ನವದೆಹಲಿ: ಸತತ ಬೆಲೆ ಏರಿಕೆ ಮೂಲಕ ಆಭರಣ ಪ್ರಿಯರಿಗೆ ಶಾಕ್ ನೀಡಿದ್ದ ಚಿನ್ನದ ದರದಲ್ಲಿ ಮಂಗಳವಾರ ಭಾರಿ ಇಳಿಕೆ ಕಂಡಿದೆ. ದೆಹಲಿಯಲ್ಲಿ ಚಿನ್ನದ ಬೆಲೆ -ಠಿ; 1,317 ತಗ್ಗಿದ್ದು, ಪ್ರತಿ 10 ಗ್ರಾಂಗೆ -ಠಿ; 54,763ಕ್ಕೆ ತಲುಪಿದೆ. ಚಿನ್ನದ ದರ 56 ಸಾವಿರದ ಗಡಿ ದಾಟಿತ್ತು. ಬೆಳ್ಳಿ ದರದಲ್ಲೂ -ಠಿ; 2,943 ಇಳಿಕೆ ಕಂಡಿದ್ದು, ಪ್ರತಿ ಕೆ.ಜಿಗೆ -ಠಿ; 73,600ಕ್ಕೆ ಮುಟ್ಟಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ದರ ಪ್ರತಿ ಔನ್ಸ್ಗೆ 1,989 ಡಾಲರ್ ಆಗಿದ್ದು, ಬೆಳ್ಳಿ ಪ್ರತಿ ಔನ್ಸ್ಗೆ 27.90 ಡಾಲರ್ ತಲುಪಿದೆ.
ಮುಂಬೈ ಷೇರುಮಾರುಕಟ್ಟೆಯಲ್ಲಿ ಮಂಗಳವಾರ 224.93 (ಶೇ.0.59) ಅಂಶ ಏರಿಕೆ ಕಂಡು 38,407.01ಕ್ಕೆ ದಿನದ ವಹಿವಾಟು ಅಂತ್ಯಗೊಳಿಸಿದೆ. ನಿಫ್ಟಿ ಕೂಡ 52.35 (ಶೇ.0.46) ಅಂಶ ಏರಿಕೆ ಕಂಡು 11,322.50ಕ್ಕೆ ವಹಿವಾಟು ಮುಗಿಸಿದೆ. ಸೆನ್ಸೆಕ್ಸ್ನ 30 ಪ್ರಮುಖ ವಲಯದಲ್ಲಿ ಆಕ್ಸಿಸ್ ಬ್ಯಾಂಕ್ ಷೇರು ಮೌಲ್ಯ ಶೇ.3.96 ಹೆಚ್ಚಾಗಿದೆ. ನಂತರದ ಸ್ಥಾನಗಳಲ್ಲಿ ಇಂಡಸ್ಲ್ಯಾಂಡ್ ಬ್ಯಾಂಕ್, ಐಟಿಸಿ, ಎಚ್ಡಿಎಫ್ಸಿ ಬ್ಯಾಂಕ್, ಟಾಟಾ ಸ್ಟೀಲ್, ಎಚ್ಡಿಎಫ್ಸಿ, ಐಸಿಐಸಿಐ ಬ್ಯಾಂಕ್ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಇವೆ. ಮತ್ತೊಂದೆಡೆ ಟೈಟಾನ್, ಭಾರ್ತಿ ಏರ್ಟೆಲ್, ಎಚ್ಸಿಎಲ್ ಟೆಕ್ ಮತ್ತು ಒಎನ್ಜಿಸಿ ಷೇರು ಮೌಲ್ಯ ಶೇ.3.73 ಇಳಿಕೆ ಕಂಡಿವೆ. ಡಾಲರ್ ಎದುರು ರೂಪಾಯಿ ಮೌಲ್ಯ 12 ಪೈಸೆ ಹೆಚ್ಚಾಗಿದ್ದು, ಪ್ರತಿ ಡಾಲರ್ಗೆ -ಠಿ; 74.78ಕ್ಕೆ ತಲುಪಿದೆ.