ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 10ರ ಸ್ಪರ್ಧಿಗಳು ಇದೀಗ ಕಟ್ಟ ಕಡೆಯ ವಾರವನ್ನು ತಲುಪಿದ್ದು, ಫಿನಾಲೆ ವೇದಿಕೆಗೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಡಲು ತುದಿಗಾಲಿನಲ್ಲಿ ನಿಂತಿದ್ದಾರೆ. ಫಿನಾಲೆಯಲ್ಲಿ ಸುದೀಪ್ ಅವರು ನಮ್ಮ ಕೈ ಎತ್ತಿ ವಿನ್ನರ್ ನೀವೇ ಎಂದು ಘೋಷಿಸಬೇಕು ಎಂಬ ಕನಸ್ಸನ್ನು ಬಹಳ ದಿನದಿಂದ ಕಾಣುತ್ತಿದ್ದವರ ಪೈಕಿ ಮನೆಯೊಳಗೆ ಉಳಿದಿರುವ ಆರು ಸ್ಪರ್ಧಿಗಳಿಗೆ ಮಾತ್ರ ಈ ಕನಸು ಮುಂದುವರೆದಿದೆ. ಸದ್ಯ ಇನ್ನೇನು ಕಡೆಯ ಹಂತದಲ್ಲಿ ತಮ್ಮೊಳಗಿದ್ದ ಆಸೆಯನ್ನು ಮನಬಿಚ್ಚಿ ಹಂಚಿಕೊಂಡ ಸದಸ್ಯರ ಒಂದೊಂದು ಬಯಕೆಯನ್ನು ಬಿಗ್ ಬಾಸ್ ಈಡೇರಿಸಲು ಪ್ರಾರಂಭಿಸಿದ್ದಾರೆ.
ಟಾಪ್ ಆರು ಸ್ಪರ್ಧಿಗಳಾದ ವಿನಯ್, ಸಂಗೀತಾ, ಕಾರ್ತಿಕ್, ಪ್ರತಾಪ್, ತುಕಾಲಿ ಸಂತೋಷ್ ಮತ್ತು ವರ್ತೂರು ಸಂತೋಷ್ ಬಿಗ್ ಬಾಸ್ ಹೇಳಿದಂತೆ ತಮ್ಮ ಮನದಲ್ಲಿದ್ದ ಆಸೆಗಳನ್ನು ಆಲಿಸಿ, ಈಡೇರಿಸಲು ಆದರೆ ಪೂರೈಸುತ್ತೇವೆ ಎಂದಿದ್ದರು. ಅದರಂತೆಯೇ ಇದೀಗ ತುಕಾಲಿ ಸಂತೋಷ್ ಕೇಳಿದಂತೆ ಒಂದು ದಿನದ ರಾಜನಾಗಿ ಮನೆಯೊಳಗೆ ತಮಗೆ ಅನಿಸಿದಂತೆ ಜೀವಿಸುವ ಅವಕಾಶವನ್ನು ಬಿಗ್ ಬಾಸ್ ಈಡೇರಿಸಿದ್ದಾರೆ.
ಇನ್ನು ಪ್ರತಾಪ್ ನಾನು ತಯಾರಿಸಿದ ಡ್ರೋನ್ ಮನೆಯನ್ನು ಪ್ರವೇಶಿಸಿಬೇಕು. ಮನೆಯೊಳಗೆ ಅದನ್ನು ನೋಡಬೇಕು ಎಂಬ ಆಸೆಯನ್ನು ವ್ಯಕ್ತಪಡಿಸಿದ್ದರು. ಅದರಂತೆ ಇಂದು ಬಿಗ್ ಬಾಸ್ ಮನೆಯೊಳಗೆ ಪ್ರತಾಪ್ ಅವರ ನೆಚ್ಚಿನ ಡ್ರೋನ್ ಅನ್ನು ಕಳುಹಿಸಿಕೊಟ್ಟಿದ್ದಾರೆ. ಇದನ್ನು ನೋಡಿದ ಪ್ರತಾಪ್ ಭಾವುಕರಾಗಿ, ಧನ್ಯವಾದ ತಿಳಿಸಿದ್ದಾರೆ.