ಮುಂಬೈ: ಜಿಪಿಎಸ್ ನ್ಯಾವಿಗೇಷನ್ ಸಾಧನವನ್ನು ತಯಾರು ಮಾಡುವ ಭೌಗೋಳಿಕ ಪ್ರದೇಶ ತಂತ್ರಜ್ಞಾನದ ಟಾಮ್ ಟಾಮ್ ಸಂಸ್ಥೆ, ವಿಶ್ವದ 58 ದೇಶಗಳ 404 ನಗರಗಳಲ್ಲಿ 2021ರಲ್ಲಿ ವಾಹನ ಸಂಚಾರ ದಟ್ಟಣೆಯ ಸಮೀಕ್ಷೆ ನಡೆಸಿದ್ದು, ಮೊದಲ 10 ನಗರಗಳಲ್ಲಿ ಮುಂಬೈ 5 ಮತ್ತು ಬೆಂಗಳೂರು 10ನೇ ಸ್ಥಾನದಲ್ಲಿವೆ. ದೆಹಲಿ 11 ಮತ್ತು ಪುಣೆಯನ್ನು 21ನೇ ಸ್ಥಾನದಲ್ಲಿ ಗುರುತಿಸಲಾಗಿದೆ. ಇದು ಟಾಮ್ ಟಾಮ್ ಸಂಸ್ಥೆಯ 11ನೇ ಆವೃತ್ತಿಯ ವರದಿ ಆಗಿದೆ.
- 2020ರಲ್ಲಿ ಮುಂಬೈ (2) ಬೆಂಗಳೂರು (6), ದೆಹಲಿ (8) ಮೊದಲ 10 ಸ್ಥಾನದಲ್ಲಿ ಇದ್ದವು. ಕಳೆದ ವರ್ಷ 56 ದೇಶಗಳ 416 ಸಿಟಿಗಳನ್ನು ಅತಿ ಸಂಚಾರ ದಟ್ಟಣೆಯ ನಗರಗಳೆಂದು ಟಾಮ್ ಟಾಮ್ ಟ್ರಾಫಿಕ್ ಇಂಡೆಕ್ಸ್ ಗುರುತಿಸಿತ್ತು.
- ಭಾರತದಲ್ಲಿ ಕೋವಿಡ್ ಪೂರ್ವದ ಸ್ಥಿತಿಗೆ ಹೋಲಿಸಿದರೆ 2021ರಲ್ಲಿ ಶೇ. 23ರಷ್ಟು ಒಟ್ಟಾರೆ ಟ್ರಾಫಿಕ್ ಇಳಿಕೆ ಆಗಿದೆ. ಪೀಕ್ ಅವಧಿಯಲ್ಲಿ ಟ್ರಾಫಿಕ್ ಶೇ. 31ರಷ್ಟು ಕಡಿಮೆ ಆಗಿದೆ ಎಂದು ತಿಳಿಸಿದೆ.
- 2021ರ ಸಾಲಿನಲ್ಲಿ ಬೆಂಗಳೂರಿನ ಟ್ರಾಫಿಕ್ ಶೇ.32ರಷ್ಟು ಇಳಿಕೆ
ಖಾಸಗಿ ವಾಹನ ಹೆಚ್ಚಳ: ಬೆಂಗಳೂರಿನಲ್ಲಿ ಸಂಚಾರ ದಟ್ಟಣೆ ಕಡಿಮೆ ಯಾದರೂ ರಸ್ತೆಗಿಳಿಯುತ್ತಿರುವ ಖಾಸಗಿ ವಾಹನಗಳ ಸಂಖ್ಯೆ ಹಿಂದೆಂದಿ ಗಿಂತಲೂ ಹೆಚ್ಚಳವಾಗಿದೆ. ಲಾಕ್ಡೌನ್ ಪರಿಣಾಮ ದಿಂದ ಬಹುತೇಕರು ಖಾಸಗಿ ವಾಹನಗಳ ಮೊರೆ ಹೋಗಿ ದ್ದಾರೆ. ಆದರೆ ಬಹುತೇಕರು ಎಲೆಕ್ಟ್ರಿಕ್ ವಾಹನ ಖರೀದಿಗೆ ಆಸಕ್ತಿ ತೋರಿದ್ದಾರೆ. ಆರ್ಟಿಒ ಮಾಹಿತಿ ಪ್ರಕಾರ 2018ರಲ್ಲಿ ಕೇವಲ 3,806 ವಿದ್ಯುತ್ ಚಾಲಿತವಾಹನ ನೋಂದಣಿಯಾಗಿತ್ತು, 2021ರ ನವೆಂಬರ್ ವೇಳೆಗೆ ಈ ಪ್ರಮಾಣ 22, 264ಕ್ಕೆ ಏರಿಕೆಯಾಗಿದೆ. ಅದರಲ್ಲೂ 19, 615 ದ್ವಿಚಕ್ರ ವಾಹನ ನೋಂದಣಿಯಾಗಿದೆ.