು ಇಷ್ಟವಿಲ್ಲ
ಬಿಪಿಎಲ್ ಕಾರ್ಡ್ ಕುರಿತು ಕುಮಾರಸ್ವಾಮಿ ನೀಡಿರುವ ಹೇಳಿಕೆ ಕುರಿತು ಪ್ರತಿಕ್ರಿಯಿಸಿದ ಅವರು ದೊಡ್ಡವರು, ಅವರ ಬಗ್ಗೆ ಗೌರವ ಇದೆ, ಈ ಬಗ್ಗೆ ಮಾತನಾಡುವ ಬಗ್ಗೆ ನನಗೆ ಇಷ್ಟವಿಲ್ಲ. ಅದು ರಾಜಕೀಯವಾಗಿ ಆದರೆ ಬೇರೆ ಎಂದರು.
ನಮ್ಮ ವಿರೋಧಿಗಳು, ಸ್ನೇಹಿತರು ಒಳ್ಳೆ ಕೆಲಸ ಮಾಡಿದರು ಒಪ್ಪಿಕೊಳ್ಳುತ್ತೇನೆ, ಕಾಜಿಕಲ್ಲಹಳ್ಳಿಯಲ್ಲಿ ಮಹಿಳೆಯೊಬ್ಬರಿಗೆ ಏನು ಇಲ್ಲ. ಅಂತಹ ವ್ಯಕ್ತಿಗಳಿಗೆ ಅನ್ಯಾಯವಾಗುತ್ತಿದ್ದು, ಇತಂಹದ್ದು ಯಾರು ಕಣ್ಣಿಗೂ ಕಾಣುತ್ತಿಲ್ಲವೆ ಎಂದು ಪ್ರಶ್ನಿಸಿದರು.
* ಕೋಲಾರಮ್ಮ ಆಣೆಗೂ ಚರ್ಚೆಯಾಗಿಲ್ಲ
ಉಪ ಚುನಾವಣೆ ಸಂಬಂಧ ಪ್ರತಿಕ್ರಿಯಿಸಿ, ಚನ್ನಪಟ್ಟಣ ಚುನಾವಣೆಗೆ ನಾನು ಹೋಗಿದ್ದೇ, ಆರಂಭದಲ್ಲಿ ಒಳ್ಳೆಯ ವಾತಾವರಣ ಇತ್ತು, ಕೊನೆಯಲ್ಲಿ ವ್ಯತ್ಯಾಸಗಳಾಗಿವೆ. ಕುಮಾರಸ್ವಾಮಿ ಅವರ ವಿರುದ್ಧ ಜಮೀರ್ ಅಹಮದ್ ಬಳಕೆ ಮಾಡಿರುವುದು ತಪು$್ಪ ಎಂದು ತಿಳಿಸಿದರು.
ಉಪ ಚುನಾವಣೆಯ ಮತದಾನದ ಎಣಿಕೆಯು ನ.23ರಂದು ನಡೆಯಲಿದೆ. ಇದರ ನಂತರ ಸರ್ಕಾರ ಬದಲಾವಣೆ, ಸಿಎಂ ಬದಲಾವಣೆ ಎಲ್ಲಾ ಊಹಾಪೋಹ. ಸಿಎಂ ಸಿದ್ದರಾಮಯ್ಯ ಅವರ ಖುರ್ಚಿ ಗಟ್ಟಿಯಾಗಿದ್ದು, ಕೋಲಾರಮ್ಮ ಸಾಯಾಗಿ ಬದಲಾವಣೆ ಕುರಿತು ಚರ್ಚೆಯಾಗಿಲ್ಲ ಎಂದರು.
* ವೈಯಕ್ತಿಕ ಹೇಳಿಕೆ
ಎಸ್.ಎನ್.ನಾರಾಯಣಸ್ವಾಮಿ ಅವರು ವೈಯಕ್ತಿಕವಾಗಿ ಏನು ಹೇಳಿಕೊಂಡಿದ್ದಾರೋ ಗೊತ್ತಿಲ್ಲ, ಅವರಿಗೆ ಸ್ಪಂದಿಸುತ್ತಿಲ್ಲ ಎಂಬುದು ಗೊತ್ತಿಲ್ಲ. ಜಿಲ್ಲಾ ಉಸ್ತುವಾರಿ ಸಚಿವರು ನಮಗೆ ಸ್ಪಂದಿಸುತ್ತಿದ್ದಾರೆ. ಜಿಲ್ಲಾ ಮಟ್ಟದ ಅಧಿಕಾರಿಗಳ ವರ್ಗಾವಣೆಯಲ್ಲಿ ಕೈ ಹಾಕಿಲ್ಲ. ಕೆಲಸ ಮಾಡುವ ತಾಲೂಕು ಮಟ್ಟದ ಅಧಿಕಾರಿಗಳನ್ನು ವರ್ಗಾವಣೆ ಮಾಡಿಸಿಕೊಳ್ಳಲಾಗಿದೆ ಎಂದರು.