Air India Plane: ಕೊಚ್ಚಿಯಿಂದ ಮುಂಬೈಗೆ ಪ್ರಯಾಣಿಸುತ್ತಿದ್ದ ಏರ್ ಇಂಡಿಯಾ ವಿಮಾನ ಇಂದು (ಜು.21) ಬೆಳಗ್ಗೆ ಮುಂಬೈನ ವಿಮಾನ ನಿಲ್ದಾಣದಲ್ಲಿ ಇಳಿಯುವಾಗ ರನ್ವೇಯಲ್ಲಿ ಜಾರಿದ ಹಿನ್ನಲೆ ಇಂಜಿನ್ಗಳು ಹಾನಿಯಾಗಿವೆ.
ಮಳೆಯಿದ್ದ ಹಿನ್ನಲೆ ಛತ್ರಪತಿ ಶಿವಾಜಿ ಮಹಾರಾಜ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿಯುವಾಗ ಏರ್ ಇಂಡಿಯಾ ವಿಮಾನ ರನ್ವೇಯಲ್ಲಿ ಜಾರಿದೆ. ಆದರೆ, ಪೈಲಟ್ ನಿಯಂತ್ರಣದಿಂದ ಯಾವುದೇ ಅಪಾಯ ಸಂಭವಿಸಿಲ್ಲ. ಇದರಿಂದ ಮತ್ತೊಂದು ಘೋರ ವಿಮಾನ ದುರಂತ ತಪ್ಪಿದೆ ಎಂದೇ ಹೇಳಬಹುದು. ರನ್ವೇಯಿಂದ ಹುಲಿನ ಬದಿಗೆ ಜಾರಿದ ವಿಮಾನದ ಇಂಜಿನ್ಗಳು ಹಾನಿಯಾಗಿದ್ದು, ಹುಲ್ಲು ಸಿಲುಕಿಕೊಂಡಿರುವುದು ದೃಶ್ಯಗಳಲ್ಲಿ ಸರೆಯಾಗಿದೆ.
ವಿಮಾನವು ಇಳಿದ ನಂತರ, ರನ್ವೇಯ ಒಂದು ಬದಿಯಲ್ಲಿ ಏರ್ ಇಂಡಿಯಾ ವಿಮಾನ ದಿಕ್ಕು ತಪ್ಪು ಚಲಿಸಿದೆ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ. ವರದಿಗಳ ಪ್ರಕಾರ, ವಿಮಾನದ ಮೂರು ಟೈರ್ಗಳು ಬ್ಲಾಸ್ಟ್ ಆಗಿದ್ದು, ಇಂಜಿನ್ಗಳು ಹಾನಿಗೆ ಒಳಗಾಗಿವೆ.