ಉತ್ತರಪ್ರದೇಶ: ಶುಕ್ರವಾರ ಬೆಳಗ್ಗೆ ಉತ್ತರಪ್ರದೇಶದ ಮೌ ಜಿಲ್ಲೆಯಲ್ಲಿ ಮಣ್ಣು ಅಗೆಯುತ್ತಿದ್ದಾಗ ವಿಚಿತ್ರ ರೀತಿಯ ಹಾವು ಕಂಡು ಜನರು ಆಶ್ಚರ್ಯಚಕಿತರಾದರು. ಸ್ವಲ್ಪ ಸಮಯದಲ್ಲೇ ಹಾವನ್ನು ನೋಡಲು ಜನ ಜಮಾಯಿಸಿದ್ದಾರೆ. ಕೊನೆಗೆ ಅಪಾಯದ ಅರಿವಾಗಿ ಹಾವನ್ನು ಹೊಡೆದು ಸಾಯಿಸಲು ಮುಂದಾಗಿದ್ದಾರೆ. ಆಗ ಹಾವು ಮಗುವಿನಂತೆ ಅಳಲು ಪ್ರಾರಂಭಿಸಿತು ಎಂದು ಅಲ್ಲಿದ್ದ ಜನರು ಹೇಳುತ್ತಾರೆ. ಇದಾದ ನಂತರ ಅಲ್ಲಿದ್ದ ಗುಂಪು ಚದುರಲಾರಂಭಿಸಿತು. ಜನರು ಓಡಲು ಪ್ರಾರಂಭಿಸಿದರು. ಕೆಲಕಾಲ ನೂಕುನುಗ್ಗಲು ಉಂಟಾಯಿತು.
ದೋಹ್ರಿಘಾಟ್ ಬ್ಲಾಕ್ ವ್ಯಾಪ್ತಿಯ ದಿಹ್ವಾದಲ್ಲಿ ಶುಕ್ರವಾರ ಬೆಳಗ್ಗೆ ಮಣ್ಣು ಅಗೆಯುತ್ತಿದ್ದಾಗ ಈ ರೀತಿಯ ವಿಚಿತ್ರ ಹಾವು ಕಂಡು ಜನರು ಬೆಚ್ಚಿಬಿದ್ದರು. ಇದನ್ನು ನೋಡಲು ಕ್ಷೇತ್ರದ ಜನರು ಮಾತ್ರವಲ್ಲದೆ, ದೂರದ ಊರುಗಳಿಂದ ಆಗಮಿಸಿದ್ದರು. ಇಂತಹ ಹಾವುಗಳು ಭಾರತದಲ್ಲಿ ಕಂಡುಬರುವುದಿಲ್ಲ ಎಂದು ಜನರು ಹೇಳಿದ್ದಾರೆ. ಇವು ಅಮೆರಿಕದಂತಹ ದೇಶಗಳಲ್ಲಿ ಕಂಡುಬರುತ್ತವೆಯಂತೆ.
ಮಗುವಿನಂತೆ ಅಳುವ ಸದ್ದು
ಇದು 100 ವರ್ಷದ ಹಾವು ಇರಬಹುದು, ಈ ಹಾವಿನ ಕಡಿತದಿಂದ 20 ನಿಮಿಷಗಳಲ್ಲಿ ಸಾವು ಸಂಭವಿಸುತ್ತದೆ ಎಂದು ಜನರು ನಂಬಿದ್ದರು. ಅದೇ ವೇಳೆಗೆ ಹಾವಿನ ಮೇಲೆ ದಾಳಿ ನಡೆಸಿದಾಗ ಅದು ಮಗುವಿನಂತೆ ಅಳಲು ಪ್ರಾರಂಭಿಸಿತು. ಇದನ್ನು ಕಂಡು ಸ್ಥಳದಲ್ಲಿದ್ದ ಜನರು ದೂರ ಓಡಲಾರಂಭಿಸಿದರು. ಕೆಲಕಾಲ ನೂಕುನುಗ್ಗಲು ಉಂಟಾಯಿತು. ಇಂತಹ ಹಾವು ಪತ್ತೆಯಾಗಿರುವುದು ಇಡೀ ಪ್ರದೇಶದಲ್ಲಿ ಈಗ ಚರ್ಚೆಗೆ ಗ್ರಾಸವಾಗಿದೆ.
ವೀಕ್ಷಿಸಲು ಜನಸಾಗರವೇ ನೆರೆದಿತ್ತು...
ಕ್ರಮೇಣ ವಿಚಿತ್ರ ಹಾವನ್ನು ನೋಡಲು ಜನರ ಗುಂಪು ಜಮಾಯಿಸಿತು. ಚರ್ಚೆಗಳ ಪ್ರಕಾರ, ಪೊದೆಗಳು ಮತ್ತು ಕಾಡುಗಳಿರುವ ಪ್ರದೇಶದಲ್ಲಿ ಅಂತಹ ಹಾವುಗಳು ಹೆಚ್ಚು ಇರಬಹುದು.