ಆಸ್ಟ್ರೇಲಿಯಾ: ತನ್ನ ಮುದ್ದಿನ ನಾಯಿಯನ್ನು ಕಿತ್ತುಕೊಳ್ಳುವುದನ್ನು ತಡೆಯಲು ಯತ್ನಿಸಿದ ವ್ಯಕ್ತಿಯೊಬ್ಬ ಮೊಸಳೆಗೆ ಗುದ್ದುತ್ತಿರುವ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದೆ .
37 ವರ್ಷದ ಅಲಿಸ್ಟರ್ ಮ್ಯಾಕ್ಫೀ, ಆಸ್ಟ್ರೇಲಿಯಾದ ಪೋರ್ಟ್ ಡೌಗ್ಲಾಸ್ನ ಉತ್ತರದಲ್ಲಿರುವ ಬ್ಲೂಮ್ಫೀಲ್ಡ್ ಬೋಟ್ ರಾಂಪ್ನಲ್ಲಿ ನೀರಿನಲ್ಲಿ ತನ್ನ ಸಾಕು ನಾಯಿಯೊಂದಿಗೆ ಆಟವಾಡುತ್ತಿದ್ದ. ಈ ಸಂದರ್ಭ ಬಂದು ನಾಯಿಯ ಮೇಲೆ ದಾಳಿ ಮಾಡಿದ ಮೊಸಳೆಗೆ ಪಂಚ್ ಮಾಡಿದ್ದಾನೆ. ಒಟ್ಟಾರೆ ಪ್ರಹಸನದಲ್ಲಿ ಮೊಸಳೆ ಈತನ ಕಾಲನ್ನು ತನ್ನ ದವಡೆಗಳಲ್ಲಿ ಹಿಡಿದುಕೊಂಡು ಅವನನ್ನು ನೀರಿಗೆ ಎಳೆದಿದೆ.
ಇದನ್ನೂ ಓದಿ: ಭತ್ತದ ಗದ್ದೆಯಲ್ಲಿ ಪತ್ತೆಯಾಯ್ತು ಬೃಹತ್ ಮೊಸಳೆ!
ಮ್ಯಾಕ್ಫೀ ಮೊಸಳೆಯ ಹಿಡಿತದಿಂದ ಪಾರಾಗುವಲ್ಲಿ ಯಶಸ್ವಿಯಾದರೂ ಅವರ ಸಾಕು ನಾಯಿಯನ್ನು ಮೊಸಳೆಯು ಎಳೆದುಕೊಂಡು ಹೋಗಿದೆ.
ನಾಯಿಯನ್ನು ಬಿಡಿಸುವ ಪ್ರಯತ್ನದಲ್ಲಿ, ವ್ಯಕ್ತಿ ಹತಾಶರಾಗಿದ್ದು ಮೊಸಳೆಗೆ ಪಂಚ್ ಮಾಡಲು ಪ್ರಾರಂಭಿಸಿದ್ದಾರೆ. ಆದರೆ ಇದರಿಂದ ಯಾವುದೇ ಪ್ರಯೋಜನವಾಗಲಿಲ್ಲ. ಮೊಸಳೆಯ ಭೀಕರ ದಾಳಿಯಲ್ಲಿ ಅವರ ಕಾಲಿಗೆ ತೀವ್ರ ಗಾಯಗಳಾಗಿವೆ.
ಇದನ್ನೂ ಓದಿ: ಭಾರಿ ಗಾತ್ರದ ಮೊಸಳೆ ಸೆರೆ
ಮ್ಯಾಕ್ಫೀಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿಉದ್ದು ಕಾಲಿನ ಗಾಯಕ್ಕೆ ಚಿಕಿತ್ಸೆ ನೀಡಲಾಗಿದೆ. ಈ ಆಘಾತಕಾರಿ ಘಟನೆಯ ಬಗ್ಗೆ ಸಾರ್ವಜನಿಕವಾಗಿ ಮಾತನಾಡಲು ಅವರು ನಿರಾಕರಿಸಿದ್ದಾರೆ.
ಈತ ತನ್ನ ನಾಯಿಯನ್ನು ಉಳಿಸುವ ಸಲುವಾಗಿ ಮೊಸಳೆಯ ಹಿಂಭಾಗಕ್ಕೆ ಗುದ್ದುತ್ತಿದ್ದ. ಆದರೆ ಮೊಸಳೆಯ ಗಾತ್ರ ದೊಡ್ಡದಾಗಿದ್ದು ಅದು ಬಲಶಾಲಿಯಾಗಿತ್ತು. ಈ ಕಾರಣದಿಂದಾಗಿ ತನ್ನ ನಾಯಿಯನ್ನು ಉಳಿಸಲು ಆತನಿಂದ ಸಾಧ್ಯವಾಗಲಿಲ್ಲ. (ಏಜೆನ್ಸೀಸ್)