Soldiers: ಜಮ್ಮು-ಕಾಶ್ಮೀರದ ಕಿಶ್ತ್ವಾರದ ಶ್ರೇಣಿಯ ಪರ್ವತ ಪ್ರದೇಶದಲ್ಲಿ ಕಾರ್ಯಾಚರಣೆಯ ಸಮಯದಲ್ಲಿ ಭಾರೀ ಹಿಮಪಾತ ಸಂಭವಿಸಿದ್ದು, ಇಬ್ಬರು ಸೈನಿಕರು ನಾಪತ್ತೆಯಾಗಿದ್ದಾರೆ, ಅವರಿಗೆ ಶೋಧ ಕಾರ್ಯ ನಡೆಯುತ್ತಿದೆ ಎಂದು ಬುಧವಾರ(ಅ. 08) ಸೇನೆ ತಿಳಿಸಿದೆ.
ಈ ಕುರಿತು ಎಕ್ಸ್ನಲ್ಲಿ ಪೋಸ್ಟ್ ಹಾಕಿರುವ ಚಿನಾರ್ ಕಾರ್ಪ್ಸ್, ಅಕ್ಟೋಬರ್ 6 ಮತ್ತು 7ರ ಮಧ್ಯರಾತ್ರಿ ಈ ಘಟನೆ ಸಂಭವಿಸಿದೆ, ಕಾರ್ಯಾಚರಣೆಯ ತಂಡವು ಪರ್ವತ ಪ್ರದೇಶದಲ್ಲಿ ವೈಟ್ಔಟ್ ಮತ್ತು ಭಾರೀ ಹಿಮಪಾತ ಸೇರಿದಂತೆ ತೀವ್ರ ಹವಾಮಾನವನ್ನು ಎದುರಿಸಿತು. ಅಂದಿನಿಂದ, ಇಬ್ಬರು ಸೈನಿಕರು ನಮ್ಮ ಸಂವಹನದಿಂದ ದೂರವಾಗಿದ್ದಾರೆ. ತೀವ್ರ ಶೋಧ ಮತ್ತು ರಕ್ಷಣಾ ಕಾರ್ಯಾಚರಣೆಗಳನ್ನು ಪ್ರಾರಂಭಿಸಲಾಗಿದೆ ಎಂದು ಹೇಳಿದೆ. (ಏಜೆನ್ಸೀಸ್)