ಬೆಂಗಳೂರು: ಶೂದ್ರ ತಪಸ್ವಿ, ಜಲಗಾರ ಮತ್ತು ಸ್ಮಶಾನ ಕುರುಕ್ಷೇತ್ರ ನಾಟಕಗಳ ಮೂಲಕ ಶೂದ್ರರ ಬದುಕು-ಬವಣೆ ಕತಾ ವಸ್ತುವುಳ್ಳ ನಾಟಕಗಳನ್ನು ರಚಿಸಿದ್ದ ಕುವೆಂಪು ಅವರು ಮೊದಲ ಶೂದ್ರ ಕವಿಯೆಂದು ಕಾರ್ಯಕ್ರಮವೊಂದರಲ್ಲಿ ತೇಜಸ್ವಿಯೇ ಹೇಳಿದ್ದರೆಂದು ರಾಜ್ಯಸಭಾ ಸದಸ್ಯ ಎಲ್. ಹನುಮಂತಯ್ಯ ತಿಳಿಸಿದರು.
ಭಾಗವತರು ಸಾಂಸ್ಕೃತಿಕ ಸಂಘಟನೆಯು ಭಾನುವಾರ ನಯನ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಲಂಕೇಶ್-90 ಎಂಬ ರಾಜ್ಯಮಟ್ಟದ ವಿಚಾರ ಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು.
ಲೇಖಕನಾದವನಿಗೆ ರಾಜಕೀಯ ಪ್ರಜ್ಞೆ ಇರಬೇಖು ಎಂಬುದನ್ನು ತಿಳಿಸಿದ್ದರು. ಕುವೆಂಪು ಅವರ ಸಾಲದ ಮಗು, ತೇಜಸ್ವಿ ಅವರ ತಬರನ ಕತೆ, ದೇವನೂರು ಮಹಾದೇವರ ಅಮಾಸದಲ್ಲಿ ಸಾಮಾಜಿಕ ಪ್ರಜ್ಞೆಯನ್ನು ಬಿಂಬಿಸಿದ್ದಾರೆ. ಲಂಕೇಶ್ ಕೂಡ ಪ್ರಜಾವಾಣಿಯಲ್ಲಿ ‘ಬಂ ಗುಂ’ ಅಂಕಣದ ಮೂಲಕ ಮತ್ತು ನಂತರ ತಮ್ಮ ಪತ್ರಿಕೆಯಲ್ಲಿ ರಾಜಕೀಯವನ್ನು ವಿಡಂಬನಾತ್ಮಕವಾಗಿ ಬರೆಯುತ್ತಿದ್ದರು ಎಂದರು.