ನವದೆಹಲಿ: ಕೇಂದ್ರದಲ್ಲಿ ನರೇಂದ್ರ ಮೋದಿ ನೇತೃತ್ವದ ಎನ್ಡಿಎ-2 ಸರ್ಕಾರ ಅಧಿಕಾರಕ್ಕೆ ಬಂದು ಒಂದು ವರ್ಷವಾಗಿದೆ. ಆದರೆ ಈ ವರ್ಷಾಚರಣೆಯ ಸಂಭ್ರಮಕ್ಕೆ ಕೋವಿಡ್-19 ಪಿಡುಗು ಅಡ್ಡಿಯಾಗಿದೆ. ಹೀಗಾಗಿ ಬಹಿರಂಗ ಸಭೆಗಳನ್ನು ಆಯೋಜಿಸಲಾಗದ ಅಸಹಾಯಕತೆ ಬಿಜೆಪಿ ಮುಖಂಡರು ಮತ್ತು ನಾಯಕರನ್ನು ಕಾಡುತ್ತಿದೆ.
ಹಾಗೆಂದು ಬಿಜೆಪಿ ಮತ್ತು ಮಿತ್ರಪಕ್ಷಗಳಲ್ಲಿ ವರ್ಷಾಚರಣೆಯ ಸಂಭ್ರಮ ಕಡಿಮೆಯಾಗಿಲ್ಲ. ದೇಶಾದ್ಯಂತ 750 ವರ್ಚುಯಲ್ ರ್ಯಾಲಿಗಳನ್ನು ಆಯೋಜಿಸುವ ಮೂಲಕ ಸಂಭ್ರಮಾಚರಣೆಗೆ ಮುಂದಾಗುತ್ತಿದ್ದಾರೆ.
ಇದೇ ಸಂದರ್ಭದಲ್ಲಿ ಬಿಜೆಪಿಯ ರಾಷ್ಟ್ರೀಯ ಮತ್ತು ರಾಜ್ಯಮಟ್ಟದ ನಾಯಕರು, ಮುಖಂಡರು 1 ಸಾವಿರಕ್ಕೂ ಹೆಚ್ಚು ವರ್ಚುಯಲ್ ಕಾನ್ಫರೆನ್ಸ್ ಆಯೋಜಿಸಲಿದ್ದಾರೆ. ಅಲ್ಲದೆ, ಪ್ರತಿಯೊಂದು ಮಂಡಲದ ಮಟ್ಟದಲ್ಲಿ ಉಚಿತವಾಗಿ ಮಾಸ್ಕ್ಗಳನ್ನು ಮತ್ತು ಸ್ಯಾನಿಟೈಸರ್ಗಳನ್ನು ಹಂಚಲು ಬಿಜೆಪಿ ನಿರ್ಧರಿಸಿದೆ.