ಕೆರೆ, ಹೊಳೆ, ನದೀಲಿ ಸ್ನಾನ ಮಾಡೋದನ್ನ ಕೇಳಿದ್ದೇವೆ...ಅದಾದ ಮೇಲೆ ಸ್ನಾನದ ಕೋಣೆಯಲ್ಲಿ ದೊಡ್ಡದಾದ ಬಾತ್ ಟಬ್ ಇಟ್ಟು ಸ್ನಾನ ಮಾಡೋದೂ ಗೊತ್ತು. ಆದರೆ ಇಲ್ಲೊಬ್ಬ ವ್ಯಕ್ತಿ ಮಾಡಬಾರದ ಜಾಗದಲ್ಲಿ ಸ್ನಾನ ಮಾಡಿ ಸುದ್ದಿಯಾಗಿದ್ದಾನೆ.
ಅಮೆರಿಕದ ಮಿಚಿಗನ್ನ ವೆಂಡಿ ರೆಸ್ಟೋರಂಟ್ನ ಕೆಲಸಗಾರನೋರ್ವ ಸ್ನಾನ ಮಾಡಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟೆ ವೈರಲ್ ಆಗಿದೆ.
ಮೊದಲು ವಿಡಿಯೋ ಮಾಡಿ ಟಿಕ್ಟಾಕ್ನಲ್ಲಿ ಪೋಸ್ಟ್ ಮಾಡಲಾಗಿತ್ತು. ಆದರೆ ಬಳಿಕ ಅದನ್ನು ಫೇಸ್ಬುಕ್ನಲ್ಲಿ ಹಾಕಲಾಗಿದೆ. ವಿಡಿಯೋ ಪೋಸ್ಟ್ ಮಾಡಿದ ಫೇಸ್ಬುಕ್ ಬಳಕೆದಾರ, ಯಾರೂ ಗ್ರೀನ್ವಿಲ್ಲೆ ವೆಂಡಿಸ್ ರೆಸ್ಟೋರೆಂಟ್ಗೆ ಹೋಗಬೇಡಿ. ಅಲ್ಲಿನ ಉದ್ಯೋಗಿಗಳು ಅಸಹ್ಯವಾಗಿ ವರ್ತಿಸುತ್ತಾರೆ ಎಂದು ಕ್ಯಾಪ್ಷನ್ ಬರೆದಿದ್ದಾರೆ.
ಅಷ್ಟಕ್ಕೂ ವಿಡಿಯೋದಲ್ಲಿ ಏನಿದೆ ಎಂದರೆ, ರೆಸ್ಟೋರೆಂಟ್ನ ಉದ್ಯೋಗಿಯಾಗಿರುವ ಯುವಕನೋರ್ವ ಅಡುಗೆ ಮನೆಯ ದೊಡ್ಡದಾದ ಸಿಂಕ್ (ಕೈ, ಪಾತ್ರೆಗಳನ್ನು ತೊಳೆಯುವ ಸಿಂಕ್)ನಲ್ಲಿಯೇ ಸ್ನಾನ ಮಾಡುತ್ತಿದ್ದಾನೆ. ಆ ಸಿಂಕ್ ತುಂಬ ಸೋಪಿನ ನೊರೆ ಇದೆ.ಅಡುಗೆ ಕೋಣೆಯಲ್ಲಿ ಇದ್ದ ಇನ್ನೊಬ್ಬಾತ ಸ್ನಾನ ಮಾಡುತ್ತಿದ್ದವನೆಡೆಗೆ ಏನನ್ನೋ ಹಾರಿಸುತ್ತಾನೆ. ಸ್ನಾನ ಮಾಡುತ್ತಿರುವ ಯುವಕ ಆ ವಸ್ತುವಿನಲ್ಲಿ ಮೈಯನ್ನು ಉಜ್ಜಿಕೊಳ್ಳುವುದನ್ನು ವಿಡಿಯೋದಲ್ಲಿ ಕಾಣಬಹುದು.
ಸಿಂಕ್ನಲ್ಲಿ ಕುಳಿತಿದ್ದವ ತುಂಬ ಸಂತೋಷದಿಂದ ಸ್ನಾನ ಮಾಡುತ್ತ, ನಾನು ನನ್ನ ಜೀವನವನ್ನು ಎಂಜಾಯ್ ಮಾಡುತ್ತಿದ್ದೇನೆ ಎನ್ನುವುದನ್ನು, ಅದಕ್ಕೆ ಪ್ರತಿಯಾಗಿ ಇನ್ನೊಬ್ಬ ನಗುವುದನ್ನು ಕೇಳಬಹುದು.
ವಿಡಿಯೋ ನೋಡಿದವರು ತೀವ್ರ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ರೆಸ್ಟೋರೆಂಟ್ನ ಸ್ವಚ್ಛತೆಯ ನಿರ್ವಹಣೆ ಬಗ್ಗೆ ಪ್ರಶ್ನೆ ಮಾಡುತ್ತಿದ್ದಾರೆ.
ಈ ವಿಡಿಯೋ ನೋಡಿದ ಮೇಲೆ ನಿನ್ನ ತಂದೆ ತಾಯಿ ನಿನ್ನ ಬಗ್ಗೆ ತುಂಬ ಹೆಮ್ಮೆ ಪಡುತ್ತಾರೆ...ಇದೊಂದು ಅಸಹ್ಯಕರ ವರ್ತನೆ ಎಂಬಂತಹ ಆಕ್ರೋಶ ಭರಿತ ಕಾಮೆಂಟ್ಗಳನ್ನು ನೆಟ್ಟಿಗರು ಹಾಕಿದ್ದಾರೆ. (ಏಜೆನ್ಸೀಸ್)