ಕೊಪ್ಪ: ಹರಿಹರಪುರದಿಂದ ಶಿವಮೊಗ್ಗಕ್ಕೆ ರಿಪೇರಿಗಾಗಿ ತರುತ್ತಿದ್ದ ಕಾರು ಶುಕ್ರವಾರ ಕುದುರೆಗುಂಡಿ ಸಮೀಪ ಶಾಟ್ಸರ್ಕ್ಯೂಟ್ನಿಂದ ಬೆಂಕಿಗಾಹುತಿಯಾಗಿದೆ.ಹರಿಹರಪುರ ಸಮೀಪದ ಬೆಳೆಗದ್ದೆಯ ಪ್ರಭಾಕರ್ ಅವರು ಕಾರನ್ನು ರಿಪೇರಿಗೆ ತೆಗೆದುಕೊಂಡು ಹೋಗುವಾಗ ಈ ಘಟನೆ ಸಂಭವಿಸಿದೆ. ಕಾರಿನ ಮುಂಭಾಗದಲ್ಲಿ ಮೊದಲಿಗೆ ಬೆಂಕಿ ಕಾಣಿಸಿಕೊಂಡಿತು. ಕೆಲವೇ ಕ್ಷಣದಲ್ಲೇ ಬೆಂಕಿ ಕಾರನ್ನು ಆವರಿಸಿಕೊಂಡಿತು. ಅದೃಷ್ಟವಶಾತ್ ಚಾಲಕ ಪ್ರಭಾಕರ್ ಕಾರಿನಿಂದ ಇಳಿದ ಪರಿಣಾಮ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕಾರಿನಲ್ಲಿ ಬೆಂಕಿ ಕಂಡ ಸ್ಥಳೀಯರು ನಂದಿಸಲು ಯತ್ನಿಸಿದ್ದರು. ಅಷ್ಟರಲ್ಲಿ ಕಾರು ಸಂಪೂರ್ಣ ಸುಟ್ಟುಕರಕಲಾಗಿತ್ತು.