ಮೊಸಳೆಗಳು ಸಾಮಾನ್ಯವಾಗಿ ನದಿಯಲ್ಲಿ ಇರುತ್ತವೆ. ಆದರೆ ಒಹಿಯೋದಲ್ಲಿ ನಡೆದಿರುವ ಒಂದು ಘಟನೆ ತೀರ ವಿಚಿತ್ರ ಮತ್ತು ಭಯಾನಕ ಎನಿಸಿದೆ.
ಅಮೆರಿಕದ ಒಹಿಯೋದ ಮನೆಯೊಂದರ ನೆಲಮಾಳಿಗೆಯಲ್ಲಿದ್ದ 25ವರ್ಷ ವಯಸ್ಸಿನ ಮೊಸಳೆಯನ್ನು ಮ್ಯಾಡಿಸನ್ ಟೌನ್ಶಿಪ್ ಪೊಲೀಸರು ರಕ್ಷಣೆ ಮಾಡಿದ್ದಾರೆ. ಅದಕ್ಕೆ ಸಂಬಂಧಪಟ್ಟಂತೆ ಫೇಸ್ಬುಕ್ನಲ್ಲಿ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದು, ಸಿಕ್ಕಾಪಟೆ ವೈರಲ್ ಆಗಿದೆ.
ತಾವು ಮೊಸಳೆಯನ್ನು ರಕ್ಷಣೆ ಮಾಡಿದ ಫೋಟೋಗಳನ್ನು ಪೋಸ್ಟ್ ಮಾಡಿದ ಮ್ಯಾಡಿಸನ್ ಪೊಲೀಸರು, ನಮಗೆ ಪೊಲೀಸ್ ಅಕಾಡೆಮಿಯಲ್ಲಿ ಕಲಿಸದ ಕೆಲವು ವಿಚಾರಗಳು ಇವೆ ಎಂದು ಫನ್ನಿಯಾಗಿ ಬರೆದುಕೊಂಡಿದ್ದಾರೆ.
ಈ ಮನೆಯ ಮಾಲೀಕರು ಪರವಾನಗಿ ಇಲ್ಲದೆ ಮೊಸಳೆಯನ್ನು ಕೂಡಿಟ್ಟುಕೊಂಡಿದ್ದರು. ಹಾಗಾಗಿ ಸ್ವಯಂ ಪ್ರೇರಿತರಾಗಿ ನಮಗೆ ತಿಳಿಸಿದರು ಎಂದು ಪೊಲೀಸರು ಹೇಳಿದ್ದಾರೆ. ಮೊಸಳೆಯನ್ನು ಹಿಡಿದು ದಕ್ಷಿಣ ಕೆರೊಲಿನಾದ ಮಿರ್ಟಲ್ ಬೀಚ್ನಲ್ಲಿರುವ ವನ್ಯಜೀವಿ ಧಾಮಕ್ಕೆ ಬಿಡಲಾಗಿದೆ. (ಏಜೆನ್ಸೀಸ್)