ಮಹಾರಾಷ್ಟ್ರ: ತುಂಬಿ ಹರಿಯುವ ನದಿಯಲ್ಲಿ ಎಂಎಸ್ಆರ್ಟಿಸಿ ಬಸ್ ಚಾಲಕನೊಬ್ಬ ಪ್ರಯಾಣಿಕರ ಜೀವದ ಜತೆ ಚೆಲ್ಲಾಟವಾಡಿರುವ ವಿಡಿಯೋ ವೈರಲ್ ಆಗಿದೆ.
ಮಹಾರಾಷ್ಟ್ರದ ರಾಯಘಡದ ಮಹಾಡ ತಾಲೂಕಿನಲ್ಲಿ ನದಿ ತುಂಬಿದ್ದು, ಸೇತುವೆ ನೀರಲ್ಲಿ ಮುಳುಗಿದೆ. ಆದರೂ ಪ್ರಯಾಣಿಕರನ್ನು ಕೂರಿಸಿಕೊಂಡು ಚಾಲಕ ಬಸ್ ಅನ್ನು ನದಿ ನೀರ ಮೇಲೆಯೇ ಚಲಾಯಿಸಿದ್ದಾನೆ. ಸ್ವಲ್ಪ ಆಯ ತಪ್ಪಿದ್ದರೂ ಘೋರ ದುರಂತವೇ ಸಂಭವಿಸುತಿತ್ತು. ನದಿಯಲ್ಲಿ ಬಸ್ ಚಲಾಯಿಸಿದ ವಿಡಿಯೋ ಜಾಲತಾಣದಲ್ಲಿ ವೈರಲ್ ಆಗಿದ್ದು, ನದಿ ದಾಟುವಾಗ ಮಹಾರಾಷ್ಟ್ರ ಸರ್ಕಾರಿ ಬಸ್ ಸಣ್ಣ ಹಡಗಿನಂತೆ ಭಾಸವಾಗಿದೆ. ಚಾಲಕನ ನಡೆಗೆ ಆಕ್ರೋಶ ವ್ಯಕ್ತವಾಗುತ್ತಿದ್ದು, ಚಾಲಕನನ್ನು ಕೆಲಸದಿಂದ ವಜಾ ಮಾಡಲಾಗಿದೆ.