ಭುಜ್: ಗುಜರಾತ್ನಲ್ಲಿರುವ ಭಾರತ ಮತ್ತು ಪಾಕಿಸ್ತಾನ ಗಡಿಯಲ್ಲಿರುವ ಸರ್ ಕ್ರೀಕ್ ಕೊಲ್ಲಿಯ ಹರಾಮಿ ನಾಲಾ ಬಳಿ ಪಾಕಿಸ್ತಾನದ ನಾಲ್ಕು ಬೋಟ್ಗಳು ಗಡಿ ಭದ್ರತಾ ಪಡೆಯ ಯೋಧರು (BSF) ವಶ ಪಡಿಸಿಕೊಂಡಿದ್ದಾರೆ.
ಪಾಕಿಸ್ತಾನದ ಮೀನುಗಾರ ಅಲ್ಲಾ ಬಚಾವೊ ಸಿದ್ದೀಕ್ (25) ಎಂಬಾತ ಸಿಕ್ಕಿಬಿದ್ದಿದ್ದು, ಉಳಿದವರೆಲ್ಲ ತಪ್ಪಿಸಿಕೊಂಡಿದ್ದಾರೆ ಎಂದು ಬಿಎಸ್ಎಫ್ ಮೂಲಗಳು ತಿಳಿಸಿವೆ.
ಕಚ್ ಪ್ರದೇಶದಲ್ಲಿ ಮುಂಜಾನೆ 6ಗಂಟೆಗೆ ಪಾಕಿಸ್ತಾನದ ಬೋಟ್ಗಳು ಹಾಗೂ ಅದರಲ್ಲಿ ಜನರು ಇದ್ದಾರೆ ಎಂಬುದನ್ನು ಗಮನಿಸಿದ ಭುಜ್ ಘಟಕದ ಬಿಎಸ್ಎಫ್ ಗಸ್ತು ಪಡೆ ಕಾರ್ಯಾಚರಣೆ ನಡೆಸಿ, ದೋಣಿಗಳನ್ನು ವಶಪಡಿಸಿಕೊಂಡಿದೆ. ಇದನ್ನೂ ಓದಿ: ಸಮುದ್ರದಲ್ಲಿ ಬಂಡೆಗೆ ಡಿಕ್ಕಿ ಹೊಡೆದ ನಾಡದೋಣಿ; ನಾಲ್ವರು ಮೀನುಗಾರರು ನಾಪತ್ತೆ
ಪಾಕ್ ದೋಣಿಯಲ್ಲಿದ್ದವರು ಕದ್ದುಮುಚ್ಚಿ ಭಾರತದ ಭೂಪ್ರದೇಶಕ್ಕೆ ಕಾಲಿಡಲು ಪ್ರಯತ್ನಿಸುತ್ತಿದ್ದರು. ಅದನ್ನು ಬಿಎಸ್ಎಫ್ ಪಡೆ ತಡೆದಿದೆ. ನಮ್ಮ ಸೈನಿಕರನ್ನು ನೋಡುತ್ತಿದ್ದಂತೆ ಬೋಟ್ಗಳಲ್ಲಿದ್ದ ಹಲವರು ನೀರಿಗೆ ಹಾರಿದ್ದಾರೆ. ಅದರಲ್ಲಿ ಓರ್ವ ಮಾತ್ರ ಸಿಕ್ಕಿಬಿದ್ದಿದ್ದಾನೆ ಎಂದು ಬಿಎಸ್ಎಫ್ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ವಶಪಡಿಸಿಕೊಳ್ಳಲಾದ ನಾಲ್ಕೂ ದೋಣಿಗಳನ್ನೂ ಕೂಲಂಕಷವಾಗಿ ಪರಿಶೀಲನೆ ಮಾಡಲಾಗಿದೆ. ಯಾವುದೇ ಅನುಮಾನಾಸ್ಪದ ವಸ್ತುಗಳನ್ನು ಸಿಕ್ಕಿಲ್ಲ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)