Moving Train: ಬಾಲಿವುಡ್ ನಟಿ ಕರಿಷ್ಮಾ ಶರ್ಮಾ ಬುಧವಾರ ಮುಂಬೈನಲ್ಲಿ ಚಲಿಸುವ ರೈಲಿನಿಂದ ಹಾರಿ ಗಾಯಗೊಂಡಿದ್ದು, ನಟಿ ಪ್ರಸ್ತುತ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ನಟಿ ಕರಿಷ್ಮಾ ಶರ್ಮಾನೇ ಈ ಕುರಿತು ಗುರುವಾರ ಸಂಜೆ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಅಪಘಾತದ ವಿವರಗಳನ್ನು ಹಂಚಿಕೊ0ಡಿದ್ದಾರೆ. ನಟಿಯ ಪ್ರಕಾರ, "ಚರ್ಚ್ಗೇಟ್ನಲ್ಲಿ ಶೂಟಿಂಗ್ಗೆ ಹೋಗುತ್ತಿದ್ದಾಗ, ನಾನು ಸೀರೆ ಧರಿಸಿ ರೈಲನ್ನು ಹತ್ತಲು ನಿರ್ಧರಿಸಿದೆ. ನಾನು ಹತ್ತುವಾಗ, ರೈಲು ವೇಗವನ್ನು ಪಡೆದುಕೊಳ್ಳಲು ಪ್ರಾರಂಭಿಸಿತು. ಆದರೆ, ನನ್ನ ಸ್ನೇಹಿತರು ರೈಲು ಹತ್ತಲು ಸಾಧ್ಯವಾಗಲಿಲ್ಲ. ಹೀಗಾಗಿ, ನಾನು ಭಯದಿಂದ ಹೊರ ಜಿಗಿದೆ. ದುರದೃಷ್ಟವಶಾತ್ ನನ್ನ ಬೆನ್ನಿನ ಮೇಲೆ ಬಿದ್ದು ನನ್ನ ತಲೆಗೆ ಪೆಟ್ಟಾಯಿತು" ಎಂದು ಕರಿಷ್ಮಾ ಬರೆದಿದ್ದಾರೆ.
"ನನ್ನ ಬೆನ್ನಿಗೆ ಗಾಯವಾಗಿದೆ, ತಲೆ ಊದಿಕೊಂಡಿದೆ, ಮತ್ತು ಮೂಗೇಟುಗಳು ಆವರಿಸಿಕೊಂಡಿವೆ. ವೈದ್ಯರು ಎಂಆರ್ಐ ಮಾಡಿಸುವಂತೆ ಸಲಹೆ ನೀಡಿದರು ಮತ್ತು ತಲೆಗೆ ಆದ ಗಾಯ ತೀವ್ರವಾಗಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಒಂದು ದಿನ ನನ್ನನ್ನು ವೀಕ್ಷಣೆಯಲ್ಲಿ ಇರಿಸಿದ್ದಾರೆ ಎಂದು ನಟಿ ಕರಿಷ್ಮಾ ಹೇಳಿಕೊಂಡಿದ್ದಾರೆ.
ನಿನ್ನೆಯಿಂದ ನನಗೆ ನೋವು ಇದೆ, ಆದರೆ ನಾನು ದೃಢವಾಗಿದ್ದೇನೆ. ದಯವಿಟ್ಟು ಬೇಗ ಗುಣಮುಖನಾಗಲು ನಿಮ್ಮ ಪ್ರಾರ್ಥನೆಯಲ್ಲಿ ನನ್ನನ್ನು ಇರಿಸಿ ಮತ್ತು ನಿಮ್ಮ ಪ್ರೀತಿಯನ್ನು ನನಗೆ ಕಳುಹಿಸಿ - ಇದು ತುಂಬಾ ಅರ್ಥಪೂರ್ಣವಾಗಿದೆ ಎಂದು ಸ್ಟೋರಿಯಲ್ಲಿ ಹಂಚಿಕೊಂಡಿದ್ದಾರೆ.(ಏಜೆನ್ಸೀಸ್)