ಮುಂಬೈ: ನಟಿ ಮೃಣಾಲ್ ಠಾಕೂರ್ ಮತ್ತು ರ್ಯಾಪರ್ ಬಾದ್ಶಾ ಶಿಲ್ಪಾ ಶೆಟ್ಟಿ ಅವರ ದೀಪಾವಳಿ ಪಾರ್ಟಿಯಲ್ಲಿ ಭಾಗವಹಿಸಿದ್ದ ವಿಡಿಯೋ ವೈರಲ್ ಆಗುತ್ತಿದೆ. ವಿಡಿಯೋದಲ್ಲಿ, ಮೃಣಾಲ್ ಮತ್ತು ಬಾದ್ಶಾ ಕಾರು ಏರುವ ಮೊದಲು ಕೈ ಕೈ ಹಿಡಿದುಕೊಂಡು ಶಿಲ್ಪಾ ಅವರ ದೀಪಾವಳಿ ಪಾರ್ಟಿಯಿಂದ ಹೊರನಡೆಯುತ್ತಿರುವುದನ್ನು ಕಾಣಬಹುದು. ಇದನ್ನು ರೆಡ್ಡಿಟ್ನಲ್ಲಿ ಹಂಚಿಕೊಂಡ ಬಳಕೆದಾರರು ಹೀಗೆ ಬರೆದಿದ್ದಾರೆ, 'ಮೃಣಾಲ್ ಮತ್ತು ಬಾದ್ಶಾ ಶಿಲ್ಪಾ ಅವರ ದೀಪಾವಳಿ ಪಾರ್ಟಿಯಲ್ಲಿ'.
ಅವರು ಡೇಟಿಂಗ್ ಮಾಡುತ್ತಿದ್ದಾರೆಯೇ?
ಶೀಘ್ರದಲ್ಲೇ, ಅನೇಕ ಜನರು ವಿಡಿಯೋ ಕ್ಲಿಪ್ಗೆ ಪ್ರತಿಕ್ರಿಯಿಸಿದ್ದು, ಅವರ ಅಭಿವ್ಯಕ್ತಿ ನೋಡಿದರೆ ಡೇಟಿಂಗ್ ಮಾಡುತ್ತಿರುವಂತೆ ತೋರುತ್ತಿದೆ ಎಂದು ಊಹಿಸಿದ್ದಾರೆ. ಈಗ ಸಾಮಾಜಿಕ ಮಾಧ್ಯಮದಲ್ಲಿ ಅನೇಕರು ಅವರ ಡೇಟಿಂಗ್ ಬಗ್ಗೆ ಊಹಾಪೋಹ ಹರಡುತ್ತಿದ್ದಾರೆ.
ಅಂದಹಾಗೆ ಪಾರ್ಟಿಯಲ್ಲಿ ಮೃಣಾಲ್ ಹಸಿರು ಲೆಹೆಂಗಾವನ್ನು ಧರಿಸಿದ್ದರೆ, ಬಾದ್ಶಾ ಕಪ್ಪು ಟುಕ್ಸೆಡೊದಲ್ಲಿ ಹ್ಯಾಂಡ್ಸಮ್ ಆಗಿ ಕಾಣುತ್ತಿದ್ದರು. ಪಾರ್ಟಿಯಿಂದ ಹೊರಡುವಾಗ ಬಾದ್ಶಾ ಆಕೆಯ ಹಿಂದೆ ನಡೆದರು. ಮೃಣಾಲ್ ಅವರು ತಮ್ಮ ಮತ್ತು ಬಾದ್ಶಾ ಅವರ ಪಾರ್ಟಿಯೊಳಗಿನ ಅನೇಕ ಚಿತ್ರಗಳನ್ನು Instagram ಸ್ಟೋರೀಸ್ನಲ್ಲಿ ಹಂಚಿಕೊಂಡಿದ್ದಾರೆ. ದೀಪಾವಳಿ ಪಾರ್ಟಿಯ ಕೆಲವು ಫೋಟೋಗಳಲ್ಲಿ ಇಬ್ಬರೂ ಸಹ ಶಿಲ್ಪಾ ಶೆಟ್ಟಿ ಜೊತೆಗಿದ್ದಾರೆ.
ಡೇಟಿಂಗ್ ಬಗ್ಗೆ ಬಳಕೆದಾರರು ಹೇಳಿದ್ದೇನು?
'ನಾನು ಅವರಿಂದ ಇದನ್ನು ನಿರೀಕ್ಷಿಸಿರಲಿಲ್ಲ. ಅದ್ಭುತ.' ‘ ಬಾದ್ಶಾಗೆ ಮದುವೆಯಾಗಿ ಮಗುವಿದೆ?', 'ಅವರು ಡೇಟಿಂಗ್ ಮಾಡುತ್ತಿರುವಂತೆ ತೋರುತ್ತಿಲ್ಲ, ಕೇವಲ ಹ್ಯಾಂಗ್ಔಟ್ ಮಾಡುತ್ತಿದ್ದಾರೆ ಎಂದು ನಾನು ಭಾವಿಸುತ್ತೇನೆ, ಇದು ನಿಜವಾಗದಿರಲಿ' ಎಂದು ಆಶಿಸೋಣ ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.
ಮೃಣಾಲ್ ತೆಲುಗು ಹುಡುಗನೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಯೂ ಇತ್ತು. ಈ ತಿಂಗಳ ಆರಂಭದಲ್ಲಿ, ಮೃಣಾಲ್ ಅವರು ತೆಲುಗು ನಟನನ್ನು ಮದುವೆಯಾಗಲು ಯೋಜಿಸುತ್ತಿದ್ದಾರೆ ಎಂಬ ಮಾಧ್ಯಮ ವರದಿಗಳನ್ನು ನಿರಾಕರಿಸಿದ್ದರು. ಬಾದ್ಶಾ ಅವರು ಮೊದಲು ಜಾಸ್ಮಿನ್ ಮಸಿಹ್ ಅವರನ್ನು ವಿವಾಹವಾದರು. ನಂತರ 2020 ರಲ್ಲಿ ವಿಚ್ಛೇದನ ಪಡೆದರು. ಅವರ ಮಗಳು ಜೆಸ್ಸಿ ಗ್ರೇಸ್ ಮಸಿಹ್ ಸಿಂಗ್ ಜನವರಿ 2017 ರಲ್ಲಿ ಜನಿಸಿದರು.