ಮುಂಬೈ: ಸೈಫ್ ಅಲಿ ಖಾನ್ ಬಾಲಿವುಡ್ ಇಂಡಸ್ಟ್ರಿಯ ಸ್ಟಾರ್ ಹೀರೋಗಳಲ್ಲಿ ಒಬ್ಬರು. ಸಾಲುಸಾಲು ಚಿತ್ರಗಳಲ್ಲಿ ಬ್ಯುಸಿಯಾಗಿರುವ ಸೈಫ್ ಅವರ ಜೀವನದ ಕುರಿತಾದ ಕುತೂಹಲಕಾರಿ ಸುದ್ದಿಯೊಂದು ವೈರಲ್ ಆಗಿದೆ.
ಒಮ್ಮೆ ಸೈಫ್ ಅಲಿ ಖಾನ್ಗೆ ಅವರ ಮಾಜಿ ಪತ್ನಿ ಅಮೃತಾ ಸಿಂಗ್ ನಿದ್ದೆ ಮಾತ್ರೆಗಳನ್ನು ನೀಡಿದ್ದರು. ಅದಕ್ಕೆ ದೊಡ್ಡ ಕಾರಣವೂ ಇದೆ ಎಂದಿದ್ದಾರೆ ನಿರ್ದೇಶಕ ಸೂರಜ್. ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದ ನಿರ್ದೇಶಕ ಸೂರಜ್ ಕುತೂಹಲಕಾರಿ ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ನಿರ್ದೇಶಕ ಸೂರಜ್ ಸಂದರ್ಶನದಲ್ಲಿ ಮಾತನಾಡಿ, ಹಮ್ ಸಾಥ್ ಸಾಥ್ ಹೈ ಹಿಂದಿಯಲ್ಲಿ ಸೈಫ್ ನಟಿಸಿದ ಬ್ಲಾಕ್ ಬಸ್ಟರ್ ಹಿಟ್ ಚಿತ್ರಗಳಲ್ಲಿ ಒಂದಾಗಿದೆ. ಈ ಸಿನಿಮಾ ಆ ಕಾಲಕ್ಕೆ ಭರ್ಜರಿ ಯಶಸ್ಸು ಕಂಡಿತ್ತು. ಈಗಲೂ ಈ ಚಿತ್ರಕ್ಕೆ ವಿಶೇಷ ಅಭಿಮಾನಿಗಳಿದ್ದಾರೆ. ಇದರಲ್ಲಿ ಸಲ್ಮಾನ್ ಖಾನ್, ಸೈಫ್ ಅಲಿ ಖಾನ್, ಕರಿಷ್ಮಾ ಕಪೂರ್, ಟಬು, ಸೋನಾಲಿ ಬಿಂದ್ರೆ ಮತ್ತು ಮೊನಿಶ್ ಬಾಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ನಿರ್ದೇಶಕ ಸೂರಜ್ ಬರ್ಜಾತ್ಯಾ ನಿರ್ಮಾಣದ ಈ ಸಿನಿಮಾ ಮ್ಯೂಸಿಕಲ್ ಸೂಪರ್ ಹಿಟ್ ಆಗಿದೆ. ಆದರೆ ಇದರಲ್ಲಿ ಸುನೋಜಿ ದುಲ್ಹನ್ ಹಾಡಿನ ಶೂಟಿಂಗ್ ವೇಳೆ ಸೈಫ್ ಸರಿಯಾಗಿ ನಟಿಸಿಲ್ಲ. ಅವರು ಹಲವು ಬಾರಿ ರೀಟೇಕ್ ತೆಗೆದುಕೊಳ್ಳುತ್ತಲೇ ಇದ್ದರು. ಸೈಫ್ಗೆ ಏನಾಯಿತು ಎಂದು ಅವರ ಪತ್ನಿ ಅಮೃತಾ ಕೇಳಿದಾಗ, ಅವರು ಹಗಲು ರಾತ್ರಿ ಕೆಲಸ ಮಾಡಿದ್ದರಿಂದ ಅವರು ಸುಸ್ತಾಗಿದ್ದಾರೆ. ನಿದ್ದೆ ಮಾತ್ರೆಗಳನ್ನು ನೀಡಿ ಆ ದಿನ ಪೂರ್ತಿ ಆರಾಮವಾಗಿ ನಿದ್ದೆ ಮಾಡಿದ್ದು, ಮುಂದಿನ ಸಿಂಗಲ್ ಟೇಕ್ ನಲ್ಲಿ ಪರ್ಫೆಕ್ಟ್ ಆಗಿ ನಟಿಸಿದ್ದಾರೆ ಒಂದೇ ಟೇಕ್ನಲ್ಲಿ ಶಾಟ್ ಹೇಗೆ ಮುಗಿದಿದೆ ಎಂದು ಸೈಫ್ ಕೇಳಿದರು ಎಂದು ನಿರ್ದೇಶಕ ಸೂರಜ್ ಹೇಳಿದ್ದಾರೆ.
ದೊಡ್ಡ ಸ್ಟಾರ್ ಗಳ ಜೊತೆ ನಟಿಸುವುದು ಸೈಫ್ ಗೆ ಮೊದಲಬಾರಿಗೆ ಆಗಿದ್ದರಿಂದ ತುಂಬಾ ಟೆನ್ಷನ್ ಆಗಿದ್ದೇನೆ ಎಂದ ಅವರು, ಆಗಾಗ ಡೈಲಾಗ್ ರಿಹರ್ಸಲ್ ಮಾಡುತ್ತಿದ್ದರು. ಆಗ ಅವರ ಪತ್ನಿ ನಿದ್ದೆ ಮಾತ್ರೆ ನೀಡಿ ಕೊಂಚ ವಿಶ್ರಾಂತಿ ಪಡೆಯುವಂತೆ ಮಾಡಿದ್ದರು ಎನ್ನಲಾಗಿದೆ.
ಹಲವು ವರ್ಷಗಳಿಂದ ಹಿಂದಿಯಲ್ಲಿ ಹಲವು ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿರುವ ಸೈಫ್ ಈಗ ಸೌತ್ ಇಂಡಸ್ಟ್ರಿಯತ್ತ ಗಮನ ಹರಿಸಿದ್ದಾರೆ. ಪ್ರಭಾಸ್ ಅಭಿನಯದ ಆದಿಪುರುಷ ಚಿತ್ರದ ಮೂಲಕ ದಕ್ಷಿಣದ ಪ್ರೇಕ್ಷಕರ ಮುಂದೆ ಬಂದ ಸೈಫ್ ಈಗ ಮತ್ತೊಮ್ಮೆ ತೆಲುಗು ಪ್ರೇಕ್ಷಕರನ್ನು ರಂಜಿಸಲು ಸಿದ್ಧರಾಗಿದ್ದಾರೆ.