ಅಯೋಧ್ಯೆ: ಭವ್ಯ ರಾಮಮಂದಿರದಲ್ಲಿ ಜನವರಿ 22 ರಂದು ನಡೆಯಲಿರುವ ಮಹಾಮಸ್ತಕಾಭಿಷೇಕದ ಮೊದಲು ಶ್ರೀರಾಮನ ಆರತಿ ನಡೆಯಲಿದೆ. ರಾಮಮಂದಿರದಲ್ಲಿ ಆರತಿಗಾಗಿ ಬುಕ್ಕಿಂಗ್ ಆರಂಭವಾಗಿದೆ. ರಾಮ ಜನ್ಮಭೂಮಿ ದೇವಸ್ಥಾನದ ಪೋರ್ಟಲ್ (srjbtkshetra.org) ನಿಂದ ಆನ್ಲೈನ್ ಪಾಸ್ಗಳನ್ನು ವಿತರಿಸಲಾಗುತ್ತಿದೆ. ಆನ್ಲೈನ್ ಅರ್ಜಿ ಭರ್ತಿ ಮಾಡಿದ ನಂತರ, ಪಾಸ್ ಅಯೋಧ್ಯೆಯ ಕೌಂಟರ್ನಿಂದ ಲಭ್ಯವಿರುತ್ತದೆ. ಆರತಿಗೆ ಹಾಜರಾಗಲು ಅಥವಾ ಬುಕಿಂಗ್ ಮಾಡಲು ಆಧಾರ್ ಕಾರ್ಡ್, ಗುರುತಿನ ಚೀಟಿ, ಚಾಲನಾ ಪರವಾನಗಿ ಮತ್ತು ಪಾಸ್ಪೋರ್ಟ್ನಂತಹ ಯಾವುದಾದರೂ ಒಂದು ಪುರಾವೆಯನ್ನು ಗುರುತಿನ ಪುರಾವೆಯಾಗಿ ನೀಡಬೇಕಾಗುತ್ತದೆ.
30 ಜನರು ಮಾತ್ರ ಭಾಗಿ
ಸಿಕ್ಕಿರುವ ಮಾಹಿತಿಯ ಪ್ರಕಾರ, ಮಹಾಮಸ್ತಕಾಭಿಷೇಕದ ಮೊದಲು ರಾಮಮಂದಿರದಲ್ಲಿ ದಿನಕ್ಕೆ ಮೂರು ಬಾರಿ ಆರತಿ ಮಾಡಲಾಗುತ್ತದೆ. ಬೆಳಗ್ಗೆ 6.30ಕ್ಕೆ ಒಂದು, ಮಧ್ಯಾಹ್ನ 12ಕ್ಕೆ ಎರಡನೆಯದು ಹಾಗೂ ಮೂರನೇ ಬಾರಿ ಸಂಜೆ 7.30ಕ್ಕೆ ವಿಶೇಷ ಆರತಿ ನಡೆಯಲಿದೆ. ಬೆಳಗ್ಗೆ ಶೃಂಗಾರ ಆರತಿ, ಮಧ್ಯಾಹ್ನ ಭೋಗ್ ಆರತಿ ಹಾಗೂ ಸಂಜೆ ಸಂಧ್ಯಾ ಆರತಿ ನಡೆಯಲಿದೆ. ಪ್ರತಿ ಆರತಿಯಲ್ಲಿ ಗರಿಷ್ಠ 30 ಜನರು ಭಾಗವಹಿಸಬಹುದು.
ಅಲಂಕಾರಗೊಳ್ಳಲಿರುವ ಬೀದಿಗಳು
ಮುಂದಿನ ತಿಂಗಳು ಅಯೋಧ್ಯೆಯಲ್ಲಿ ನಡೆಯಲಿರುವ ರಾಮಮಂದಿರದ ಶಂಕುಸ್ಥಾಪನೆ ಸಮಾರಂಭದ ಮೊದಲು ನಗರದ ಪ್ರಮುಖ ರಸ್ತೆಯನ್ನು ಸೂರ್ಯನ ಥೀಂನಲ್ಲಿ 'ಸೂರ್ಯ ಸ್ತಂಭಗಳಿಂದ' ಅಲಂಕರಿಸಲಾಗುತ್ತಿದೆ. ಮೂವತ್ತು ಅಡಿ ಎತ್ತರದ ಪ್ರತಿಯೊಂದು ಕಂಬವೂ ರಾತ್ರಿ ಹೊತ್ತಿ ಉರಿಯುವಾಗ ಸೂರ್ಯನನ್ನು ಹೋಲುವ ಅಲಂಕಾರಿಕ ಗೋಳವನ್ನು ಹೊಂದಿರಲಿದೆ. ನಯಾ ಘಾಟ್ ಬಳಿಯ ಲತಾ ಮಂಗೇಶ್ಕರ್ ಚೌಕ್ನಿಂದ ಅಯೋಧ್ಯೆ ಬೈಪಾಸ್ಗೆ ಸಂಪರ್ಕಿಸುವ 'ಧರ್ಮ ಪಥ' ರಸ್ತೆಯಲ್ಲಿ ಇಂತಹ 40 ಪಿಲ್ಲರ್ಗಳನ್ನು ಸ್ಥಾಪಿಸಲಾಗುವುದು ಎಂದು ಉತ್ತರ ಪ್ರದೇಶ ಲೋಕೋಪಯೋಗಿ ಇಲಾಖೆ (ಪಿಡಬ್ಲ್ಯೂಡಿ) ಅಯೋಧ್ಯಾ ವಿಭಾಗದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಫೈಬರ್ನಿಂದ ಮಾಡಿದ ಅಲಂಕಾರಿಕ ಹೊದಿಕೆ
ಹೊಸದಾಗಿ ನಿರ್ಮಿಸಲಾಗಿರುವ ರಾಮಮಂದಿರದಲ್ಲಿ ಶ್ರೀರಾಮನ ವಿಗ್ರಹವನ್ನು ಪ್ರತಿಷ್ಠಾಪಿಸುವ ಮೊದಲು ಈ 'ಸೂರ್ಯ ಸ್ತಂಭ'ಗಳನ್ನು ಸ್ಥಾಪಿಸಲಾಗುತ್ತಿದೆ. ಈ ಪೈಕಿ ಲತಾ ಮಂಗೇಶ್ಕರ್ ಚೌಕ್ ಬಳಿ ರಸ್ತೆಯ ಎರಡೂ ಬದಿಯಲ್ಲಿ ತಲಾ 10 ಕಂಬಗಳನ್ನು ಅಳವಡಿಸಲಾಗುವುದು. ಪ್ರತಿಯೊಂದು ಸ್ತಂಭವು ವಿಶೇಷ ಫೈಬರ್ನಿಂದ ಮಾಡಿದ ಅಲಂಕಾರಿಕ ಹೊದಿಕೆಯನ್ನು ಹೊಂದಿದ್ದು, 'ಜೈ ಶ್ರೀ ರಾಮ್' ಘೋಷಣೆ, ಭಗವಾನ್ ಹನುಮಂತನ ಗದೆ ಮತ್ತು ಇತರ ಅಲಂಕಾರಿಕ ವಸ್ತುಗಳು ಪ್ರದರ್ಶನಗೊಳ್ಳಲಿವೆ.