ಥಾಣೆ: ರೈಲು ನಿಲ್ದಾಣದೊಳಗಿನ ಪ್ಲ್ಯಾಟ್ಫಾರ್ಮ್ನಲ್ಲಿ ರಿಕ್ಷಾ ಚಾಲಕನೊಬ್ಬ ರಾತ್ರಿಯಿಡೀ ವಾಹನವನ್ನು ನಿಲ್ಲಿಸಿದ್ದು. ಇದು ಕೊಂಚ ಹೊತ್ತು ಸಂಚಲನ ಮೂಡಿಸಿರುವ ಘಟನೆ ಮಹಾರಾಷ್ಟ್ರದ ಥಾಣೆಯ ಮೀರಾರೋಡ್ ನಿಲ್ದಾಣದಲ್ಲಿ ನಡೆದಿದೆ.
ಟಿಕೆಟ್ ಕಿಟಕಿಯ ಎದುರಿನ ಬಯಲಿನಲ್ಲಿಯೇ ರಿಕ್ಷಾವನ್ನು ನಿಲ್ಲಿಸಿರುವ ವ್ಯಕ್ತಿಯನ್ನು ಜೈರಾಜ್ ಚೌಹಾಣ್ (48) ಎಂದು ಗುರುತಿಸಲಾಗಿದ್ದು, ರೈಲ್ವೇ ಭದ್ರತಾ ಪಡೆ ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿದೆ. ನೈಗಾಂವ್ನ ನಿವಾಸಿಯಾಗಿರುವ ಈತ ಭಾನುವಾರ ಮಧ್ಯರಾತ್ರಿ ಮೀರಾ ರೋಡ್ ರೈಲ್ವೇ ನಿಲ್ದಾಣದ ಪೂರ್ವದ ನಾಲ್ಕನೇ ಪ್ಲ್ಯಾಟ್ಫಾರ್ಮ್ಗೆ ರ್ಯಾಂಪ್ನ ಮೂಲಕ ಪ್ರವೇಶಿ, ರಿಕ್ಷಾವನ್ನು ಅಲ್ಲಿಯೇ ನಿಲ್ಲಿಸಿದ್ದನು.
ರಿಕ್ಷಾ ಬೆಳಗಿನ ಜಾವದವರೆಗೂ ಅಲ್ಲೇ ನಿಂತಿದ್ದರಿಂದ ಇದು ಕೆಲಕಾಲ ಸಂಚಲನವನ್ನು ಮೂಡಿಸಿತ್ತು. ಅಲ್ಲದೇ ರಿಕ್ಷಾ ಚಾಲಕ ಚೌಹಾಣ್ ಪಾನಮತ್ತನಾಗಿದ್ದ ಎಂದು ವರದಿಯಾಗಿದ್ದು, ಈ ಹಿಂದೆಯೂ ಇಂತಹ ಕೆಲಸ ಮಾಡಿದ್ದರು ಎಂದು ಅಲ್ಲಿದ್ದವರು ಆರೋಪಿಸಿದ್ದಾರೆ.(ಏಜೆನ್ಸೀಸ್)